Sustatu

Gabongo elefanteak arriskuan daude. Babestuta egon arren, ezkutuko ehiza handia da herrialde hartan eta elefante populazioak beherantz jarraitzen dute. Gabongo Natur Parkeetako agentziak GPSa ezarriko die hainbat elefanteri, euren jarraipena egin ahal izateko eta ezkutuko ehiza gutxitzen ahalegintzeko. Gainera, elefanteen bizitza-ohiturei buruzko hainbat datu ere jasoko dituzte, babes-neurriak eraginkorragoak hartzeko balioko dutenak.

Zuberoako Maskaradak zuzenean marrazteko deialdia prestatzen ari da Marrazkeraz, marrazkilarien topagunea. Datorren igandean izango da topaketa (apirilak 1), Zuberoako Barkoxen. Deialdi bikoitza da, goizeko 10.30etan eta arratsaldeko 15.00etan. Euskaraz marraztera animatzen den oro gonbidatuta dago hitzordu honetara, nahi duen teknika erabiliz. 

2018ko apirilaren 1 eta 2an, Idazleen Biltzarraren 35. edizioa ospatuko da Sarako kiroldegian. Usaian bezala, hainbat liburu aurkezpen eta idazleekilako topaketa antolatuak dira. Aurtengo Biltzar saria Auxtin Zamora eta Jean-Claude Larronde-ri emanan izanen zaie. Euskal Kultur Erakundea partaide da antolaketa lanetan. 120 idazle baino gehiago elkartuko dira igande arratsaldez eta astelehen egun osoz.

Atzodanik beste 39 hizkuntzatan erabili daiteke Google Maps. Hizkuntza berrien artean daude Europako hizkuntza ofizial ertain-txiki mordoa (islandiera, errumaniera, suomiera, norvegiera) eta baita Asiako hizkuntza handi asko ere (persiera, indonesiera, khemerera,...).