Teknofiloen albistegia

Galtzagorri Elkartea

Erabiltzailearen aurpegia

Haur eta Gazte Literatura elkartea. Children Books Association

Erabiltzailearen jarduna

Abian da Booktuberboom lehiaketa, EAEko lehen booktuber lehiaketa

2017-03-23 : 15:17

EAEko gaztetxoen artean ikus-entzunezkoen bidez irakurtzeko zaletasuna sustatzeko helburuarekin, mundu mailan sekulako arrakasta izan duen BOOKTUBE fenomenoa baliatuz, Booktuberboom egitasmoa sortu dugu EAEko Liburutegi Zerbitzuak eta Galtzagorri Elkarteak.

Klisk-klasikoak Bilduma APPa sortu du Galtzagorrik

2017-03-16 : 11:40

Irakuzaletasuna sustatzeko bide berriak urratu nahian, Klis-klasikoak bildumako liburuen app-ak sortzeko egitasmoa abiarazi zuen Galtzagorri Elkarteak 2014an. Maria Goikoak Batbirulau! liburuaren app-a  eta Txan fantasma liburuan oinarritutakoa sortu ditu dagoeneko, eta, horrekin batera, bi app-ak biltzen dituen Klis-klasikoak Bilduma izeneko app-a ere dohainik deskarga daiteke Google Play plataformatik. Aurrerantzean sortuko diren Klis-klasikoak liburu-bildumako app berriak ere eskainiko ditu app horrek.

BIKO-TEKA ilustrazio eta narraziogintza tailerrean apuntatzeko (Iruñean)

2017-03-07 : 10:30

Martxoaren 10ean bukatuko da Galtzagorri Elkarteak Iruñeko Udalarekin lankidetzan Iruñean burutuko duen BIKO-TEKA tailerrean parte hartu ahal izateko dokumentazioa bidaltzeko epea. Haurrentzako liburu ilustratuetarako ilustrazio eta narraziogintza tailerra martxoaren 27tik 29ra gauzatuko da Iruñeko San Frantzisko Liburutegian. Idazle eta ilustratzaileek osatutako 8 bikotek parte hartu ahal izango dute, doan, ikastaro trinko honetan. Harkaitz Cano idazleak eta Aitziber Alonso ilustratzaileak gidatuko duten tailer honetan ilustratzaile eta idazleek bikoteka parte hartuko dute. Interesatuta dauden idazle eta ilustratzaileak bakarka edo bikoteka aurkeztu daitezke. Bakarka aurkezten direnei bikotea aurkituko die beste hautagaien artean Galtzagorri Elkarteak.

EHGLko edizioaren panorama eta argitaldarien lana aztertuko dute Unai Pascualek eta Asun Agirianok solasaldi batean

2016-11-10 : 13:16

Euskarazko Haur eta Gazte Literaturako editorea eta bibliotekaria solasean” izeneko saioa eskainiko du azaroaren 26an Donostiako Haur Liburutegi Nagusian Galtzagorri Elkarteak. Unai Pascual Denonartean argitaletxeko editoreak Asun Agiriano Arrasateko Udal Bibliotekako bibliotekariak egindako galderei erantzungo die. XXI. Mendeko argitaletxeak, argitaletxeen lan prozesua, editoreen funtzioa gizartean, katalogoak, EHGLaren panorama orokorra… aztertuko dira solasaldi honetan. Izena eman beharra dago, 23a baino lehenago (administrazioa@galtzagorri.eus).

Bigarren aldiz egingo da Booktube Lehiaketa Galdakaon

2016-10-25 : 11:37

Galdakaoko II. Booktube Lehiaketa abian da. Galdakaoko Udaleko Euskara eta Hezkuntza sailak eta Galtzagorri Elkarteak elkarlanean antolatuta, bigarren aldiz egingo da lehiaketa. Iaz egin zen lehen edizioa eta 50 bat booktube aurkeztu ziren lehiaketara. Oso harrera ona izan zuen parte hartzaileen artean eta gazteen artean euskarazko irakurzaletasuna sustatzeko bide berri bat jarri zen martxan lehiaketa honekin. Aurtengo edizioarekin galdakaoztarrak aitzindari izaten segituko dute mundu mailan gazteen artean sekulako arrakasta izaten ari den fenomeno kulturala euskarara ekartzen.

Ipuin Kontalarien II. Maratoia, urriaren 22an Donostian

2016-10-18 : 12:19

Urriaren 22an, Ipuin Kontalarien II. Maratoia egingo da Galtzagorri Elkarteak eta Donostiako Haur Liburutegi Nagusiarekin elkarlanean antolatuta. Maratoiaren lehenengo edizioa San Telmo museoan egin zuen Galtzagorrik iaz, elkartearen 25. urteurrena ospatzeko. Orduan, Donostia 2016ko Europako Kultur Hiriburu Fundazioaren laguntza jaso zuen. 200 pertsona bildu ziren eta izan zuen arrakasta ikusirik, 2016an bigarren edizioa prestatu du, Donostiako Haur Liburutegi Nagusiarekin elkarlanean. II. Maratoiaren barruan lau ipuin kontaketa saio eskainiko dira, Donostiako Liburutegi Nagusian (San Jeronimo Kaleko sotoan, Donostian).

Galtzagorri Elkartearen liburu kutxak eskola txikietara iristen hasi dira

2016-09-26 : 17:30

Liburuz betetako 10 kutxek aste honetan eta hurrengoan hasiko dute Gipuzkoako 30 eta Bizkaiko 24 eskola txikietarako bidaia. 17. urtea beteko du ikasturte honetan Liburuen Altxorra proiektuak Gipuzkoan. 16. Urtea Liburu Ibiltariak-ek Bizkaian. Lehena Gipuzkoako Foru Aldundiari esker burutzen du Galtzagorri Elkarteak. Bigarrena, Bizkaiko Foru Aldundiari esker. Biek ala biek, izen ezberdina duten arren, helburu eta mami bera dute: Gipuzkoako zein Bizkaiko eskola txikietako haurren irakurtzeko zaletasuna sustatzea, horretarako euskarazko kalitatezko liburuak baliatuz. Horregatik, liburutegi gurpildunak prestatzen ditu Galtzagorri Euskal Haur eta Gazte Literatura Elkarteak urtero.

Marraz(i)Oak VIII ilustratzaileen topaketak Harkaitz Cano eta Ignasi Blanchekin

2016-06-06 : 11:52

Galtzagorri Elkarteak, Gipuzkoako Foru Aldundiaren eta Komikigunearen laguntzarekin, antolatzen dituen Marraz(i)Oak topaketek aurten 8. edizioa beteko dute. Ilustratzaileei zuzendutako astebeteko lantegia izaten da eta aurten irailaren 26tik 30era egingo da Komikigunean. Harkaitz Cano idazleak eta Ignasi Blanch ilustratzaileak emango dute eta hauxe da prestatu duten gaia: "...eta Errauskin bere errautsetatik berpiztu zen". Historian zehar arteak egin duen emakumearen errepresentazioa hartuko dute gaiaren abiapuntutzat eta helburua parte-hartzaileek estereotipoen kontzientzia hartu eta horiei aurre egitea izango da.

Book Trailer Lehiaketaren sari-banaketa gaur Tabakaleran

2016-05-13 : 09:51

Maiatzaren 13an, ostiralarekin, jakingo dugu Galtzagorri Elkarteak antolatzen duen Liburu Gaztea Book Trailer Lehiaketako irabazle nagusiak zein diren. Lehiaketaren 4. edizioan gora egin du parte hartzeak eta gora book trailerren kalitateak. Guztira 241 book trailer aurkeztu dira (iaz baino 46) gehiago eta epaimahaiak hautatu ditu finalista nagusiak. Publikoaren Saria, berriz, boto bidez erabaki da apirilean. Irabazleek gaur jasoko dute saria Tabakalerako zinema aretoan egingo den ekitaldian, 12 eta 16 urte bitarteko 180 gazte bilduko dira bertan.

Gipuzkoa APP's 2015 Lehiaketa irabazi du Galtzagorri Elkarteak

2015-12-15 : 15:15

Galtzagorri Elkarteak, Oreka Interactive enpresarekin lankidetzan sortutako Maria Goikoak Batbirulau! app-ak lehenengo saria eskuratu du Gipuzkoa APP's 2015 lehiaketan. Atzo, abenduak 14, jaso zuten saria Galtzagorri Elkarteko kideek Markel Olano Ahaldun Nagusiaren eskutik.

Deskargatu dohainik eta gozatu Maria Goikoak Batbirulau! app-arekin

2015-11-26 : 09:23

Ezagutzen al duzu Maria Goikoak Batbirulau! app-a? Deskargatu al duzu zure tableta edo mugikorrera Euskal Haur Literatura eta teknologia berriak uztartzen dituen aplikazio multiplataforma? Anjel Lertxundi eta Antton Olariagaren Maria Goikoak batbirulau! liburuarekin jolas egiteko beste modu bat eskaintzen du app honek. Argitalpen horren berezko izaera jostariari eutsiz, jolaserako proposamen berriak eta errealitate areagotuan birsortutako irudiak biltzen ditu. Androidetarako eta iphone/ipad-etarako bertsioan eskura daiteke dohainik bakoitzari dagokion saltoki birtualean. Eta internet bidez www.galtzagorri.org web gunean ere erabil daiteke. Ikusi bideoa.

Euskal booktuberren lehen hazia landatzen hasi gara

2015-11-11 : 19:23

Galtzagorri Haur eta Gazte Literatura elkarteak eta Galdakaoko Udaleko Euskara zerbitzuak euskarazko lehen booktube lehiaketa jarri dute martxan: Galdakaoko I. Booktube Lehiaketa. Bertatik sortuko dira euskarazko lehen booktuberrak eta Galdakao eta galdakoztarrak aitzindari izango dira mundu mailan gazteen artean sekulako arrakasta izaten ari den fenomeno kulturala euskarara ekartzen. Lehiaketa herri mailakoa izango da eta bertako DBHko ikasleek (12-16 urtekoek) hartuko dute parte.

"Silent Books" egitasmoa lagunduko dugu Ilustratzaileen Enkante Dramatizatuarekin

2015-10-21 : 15:25

Urriaren 25ean, datorren igandean, Galtzagorri Elkartearen 25. urteurreneko ospakizunen barruan, ILUSTRATZAILEEN ENKANTE DRAMATIZATUA egingo da helburu solidario batekin: Italiako Lanpedusa uhartean "Silent Books" egitasmora bideratuko da bertan bildutako dirua. Ekialde Hurbiletik eta Afrikatik Europara emigratzen duten milaka pertsonen sarbide nagusietako bat da Lanpedusa eta egitasmo horrek bertako eta bertara heltzen diren haurrentzako liburutegi bat, bereziki album mutuz osatutakoa. Enkantea 11:00etan hasiko da Donostiako Arteko arte-galerian. Metrokoadroka sormen laborategiko kideek aurkeztuko dute eta sarrera irekia izango da. Beraz, ANIMATU, PARTE HARTU ETA E(RA)MAN ALE BAT.

Lanpedusako Haur Liburutegia laguntzeko Ilustratzaileen Enkante Dramatizatua

2015-10-20 : 12:38

Urriaren 25ean, datorren igandean, Galtzagorri Elkartearen 25. urteurreneko ospakizunen barruan, ILUSTRATZAILEEN ENKANTE DRAMATIZATUA egingo da helburu solidario batekin: Italiako Lanpedusa uhartean "Silent Books" egitasmora bideratuko da bertan bildutako dirua. Ekialde Hurbiletik eta Afrikatik Europara emigratzen duten milaka pertsonen sarbide nagusietako bat da Lanpedusa eta egitasmo horrek bertako eta bertara heltzen diren haurrentzako liburutegi bat, bereziki album mutuz osatutakoa, sortzea du helburu. Enkantea 11:00etan hasiko da Donostiako Arteko arte-galerian. Metrokoadroka sormen laborategiko kideek aurkeztuko dute eta sarrera irekia izango da. 

Kontalarien maratoia eta enkante dramatizatua 25 urteak biribiltzeko

2015-10-01 : 09:53

Aurten, Galtzagorri Elkarteak 25 urte bete ditu eta orain arte hainbat jarduera antolatu ditugu urteurrenaren aitzakian. Baina elkartea 1990eko urriaren 24an sortu zen eta datorren hilabeterako antolatu ditugu ekitaldirik handienak: urriaren 17an goizez eta arratsaldez Ipuin kontalarien maratoia, San Telmo Museoan; eta urriaren 25ean Ilustratzaileen enkaten dramatizatuaMetrokoadroka sormen laborategiak aurkeztua, 11:00etan Arteko galerian, eta arratsaldean, 16:00etatik aurrera, urteurreneko festa ospakizuna San Telmo Museoan.

Book Trailer Lehiaketan izena emateko azken aukera

2015-09-29 : 12:10

Liburu Gaztea Book Trailer Lehiaketan izena emateko epea urriaren 1 arte luzatu dugu. Ikastetxeen kategorian parte hartu nahi dutenek osteguna baino lehen eman beharko dute izena. Horretarako Galtzagorri Elkartera deitu (943471487) edo idatzi liburugaztea@galtzagorri.org helbidera. Zeren zain zaude? Zure ikasleei irakurketaz gozatzeko beste modu bat eskaini nahi badiezu, hementxe duzu aukera paregabea! 

Liburu Gaztea Book Trailer Lehiaketaren 4. edizioa hastera doa

2015-09-16 : 13:55

Irailaren 18an amaituko da 2015-2016 ikasturteko Liburu Gaztea Book Trailer Lehiaketan Ikastetxeen kategorian izena emateko epea. Ikasturte honetan ere parte hartzaileek Galtzagorrik proposatutako liburu bat irakurri, launakako taldetan bildu eta horri buruzko book trailerra egin beharko dute 2016ko martxoaren 4a baino lehen. Ikastetxeen kategorian derrigorrezkoa da izena ematea. Norbanakoen kategorian nahikoa da book trailerra azken eguna baino lehen bidaltzearekin. Irakaslea bazara, animatu zure ikasleak parte hartzera! Gaztea bazara, animatu zu zeu!

Liburua eta bideoa uztartuz, irakurketa sustatzen

2015-06-19 : 10:08

Galtzagorri Haur eta Gazte Literatura Elkarteak hirugarren urtez jarraian antolatu du Liburu Gaztea Book Trailer Lehiaketa eta orain arteko book trailerrik originalenak aurkeztu dituzte parte hartzaileek, 12 eta 16 urte bitarteko gazteek. Lehiaketak, beste behin ere, harrera ezin hobea izan du gazteen artean eta sari-banaketa ekitaldian islatu zen hori. Sormen handiko gazteak, gazte sortzaileak eta irakurzaleak dira belaunaldi berri horretakoak.

Aurrekoak ››

Publizitatea

Azken erantzunak

Erabiltzailearen aurpegia
Ba... automatismoren bat badago hor, eta honeta... (Sustatu.eus)
Korrikaren lekuko "falikoar..., 2017-03-28
Erabiltzailearen aurpegia
Nire etxeko telebistan TBX ikusteko ariketa. Ha... (Luistxo Fernandez)
TBX, euskaldunok ikusten di..., 2017-03-22
Euskalgintza azken bolada honetako pitokerietan... (rmlozoya)
Zumaiako aniztasun kultural..., 2017-03-02
Turismo-bulegoan jar dezatela, interes pixka ba... (Rafa Saiz Elizondo)
Tabakalera alboko "Hizkuntz..., 2017-02-28
Erabiltzailearen aurpegia
Ea @Donostiakultura eta @Donostiakoudala gauza... (Luistxo Fernandez)
Tabakalera alboko "Hizkuntz..., 2017-02-28

»» Jardun osoa

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago