Teknologia albisteak
UEMA
Erabiltzailearen artikuluak
"Euskararen normalizazioan eragiteko, hizkuntza politika berezitua behar dugu udalerri euskaldunok"
2015-10-06 : 08:24
Legegintzaldi berriko lehen batzar nagusia egin zuen larunbat goizean Udalerri Euskaldunen Mankomunitateak, Azpeitiko San Agustin kulturgunean, eta Josu Labaka zinegotzi azpeitiarra hautatu zuten batzarkideek UEMAren lehendakari, hurrengo lau urteetarako. Labakarekin batera, zuzendaritza batzordea osatuko duten beste hamar kideak ere hautatu zituzten batzarrean bildu ziren alkate eta zinegotziek. EHBilduk, EAJk eta independenteek dute ordezkaritza zuzendaritza batzordean. Labakak, kargua hartu eta berehala, elkarlanean lanean aritzearen garrantzia nabarmendu zuen.
Zumarragako ospitaleko erresonantzia unitate berrian euskaraz aritzeko eskatu du UEMAk
2014-12-02 : 08:47
Zumarragako ospitalean erresonantzia unitate berria eratuko da. UEMAk eta hainbat udalek herritarrek euskaraz artatuak izateko daukaten eskubidea bermatzeko eskatu dute. Eta ama hizkuntza euskara duten, edo euskara lehenetsi duten pazienteen erresonantzien txostenakeuskaraz idatzita eskaintzea.
Berako liburuzain lanpostuko deialdia errepikatu beharko du Nafarroako Gobernuak, Nafarroako Auzitegi Gorenak hala ebatzita
2014-11-18 : 08:26
Berako Udalak eta UEMAk balorazio gazi-gozoa egiten dute, sententziak arrazoia emanda ere, ez baitu bermatzen euskara derrigorrezkoa izatea.
Berastegiko Udalak UEMAn sartzeko hartutako erabakiari helegitea jarri dio Urkijok
2014-10-29 : 08:16
Berastegiko alkatearekin batera hedabideen aurrera agertu dira UEMAren Zuzendaritza Batzordeko hainbat kide. UEMAk, bat eginda, babestu du Berastegiko Udala. Agerraldian hainbat alderditako ordezkarik parte hartu dute; EHBildukoak, EAJkoak eta Independienteak.
Udalerri euskaldunetako errealitate soziolinguistikoa errespetatu eta zaintzeko eskatu dio UEMAk EITBri
2014-10-13 : 16:49
UEMAko udal ordezkariek hedabideekiko harremanetan kontutan hartu beharreko hizkuntza irizpideak berraztertu eta euskaraz aritzeko konpromisoa berretsi zuten, irailaren 20an egindako Batzar Nagusian. Erabakiaren ondotik, gaur goizean egin du bilera UEMAk EITBrekin, Mankomunitateko kide diren udalek antolatutako prentsa agerraldiak euskaraz hutsez izango direla jakinarazi eta euskararen arnasguneetan modu berezituan jokatzeko eskatzeko.
Iaz baino herritar gehiagok egin dute errenta aitorpena euskaraz UEMAko udalerrietan
2014-07-24 : 12:59
Gipuzkoako Foru Aldundiak emandako datuen arabera, UEMAko udalerrietan 2013ko errenta aitorpena egin duten herritarren %24,8k egin du euskaraz. Urtez urte, goraka doa errenta aitorpena euskaraz egiten duten herritarren kopurua. UEMAk, apirilean egin zuen “errenta aitorpena euskaraz” kanpaina, eta emaitzak ikusita balorazio positiboa egin du.
Udalerri Euskaldunen Eguneko egitaraua eta kanta aurkeztu dituzte
2014-05-30 : 14:46
Agerraldian izan dira Maren Belastegi, UEMAko lehendakaria, Ibai Iriarte, Tolosako alkatea, kantuaren egile diren Emon musika taldeko Eneko Longarte eta Amets Arzallus. Horiez gain, Irrien Lagunen klubeko Ane piratak eta Tolosaldeako hainbat eragiletako ordezkariek han egon nahi izan dute: Tolosako Galtzaundi euskara elkartea, Krikiño aisialdi taldea, Tolosa Kantari, Udaberri dantza taldea, Lizardi elkartea eta Ibarrako Gaztetxea. Bideoklipa ere aurkeztu dute.
UEMA eguna izan beharrean, "Udalerri Euskaldunen Eguna" ospatuko da ekainaren 14an
2014-05-13 : 11:32
Ekainaren 14an, Tolosan ospatuko den udalerri euskaldunen egunaren berri emateko asmoz agerraldia egin dute Maren Belastegi UEMAko lehendakariak, Ibai Iriarte Tolosako alkateak, Inaki Irazabalbeitia Tolosako euskara batzordeburuak, Olatz Peon Tolosako udaleko EAJko zinegotziak eta Idoia Leahidalga Galtzaundi euskara elkarteko kideak.
V. Mapa Soziolinguistikoa: Euskararen birikak ahulago
2014-04-11 : 17:14
Eusko Jaurlaritzak V. Mapa soziolinguistikoak utzitako datuak eman ditu ezagutzera berriki. Gutxi hitz egin da, azken urteotan, gune soziolinguistiko euskaldunenek izandako bilakaeraz. Maren Belastegi UEMAko lehendakariak arnasguneen inguruko hausnarketa plazaratu du iritzi artikulu baten bitartez.
Nafarroako Gobernuak euskara eremu publikotik desagerrarazi nahi duela salatu dute UEMAko ordezkariek
2014-03-13 : 18:46
Nafarroako euskalgintzak bizi duen egoeraren aitzinean “kezkatuta eta haserre” agertu dira UEMAko hainbat ordezkari," Nafarroako Gobernuak, bertze behin, inolako diru-laguntzarik gabe utzi duelako euskara bultzatzeko ekimen eta lan oro." Egoera "jasangaitza" dela eta, euskal komunitateak deituta, martxoaren 22an, Iruñean, egingo den manifestazioan parte hartzera deitu dituzte herritarrak.
Hedabideekin euskaraz
2014-02-20 : 19:42
Euskaraz egin zuten prentsa agerraldia atzo, Zarautzen, Gipuzkoako Foru Aldundiak, Gipuzkoako Hondakinen Kontsortzioak, Urola Kostako Udal Elkarteak eta Zarauzko Udalak. Kalapita euskaraz aritzeak eragin du. UEMAk eredugarritzat jo ditu atzoko prentsa agerraldian erabilitako hizkuntza irizpideak.
UEMAko udalak aitzindari euskararen erabilerari dagokionean
2014-02-19 : 10:41
UEMAk bere udaletan egindako diagnostikoaren emaitzek erakutsi dute, oro har, UEMAko udalak euskaraz aritzeko gai direla. Udal bakoitza euskararen erabileran duen mailaren arabera sailkatu du UEMAk: Tontorrean, Gorabidean, Magalean, Abian. Oraintsu udaletan onartu dituzten plan hauen helburua da, udalak dauden tokian daudela aurrera urratsak emango dituztela bermatzea, eta hori da udal hauek guztiek hartu duten konpromisoa.
Gu euskaraz gara, ni euskaraz naiz, eta zu?
2014-01-23 : 10:50
UEMAk, hainbat udalekin elkarlanean, izen abizenak euskalduntzeko kanpaina jarri du abian. Udalerri euskaldunetako herritarren sentsibilizazioan eragin, eta herritarrek euren burua euskaraz sentitu, bizi eta munduaren aurrean euskaraz aurkeztu dezaten lortu nahi da.
Osasun etxe eta liburutegietako zerbitzuak euskalduntzeko neurri zehatzak proposatu ditu UEMAk Nafarroako Parlamentuan
2013-11-21 : 09:19
Legeak herritarrei Nafarroako “zonalde euskaldunean” administrazio publikoarekin euskaraz aritzeko eskubidea aitortzen dien arren, Nafarroako udalerri euskaldunetako liburutegi eta osasun etxeetan ez da euskarazko zerbitzurik bermatzen. UEMAk Nafarroako Parlamentura eraman du gaia, eta osasun etxe eta liburutegiak euskalduntzeko neurri zehatzak proposatzearekin batera, administrazioa euskalduntzeko bidea elkarlanean egiteko borondatea agertu du.
Osakidetzan ere arnasguneak sortzea proposatu du Maren Belastegi UEMAko lehendakariak
2013-11-19 : 09:06
Maren Belastegi UEMAko lehendakariak iritzi artikulua argitaratu du. Belastegiren iritziz, "osasungintzan ere arnasguneak sortu ezean, nekez lortuko da Osakidetzan euskararen normalizazioa". UEMA bere aldetik, "dagokion eremutik eta ahal duen neurrian" laguntzeko prest dagoela nabarmendu nahi izan du, eta "lankidetzarako gune berriak" eskaintzeko eskatu dio Eusko Jaurlaritzako Osasun Sailari.
Hizkuntza gutxituak dituzten komunitateekin lankidetza sustatzeko hitzarmena sinatu dute Garabidek eta UEMAk
2013-11-13 : 15:45
Maren Belastegik UEMAko lehendakariak eta Andoni Barreña Garabideko presidenteak sinatu dute bi erakundeen arteko hitzarmena. Nazioarteko garapen-lankidetzan hizkuntza-irizpideak dagokion lekua izan dezan lortu nahi da horrela. Beti ere, garapen iraunkorra abiapuntutzat hartuta.
Maren Belastegi UEMAko lehendakaria: "Helegiteak jaso dituzten udalei babes osoa eskaini nahi diegu”
2013-10-02 : 10:58
Zarautz, Olazagutia, Anoeta, Lezo, Zestoa, Errezil, Elgoibar eta Zumaiako udalek helegiteak jaso dituzte hizkuntz irizpideengatik. Maren Belastegik, UEMAko lehendakariak "euskararen aurkako erasotzat" jo ditu helegiteok, argitaratu duen iritzi artikuluan. Helegite sorta honen erdian, "arduraz jokatzeak duen garrantzia azpimarratu nahi" izan du Belastegik, eta gogora ekarri du "eraso hauek indarrak biltzeko parada ere eskaintzen" dutela.
Lan metodologia berriarekin, UEMAk bultzada indartsua eman nahi dio udalen euskalduntzeari
2013-09-17 : 10:45
Urtea amaitzerako, UEMAko 71 udaletako euskararen erabilera plan berriak martxan jarriko dira. Metodologia berriarekin, UEMAko irizpideak esparruz esparru landu nahi dira. Eta udalez udal adostuko den jarraipen sistemaren bitartez, erabilera planen eraginkortasuna areagotu nahi da.
UEMAk web orria berritu eta sare sozialetara jauzi egin du
2013-07-17 : 18:49
Web orrian albisteen atalari eta UEMAk eman nahi duen mezuari emango zaio garrantzia. Beti ere, UEMAk eskaintzen dituen zerbitzuei gune propioak gorde eta erabiltzaileen beharrekin ahaztu gabe.
Planak euskararentzat
2013-07-04 : 16:01
2008-2012ko Euskara Planaren ebaluazioa aurkeztu berri du Eusko Jaurlaritzak. Erabilera bultzatzeko laugarren plana da, baina Patxi Baztarrika Hizkuntz Politikarako sailburuordeak jakinarazi duenez, erakundeek ez dituzte ezarritako hizkuntza irizpideak betetzen. 'Euskararen erabileraren normalizazioa herri administrazioan txostenean' bildutakoaren arabera, hutsune nabarmenak ditu euskarak administrazioan. Ez da berria, ezta sorpresa ere. Baina 2013-2017ko planak diseinatzeko unea den honetan, hausnarketarako oinarri sendoa eskaintzen digu.
