Sustatu

AppleTV+ streaming zerbitzua duela egun batzuk inauguratu zenean AEBetan, Euskal Herrian ere hala izan zen (Frantzia eta Espainiako zerbitzuen bitartez), baina ez da hala gertatzen Disney+ streaming zerbitzuarekin, zeina aste honetan ireki den AEBetan, baina Euskal Herrian 2020ko martxoaren 31n irekiko da (kasu honetan ere, Espainiako eta Frantziako irekierengatik noski).

Langileentzako eta lan bila dabiltzatenentzako informazio praktikoa dakar LAB sindikatuak sortutako Bizilan.eus webguneak, euskaraz eta gaztelaniaz. Langile guztientzako tresna baliagarria izatea nahi dute eta horretarako, informazio praktikoz eta erantzun zein aholkuez osatuta dago orrialdea. Erabiltzaileen parte-hartzea ere bultzatu nahi dute, proposamenentzako tartea eskainiz.

Tokikom hedabide elkarteak bere jardunaldietan banatu ditu Tokikom sariak gaur, tokiko euskarazko komunikabideetan egindako lan nabarmenak sarituz. Laugarren urtea da sari hauek antolatzen direna.

Urtero bezala, Oiasso museoak antolatuta, aurten ere FICAB zine-jaialdia izango da Bidasoaldean eta Donostian, Bidasoako Nazioarteko Zinemaldi Arkeologikoan, azaroaren 18tik 23ra arte. Aurten 53 filme jaso dira jatorri desberdinetakoak hala nola Hego Korea, Venezuela edo Eslovakia. Dagoeneko hautatutako filme batzuen artean Frantziakoak eta Espainiakoak gehiangoak dira baina Grezioa edo Libanotik iritsitakoak ere badaude.

Hilero Wikipedia hornitzeko Euskal Wikilarien Elkarteak antolatzen dituen lehiaketetan, iraila izan zen euskal ondarearen hilabetea. Mundu osoarekin batera egin zen gainera, Wiki Loves Monuments lehiaketa mundu mailakoa izaten baita. Oraintxe jakinarazi dira irabazleak.