Baskoniaren izena erromatarren garaitik dator, hauek Vasconia deitu baitzioten euskal lurraldeari, eta vascon bertako biztanleei. Lingua navarrorum edo euskara zen lurralde honetan hitz egiten zen hizkuntza, baina gure saskibaloi taldeak izena bakarrik mantendu du, gure hizkuntzarekiko inongo begirunerik erakutsi ez du eta. Sare sozialetan gaztelaniazko kontu ofizialaren eta euskarazkoaren arteko aldea oso handia da.

2023ko udal hauteskundeetara begira jarri da Aiaraldeko Euskalgintza Kontseilua, euskararen normalizazioan urrats berri bat lortzeko asmoa. "Udalak dira herritarrengandik hurbilen dauden instituzioak. Udal langileekin batera, alkate eta zinegotziak dira pieza klabea, herritarrek Udalarekin dituzten harremanetan hizkuntz eskubideak bermatuta izan ditzaten", azaldu du eragileak. Gauzak hala, helburu zehatz bati heldu nahi dio datorren urteari begira: hautagai euskaldunak sustatzea.

Duela aste pare bat, Googleko ingeniari bati (Blake Lemoine) atseden derrigorrezkoa eman zioten enpresan, bere eginkizunetako batean tratatzen zuen LaMDA delako makina edo programa adimentsua izateaz gain, kontzientziaz jabetua zegoela sinesteagatik (albistea Berrian). Turing-en testean lartxo sinesteagatik gertatu zaio: makina baten elkarrizketa gizaki batenarengandik ez bada desberdintzen, makina kontziente eta adimentsua delako froga omen. Turingen testa zaharkitua dago, hori da kontua, eta azaltzen saiatuko gara.

Duela egun batzuk Dall-e Mini delako tresnarekin sortutako irudi parrastaren berri eman genizuen. Hainbesteko arrakasta izan du tresnak non domeinu eta izen propio batekin bataiatu duten jada: Craiyon.com // Erabilpen jostarirako da nagusiki, baina ez ahantz atzean indar handiko teknologia bat dagoela, adimen artifizialez irudiak sortzeko gaitasun izugarria lortu dutela makinek. Eta Googlek iragarri berri duen Parti tresna da horren beste adibide bat.

Ahotsak proiektua ezaguna da batik bat tokian tokiko euskalkietan lekukotasunak biltzeagatik, baina egungo ahots gazte eta gaurkotasunezkoak biltzen ere egiten dituzte grabaketa eta dokumentatze proiektuak. Gaur aurkeztu duten bideoan, ekainaren 28a izanik eta Harrotasunaren egunarekin bat eginez noski, LGTBIQ+ kolektiboko ahotsak dira bildu direnak, eta kolektibo anitz horren sigla-letra bakoitzaren azalpenak dira agertzen direnak. 

Ez da lehenbiziko aldia. Aurrez ere eskatu izan diote Irunen alarde parekidea antolatzen duten andre eta gizonek Irungo Udalari (Gipuzkoa) desfilearen antolaketa bere gain hartzeko.

"Auzoa bizitzaz bete nahi dugulako, merkantzia hutsa bihurtu nahi duten horien aurrean". Ezusteko batekin hasi dira aurten Zaharraz Harro jaiak: txupinaren ostean, Bollerias plazatik kalejiran, auzoarentzako berreskuratutako espazio berrira abiatu dira Alde Zaharreko bizilagunak, eta eta olio eta garagardo dastaketa egin dute han. Korda da espazio berri horren izena.