Teknologia albisteak

Galtzagorri Elkartea

Erabiltzailearen aurpegia

Haur eta Gazte Literatura elkartea. Children Books Association

Erabiltzailearen jarduna

Lanpedusako Haur Liburutegia laguntzeko Ilustratzaileen Enkante Dramatizatua

2015-10-20 : 12:38

Urriaren 25ean, datorren igandean, Galtzagorri Elkartearen 25. urteurreneko ospakizunen barruan, ILUSTRATZAILEEN ENKANTE DRAMATIZATUA egingo da helburu solidario batekin: Italiako Lanpedusa uhartean "Silent Books" egitasmora bideratuko da bertan bildutako dirua. Ekialde Hurbiletik eta Afrikatik Europara emigratzen duten milaka pertsonen sarbide nagusietako bat da Lanpedusa eta egitasmo horrek bertako eta bertara heltzen diren haurrentzako liburutegi bat, bereziki album mutuz osatutakoa, sortzea du helburu. Enkantea 11:00etan hasiko da Donostiako Arteko arte-galerian. Metrokoadroka sormen laborategiko kideek aurkeztuko dute eta sarrera irekia izango da. 

Kontalarien maratoia eta enkante dramatizatua 25 urteak biribiltzeko

2015-10-01 : 09:53

Aurten, Galtzagorri Elkarteak 25 urte bete ditu eta orain arte hainbat jarduera antolatu ditugu urteurrenaren aitzakian. Baina elkartea 1990eko urriaren 24an sortu zen eta datorren hilabeterako antolatu ditugu ekitaldirik handienak: urriaren 17an goizez eta arratsaldez Ipuin kontalarien maratoia, San Telmo Museoan; eta urriaren 25ean Ilustratzaileen enkaten dramatizatuaMetrokoadroka sormen laborategiak aurkeztua, 11:00etan Arteko galerian, eta arratsaldean, 16:00etatik aurrera, urteurreneko festa ospakizuna San Telmo Museoan.

Book Trailer Lehiaketan izena emateko azken aukera

2015-09-29 : 12:10

Liburu Gaztea Book Trailer Lehiaketan izena emateko epea urriaren 1 arte luzatu dugu. Ikastetxeen kategorian parte hartu nahi dutenek osteguna baino lehen eman beharko dute izena. Horretarako Galtzagorri Elkartera deitu (943471487) edo idatzi liburugaztea@galtzagorri.org helbidera. Zeren zain zaude? Zure ikasleei irakurketaz gozatzeko beste modu bat eskaini nahi badiezu, hementxe duzu aukera paregabea! 

Liburu Gaztea Book Trailer Lehiaketaren 4. edizioa hastera doa

2015-09-16 : 13:55

Irailaren 18an amaituko da 2015-2016 ikasturteko Liburu Gaztea Book Trailer Lehiaketan Ikastetxeen kategorian izena emateko epea. Ikasturte honetan ere parte hartzaileek Galtzagorrik proposatutako liburu bat irakurri, launakako taldetan bildu eta horri buruzko book trailerra egin beharko dute 2016ko martxoaren 4a baino lehen. Ikastetxeen kategorian derrigorrezkoa da izena ematea. Norbanakoen kategorian nahikoa da book trailerra azken eguna baino lehen bidaltzearekin. Irakaslea bazara, animatu zure ikasleak parte hartzera! Gaztea bazara, animatu zu zeu!

Liburua eta bideoa uztartuz, irakurketa sustatzen

2015-06-19 : 10:08

Galtzagorri Haur eta Gazte Literatura Elkarteak hirugarren urtez jarraian antolatu du Liburu Gaztea Book Trailer Lehiaketa eta orain arteko book trailerrik originalenak aurkeztu dituzte parte hartzaileek, 12 eta 16 urte bitarteko gazteek. Lehiaketak, beste behin ere, harrera ezin hobea izan du gazteen artean eta sari-banaketa ekitaldian islatu zen hori. Sormen handiko gazteak, gazte sortzaileak eta irakurzaleak dira belaunaldi berri horretakoak.

Haur literaturaz gozatzeko app berria sortu du Galtzagorrik

2015-02-27 : 12:28

Galtzagorri Elkarteak, Eusko Jaurlaritzako Hizkuntza Politikarako Sailburuordetzaren laguntzarekin, XXI. mendeko euskarrietara ekarri du Euskarazko Haur Literaturako klasiko bat, Anjel Lertxundi eta Antton Olariagaren Maria Goikoak batbirulau! Liburuaren berezko izaera jostariari eutsiz, jolaserako proposamen berriak eta errealitate areagotuan birsortutako irudiak biltzen ditu Maria Goikoak batbirulau! app-ak: puzzleak, memoria-jokoak, hitz-jokoak, 7 desberdintasunak bilatzeko jokoak, abestiak, 2.5D efektuko irudiak, eta bestelako hainbat joko. Androidetarako eta iphone/ipad-etarako bertsioan eskura daiteke bakoitzari dagokion saltoki birtualean.

Gazteentzako book trailer lehiaketa

2014-12-21 : 10:36

Galtzagorri Elkarteak, Gipuzkoako Foru Aldundiaren laguntzarekin antolatutako Liburu Gaztea Book Trailer Lehiaketan parte hartu nahi duten 12 eta 16 urte bitarteko gaztetxoek azken hiru hilabeteak dituzte liburuak irakaurri eta horiei buruzko book trailerrak egiteko. 2015eko martxoaren 13a izango da bideoak web gunera igotzeko azken eguna. 

Orain arteko emaitza kuantitatiborik onenak lortu ditu Bularretik Mintzora egitasmoak

2014-12-11 : 10:56

Galtzagorri Haur eta Gazte Literatura elkarteak osatu berri du Bularretik Mintzora kanpainako 2013-2014ko ebaluazio txostena. Aurtengoan, Bularretik Mintzora kanpainan parte hartzen ari diren Arrasate, Laudio, Markina-Xemein eta Oñatiko gurasoen galdekizunak aztertu dira. Hala, ebaluazioa herri hauetan 2011-2012 ikasturtetik 2013-2014 ikasturtera egitasmoan parte hartu duten haurren gurasoei egin zaie. Alegia, 2011-2012an 3 urte zituzten eta 2013-2014an 5 urte zituzten haurren gurasoei. Ebaluatu diren 17 aldagaietatik, 12k izan dute hobekuntza, eta aldagai horien datu zehatzak Twitterreko txio bidez emango ditu Galtzagorrik abenduaren 11tik aurrera.

2.200 ikasle baino gehiago Liburu Gaztea Book Trailer Lehiaketan

2014-09-30 : 09:34

Dagoeneko, amaitu da 2014-2015 Liburu Gaztea Book Trailer Lehiaketako Ikastetxeen Kategorian izena emateko epea. Ikasturte honetan, guztira, 21 ikastetxe eta DBHko lau mailetako 2.243 ikasle ariko dira lehiaketan parte hartzen. Horien egitekoa: maila bakoitzerako proposatuako liburua irakurtzea eta horri buruzko book trailerra egitea, liburu horren irakurketa sustatzeko.

Abian da Liburu Gaztea Book Trailer Lehiaketa

2014-09-17 : 11:02

Irailaren 19an, ostiralarekin amaituko da Liburu Gaztea Book Trailer Lehiaketako Ikastetxeen Kategorian parte hartzeko izen-emate epea. Ikasturte honetan ere parte hartzaileek proposatutako liburu bat irakurri, launakako taldetan bildu eta horri buruzko book trailerra egin beharko dute 2015eko martxoaren 13a baino lehen. Ikastetxeen kategorian derrigorrezkoa da izena ematea eta hau da horretarako azken astea.

Baditugu Liburu Gaztea Book Trailer Lehiaketako irabazleak

2014-05-27 : 13:54

Galtzagorri Elkarteak, Gipuzkoako Foru Aldundiaren laguntzarekin antolatzen duen Liburu Gaztea Book Trailer Lehiaketak baditu irabazleak. Ikastetxeen kategorian Hondarribiako Talaia ikastetxeko Animals Taldea izan da garaile, 104 botorekin. Bigarren saria Santurtzira joan da San Jose de Calasanz ikastetxeko Olagarroak taldearentzat 78 botorekin. Eta hirugarren saria Donostiako Herri Ametsa ikastolako Pin Pan Pun taldearentzat izan da, 61 botorekin. Norbanakoen kategorian, berriz, Urnietako AJUNA taldeak irabazi du, 50 botorekin. Bigarren izan da Arrasateko Zaldi Eroa 36 botorekin eta hirugarren Lasarteko Txoriak 20 botorekin. Boto-emaileen artean egindako zozketan Eneko Ramosi egokitu zaio saria, e-irakurgailua.

Sekulako arrakasta: 297 book trailer

2014-03-21 : 13:04

Galtzagorri Elkarteak, Gipuzkoako Foru Aldundiaren laguntzarekin, antolau duen 2013-2014 Liburu Gaztea Book Trailer Lehiaketak sekulako arrakasta izan du. Guztira 297 book trailer jaso ditugu: 275 Ikastetxeen kategorian eta 22 Norbanakoenean. Iaz 167 eta 15 izan ziren, hurrenez hurren. Hortaz, parte hartze kopuruak gora egin du nabarmen. Kantitatean ez ezik, kalitatean ere gora egin dela esan genezake, izan ere, geroz eta book trailer originalagoak sortzen dituzte gazteek.

Martxoaren 14an amaituko da Book Trailer Lehiaketan parte hartzeko epea

2014-01-29 : 09:27

Hilabete geratzen da Galtzagorri Elkarteak antolatutako Liburu Gaztea Book Trailer Lehiaketan parte hartzeko. 12 eta 16 urte bitarteko gazte gipuzkoarra bazara, animatu eta parte hartu. Irabazleak e-reader bat (e-book-ak irakurtzeko gailua) eskuratuko du. Bigarren eta hirugarren sariak 100 euroko bonoak izango dira liburu eta diskotan gastatzeko. Parte hartzeko, nahikoa da Galtzagorrik proposatutako liburu bat aukeratu, irakurri eta horri buruzko bideo laburra egitea. Bideoa bidaltzeko azken eguna martxoaren 14a da.

"Behinola" berrituak erabilera berriak

2014-01-09 : 14:46

Haur eta Gazte Literaturari buruzko Behinola aldizkariak aro berria hasi du. Guraizeak eskura izanik irakurtzera gonbidatzen zaitu. Izan ere, Behinola berrituak irakurtzeko ez ezik, beste zenbait erabileratarako aukera ere emango du: orriak aldizkaritik askatu, azala-kontrazala poster moduan erabili, orrialdeak moztu...

Irakurri, sakatu REC eta parte hartu!

2013-10-20 : 11:35

"Irakurri, sakatu REC eta parte hartu!" lelopean Galtzagorri Elkarteak, Gipuzkoako Foru Aldundiaren laguntzarekin, Gipuzkoako 12 eta 16 urte bitarteko gazteak animatu nahi ditu Liburu Gaztea Book Trailer Lehiaketan lehiaketan parte hartzera. Deialdia zabaltzeko bideoa zintzilikatu du youtubeko Liburu Gaztea kanalean.

Abian da Liburu Gaztea Book Trailer Lehiaketa

2013-10-09 : 10:44

Aurten 1650 bat ikaslek hartuko du parte Liburu Gaztea Book Trailer Lehiaketan. Galtzagorri Elkarteak, Gipuzkoako Foru Aldundiaren laguntzarekin antolatzen duen Liburu Gaztea Sariaren baitan, bigarren urtez jarraian, Book Trailer Lehiaketa antolatu du eta Gipuzkoako 20 ikastetxetako DBHko 1.650 ikaslek eman dute izena. Ikasturte honetan ere, Galtzagorri Elkarteak proposatutako liburu bat hautatu, irakurri eta horri buruzko bideo bat, book trailer bat sortu beharko dute parte hartzaileek. 

Liburu Gaztea 2012-2013 book trailer lehiaketa: sarituak

2013-06-04 : 10:57

Kalean da 2012-2013 ikasturteko Liburu Gaztea book trailer lehiaketako irabazle zerrenda dagoeneko. (Hau da 6 kategorietako batean irabazlea, Koldo Zuazoren 'Neure buruaren alde' eleberriarekin Oiartzungo Xabi Belaunzaranek egina).

Euskal Haur eta Gazte Literaturaren Dokumentazio Gune Digitala sortu du Galtzagorri Elkarteak

2013-02-23 : 11:18

Dokumentazio Gunea izeneko atal berri bat jarri du martxan Galtzagorri Euskal Haur eta Gazte Literatura elkarteak www.galtzagorri.org-en. Bertan, euskarazko Haur eta Gazte Literaturan argitaratzen diren liburuen inguruan prentsan egiten diren kritika literarioak hilez hil biltzeaz gain, Haur eta Gazte Literaturaren inguruan argitaratzen diren liburuen giden bilduma eta Haur eta Gazte Literaturaren inguruko Bibliografia jasoko dugu. Horrez gain, Haur eta Gazte Literaturaren inguruko aldizkarien mailegu zerbitzua bideratzen jarraituko du Galtzagorrik bere web orrialdetik.

Gazteentzako booktrailer lehiaketa

2013-01-16 : 09:37

Galtzagorri Elkarteak, Gipuzkoako Foru Aldundiaren laguntzarekin, antolatzen duen Liburu Gaztea lehiaketa aurten booktrailer lehiaketa bihurtu da, eta ikastetxeek ez ezik, 12 eta 16 urteko edonork har dezake parte bertan. Horretarako, Galtzagorri Elkarteak proposatutako liburu bat irakurri eta horri buruzko booktrailerra bidali beharko dute Liburu Gaztea web gunera, Igo zurea atalean sartuta.

Liburu berriak aurkeztu ditu Galtzagorri Elkarteak: "Amattoren Uzta", "Tom Sawyer-en abenturak" eta "Elmer"

2012-12-14 : 16:51

Galtzagorri Elkarteak Eusko Jaurlaritzako Hizkuntza Politikarako Sailburuordetzaren laguntzarekin sortutako Klis-klasikoak liburu-sortako aurtengo hiru liburu berriak aurkeztu dira gaur: Amattoren Uzta, Tom Sawyer-en abenturak eta Elmer. Haur eta Gazte Literaturako berrargitalpen bat eta bi klasiko unibertsal euskaraz. Donostiako Udal Liburutegi Nagusiko Sotoan izan da aurkezpen ekitaldia eta bertan izan dira Aitziber Alonso Galtzagorri Elkarteko lehendakaria, Lurdes Auzmendi Eusko Jaurlaritzako Hizkuntza Politikako sailburuordea eta argitaratutako liburuen egile, itzultzaile, ilustratzaile eta moldatzaileak.

‹‹ Hurrengoak Aurrekoak ››