Azpitituluak Euskaraz
Azpitituluak.com: Azpidatzien karga-deskarga, filmak jatorrizko bertsioan eta euskaraz disfrutatzeko.
- Ekarpen guztiak
- Artikuluak
- Mezuak
- Erantzunak
- Argazkiak
Erabiltzailearen artikuluak
Allen Ginsberg-en Ulua, Harkaitz Canoren ahotsean
20. mendeko poema famatuenetako bat, Allen Ginsberg-en Howl, Ulua. Bere garaian Harkaitz Canok itzuli zituen bere lehen 3 parteak. Aurten, 2010ean egindako film baten azpitituluak euskaratzeko, 4. partea ere itzuli zuen Canok. Eta orain, poema osoa Xerezaderen Artxiboa podcasterako errezitatu du. Hemen podcast-aren minutu pare bat, Cano irakurtzen hasten den unetik hasita.
Bollywoodeko filmetan euskañolez egingo balute bezala da
Indiako film batek Azpitituluak.com-eko katalogotxoan egon behar zuela erabaki, eta hauxe hautatu zuen webmasterrak, Zindagi Na Milegi Dobara, Euskal Herria agertzen baita (Sanferminak). Animatzen zaituztegu jaitsi eta euskaraz disfrutatzera. Hizkuntzaren aldetik agian euskaldunoi deigarria egongo zaigun gauza bat ere badu film honek: fijatu zaitezte nola nahasten diren hindiera eta ingelesa, naturaltasun osoz; ematen du normaltzat hartuko luketela Indian euskañolez egitea film batean, kasu paralelo bat jartzeagatik.
