Tokikom sarien 4. edizioaren irabazleak jakinarazi dituzte

Hauek izan dira sari nagusiak:

• Edukirik onena Urumeako Kronika egunkariarentzat izan da, Urik gabeko urtegi, orain laborategi erreportajeagatik. (Egileak sariarekin goiko irudian)
• Ikus-entzunezkorik onena Goiena Telebistak jaso du, Debagoiena eraldatzen bideo sortagatik.
• Azalik onena, Goienaren Puntua aldizkariarentzat izan da; Antropozenoa izeneko azalagatik.

Hiru sari nagusiez gain, epaimahaiak bi aipamen berezi egin ditu:

• Hiruka aldizkariaren Bayandalai, elur-oreinen azken artzaina? argazki erreportajea (aldizkariaren 146. alean ikusgai, Aner Etxebarriaren argazkiak dira).
• Anboto astekariaren (Durangaldea, Bizkaia) Martxoak 31 azala.

Kazetaritza sariak laugarren urtez eman dituzte. Basauriko (Bizkaia) Ibaigane kultur etxean egin den ekitaldian. Epaimahaia lagun hauek osatu dute: Tania Arriaga Azkarate, Edorta Arana eta Amaia Pavon.

Hemen itsatsita, alde grafikoagatik nabarmendu diren lanak: