25 urte

2003an jarrita gure begirada Sustaturen 25 urteen ariketa memoristiko honetan, urte hartako gertaera batek markatu zuen euskaldunon komunikazioa, kultura, hizkuntza eta nazioaren esparrua: Euskaldunon Egunkariaren itxieran, 2003ko otsailaren 20an. Polizia operazioa itxiera zela jakin baino lehenago argitaratu zuen Sustatuk: "Egunkaria Guardia Zibilak hartuta, eta hainbat lagun atxilotuta". Zurrunbilo bat izan zen hura goiz hartatik aurrera, ordura arte agekari honek izan zuen trafiko eta jarduera handieneko egunean.

Sustatu 25 sortan urteurren biribiletatik aurrera goaz, 2002 urtera. Zera argitaratu zen goiz batean, Joxe Aranzabal Mondragon Unibertsitateko irakasleak sinatuta: "Medikuak esan dit minbizia dudala". 2002ko irailaren 11n esan zion medikuak hori, eta handik 4 egunera Sustatu bidez jende guztiari Aranzabalek.

Sustatu 25 sortarekin jarraituz, 2001eko urrikoa hau ere: "Bertsolariak sarean: bertsozale.com / Pasa den astean aurkeztu zen Bertsozale Elkartearen webgunea http://www.bertsozale.com helbidean. Oraindik Xenpelar dokumentazio zentruko datuak ez dauden arren, laister jartzea espero da. Beste informazio batzuen artean, agenda eta informazio oharrak dauzkazue gunean. Era berean, orain martxan dagoen Txapelketa Nagusiaren informazioa ere bai." 

Sustatu duela 25 urte sortu zela ospatuko dugu udazken honetan. 2001eko azaroan egin zen publiko weblog hau (termino horrekin, albistegi izaera aldarrikatuz), baina ez zen izan ez prentsaurreko, iragarpen edo holakorik. Gure artxiboan ere ez dago 'Kaixo mundua' dioen artikulurik. 2001eko urri amaieran hasi ginen, Goiena eta CodeSyntax-en arteko elkarlanean, artikuluak idazten. Eta artxiboko lehen alea 2001eko urriaren 29koa da, Joxe Aranzabalek sinatua: 'Zenbait iragarpen datozen hamar urteotarako".

Diseinua eguneratu du gaur Sustatuk. Modernotze bat, laster (azaroan) 25 urte beteko ditugula ikusita. Hain zuzen ere, menuan 25 Urte atal berria, non ospakizuna iritsi bitartean errepasoa egingo diogu gure historia eta artxiboari.

Gaur arratsaldean, 16.00etatik aurrera 20 Urte Euskaraz Interneten jardunaldia egingo dugu Bilboko Bilbao AS Fabrik eraikinean, Zorrotzaurren. Sustatuk 20 urte bete dituelako aitzakiarekin, geure esperientziaren berri, baina baita beste beterano batzuena ere bai tartean. Youtube bidez streaming zuzenean egingo dugu.