Sustatu

Eusko Jaurlaritzak ezagutzera eman ditu irailean abiaraziko den Euskadiko Ziber-segurtasun zentro berriaren xehetasun eta ezaugarriak. Zentro berri horrek SPRIren menpeko unitate zentralizatu batetik lan egingo du, eta etengabe koordinatuta egongo da Ertzaintzarekin eta EJIErekin (Informatika Sozietate Publikoa). Arabako Teknologi Parkean (Miñao) kokatuko da, eta langile tekniko espezializatuz osatutako egitura bat izango du. Dagoeneko ireki da langile horiek aukeratzeko prozesua.

Duela urte bete Sustatun iragarri genuen bezala, Amerika eta Europa konektatuko dituen zuntz optikozko kable berriak Euskal Herrian izango du abiapuntua, Sopelan hain zuzen ere. Bada, aste honetan hasi dira super-kable hori instalatzeko lanak Bizkaian. Kable berriak bi kontinenteen arteko interneteko komunikazio hobetuko du eta bere datuak ikaragarriak dira: besteak beste, 6.600 km izango ditu kableak, Virginia eta Euskal Herria bitartean, eta itsas hondoan zehar joango da, 4.000 metroko sakonerara. Nola da posible horrelako azpiegiturak instalatzea eta konpontzea? Hona hemen bideo argigarri batzuk.

Donostian ateratako irudiekin osatu du Txema Ortiz argazkilari nafarrak ondorengo ikusentzunezkoa. 360 graduko irudi horizontal eta panoramikoak 4K kalitatean. Vimeon dioen moduan, "2017ko egun eguzkitsu batean Donostian filmatua".