1512-2012 Nafarroa Bizirik ekimena

Pasa den abenduaren 22an Anaitasunan ospatu genuen NAPAR FESTAren barruan aurkeztu genuen “Memoria gune baten bila” DVD multimedia dagoeneko salgai daukagu, 10 euroen truke. Dokumental honek 1512-2012 Nafarroa Bizirik ekimenak egin duen lanaren balorazioa egitea du helburu. Nafarroako Konkistaren inguruko oroimen historikoa berreskuratze soila genuen helburua, baina 2012. urte honek, Nafartarrak sentitzen garenontzat, ziklo baten hasiera suposatu digu

1512-2012 Nafarroa Bizirik ekimenaren inguran lanean ari garenontzat, urte hau biziki intentsoa izan da. Eta ez bakarrik aurrera eraman ditugun dinamikek jarritako erritmo zoroarengatik, baizik eta bidean sentitu dugun emozio uholdearengatik ere.

Urriaren 6an, larunbatean, Orbaibar Bizirik ekimenak, 1512-2012 Nafarroa Bizirik ekimenarekin batera, Gerga gazteluaren mugarria pausatu zuen Untzueko Harkaitzan, Orbaibarraren bihotzean.

“Nafartar Naturalak” taldeak -”1512-2012 Nafarroa Bizirik” ekimenarekin harremanean- Nafarroaren konkistaren bostgarren mendeurrena markatzeko hainbat ekitaldi egin ditu. Joan den asteburuan espainiar Armadak eginiko sarraskia oroitarazteko plaka bat ezarri dute Garruzen. Hurrengo asteburuan beste hainbat ekimen eginen dituzte, hala nola Gartxot filmaren emanaldiak eta mintzaldiak antolatuak dira. Izan ere, urriaren 14an helduko da hitzordu nagusia, Deskonkista Kolektiboaantolaturik baita Donapaleun. Egun osoko egitaraua aurkeztu dute Baionan.

Aurtengo urtarrilaren 14an lehenengo mugarria jarri genuen Aitzorrotzeko gazteluan, Aitzorrotz Kultur Elkartea eta Eskoriatzako Udalaren laguntzarekin. Ordutik dinamika hau ez da gelditu, eta hamaika izan dira mugarriztatu ditugun gazteluak: Irulegi (Aranguren ibarra), Beloaga (Oiartzun), Mendikute (Tolosaldea), Uharte, Burgi, Orarregi (Irurtzun), Irurita (Urdiain), La Mota (Donostia), Ziordia, Gorriti, … beti ere, tokian-tokiko elkarte edota udalaren laguntzarekin.

Nafarroako Burujabetza berreskuratzeko lehenengo saiakeraren V. mendeurrena. Hilabete osoko egitaraua.

Nafartar Naturalak eta 1512-2012 Nafarroa Bizirik ekimenak antolatua. Informazio gehiago: www.bizirik2012.net