Mikel Lizarralde

Badira lau urte "Medikuak esan dit esklerosi anizkoitza dudala" posta argitaratu nuela nire blogean. Ez nuen taburik hautsi, nire historia nahi nuen kontatu, ez gehiago, nahi nuen moduan eta nire estiloan. ZAZPI proiektuarekin horixe bilatzen dut, nire historia kontatzea, bideoan eta audioan.

Diagnostiko batek ez dauka zertan izan denaren amaiera, izan daiteke zaplada bat, espabilatzera animatzen zaituen zerbait. Nire kasuan hala izaten ari da. Bizitza bera gehiago apreziatzen ikasi dut, gertukoen laguntzarekin gehiago aprobetxatzen saiatzen naiz bizitza bera. Kirolak lagundu dit baita ere. Pixkanaka hasi nintzen igerian eta urtebetera Zegama-Aizkorri mendi maratoia amaitu nuen. Horren aitzakian 150 kamiseta saldu nituen senide eta lagunen artean, eta etekina ADEMGIri eman nion, Gipuzkoako esklerosi anizkoitza dugun pertsonen elkarteari.

Twitterrek iragarki politikoak debekatu behar dituela eta hitz batzuk eskatu zizkidaten ETBko albistegietatik ondorengo erreportajea osatzeko. Elkarrizketa prestatzeko hainbat ohar hartu nituen eta hona ekarri nahi izan ditut, erreportajea osatzeko asmoz.

Ostiralean Tesla Motors enpresak bere auto berria iragarri zuen, Model 3 izenekoa. Sona handia lortu du iragarpenak, itxura batean salmenta kopuru handia lortu dezakeelako (dagoeneko 275.000 ibilgailuko aurre-salmenta egon da), eta kotxe elektriko eta autonomoen segmentuaren pizgarria izan daitekeelako. Izan ere, bi iraultza izugarri ari dira gertatzen une honetan: kotxe elektrikoena eta gidaritza autonomoarena. Eta horrek ondorioak izango ditu, ziurrenik, hirien egituran, gidarion ohituretan, eta industria automobilistikoan.

FitBit Flex eskumuturreko-adimentsu bat darabilt aspaldian. Egiten dudan kirol-jarduna neurtzeko balio du, besteak beste. Bizitza osasuntsuagoa eramaten laguntzen ei dute gailu hauek. Ez naiz amu hori irentsi duen bakarra. 2015ean 78 milioi wearable edo eskumuturreko-adimentsu saldu ziren munduan (Apple Watch erlojua kategoria honetan sartzen dute). Baina ikerketa batek ezagutzera eman duenez, gailu hauek ez dira fidagarriak osasuna monitorizatzeko orduan.

Atzo WhatsApp doakoa izango dela iragarri zuen Jan Koum-ek, mezularitza-zerbitzuaren kudeatzaileak, Munich-eko DLD biltzarrean. Orain arte, lehen urtea doakoa zen, eta hortik aurrera 0,89 euro/urteko kostua zuen. Baina ordaintzeko eskaera hori ez ei zitzaien erabiltzaile guztiei egiten, eta askok ez zuten ordaindu behar izaten. Hemendik aurrera, doakoa izango da erabiltzaileentzat eta WhatsApp-ek beste diru-iturri batzuk landuko ditu.

Ez daukat ezer Interneteko hainbat albistegi edota blog diseinatzen duten profesionalen aurka, baina, aizu, batzuetan zaila egiten zait testu bat irakurtzea. Agian zahartzen hasi naiz eta betaurrekoak behar ditut, auskalo. Edota zeharo petralduta nago letra-tipo bitxi eta tamaina txikikoekin (Interneteko enpresa batean lana egitearen ajeak). Horregatik maite dut Firefoxen irakurtzeko ikuspegia: utikan alferrikako elementuak eta gora ondo irakurtzeko moduko letra-tipo eta tamaina.

Google Maps-ek bere aplikazioa eguneratu du mapak offline, konexiorik gabe, erakusteko aukera emanaz. Orain arte mapak jaisteko aukera ematen zuen, nahiz eta ez zen ageriko funtzioa, baina atzo iragarritako eguneraketak zerbitzuak eta norabideak gehitzen ditu. Android bertsioa kalean da jada eta aurki ei dator iOSrena.

Airbnb ideia aparta da. Logela bat edota pisua libre daukan edonork alokairuan jarri ditzake, ia beti turistentzat eta egun gutxi batzuetarako. Horrela, turistek hotelak baino toki merkeago edota aproposagoak topatu ahal dituzte, eta etxe/logela jabeek diru-sarrera gehigarriak lortu. Baina Airbnb hazten joan den heinean hainbat arazo sortu dira.

Netflix enpresa amerikarrak jarraitzen du munduan zehar zabaltzen. Herenegun ireki zituen ateak Espainian eta, harrezkero, Hegoaldeko euskaldunok ere erabil dezakegu Interneteko bideoklubik handiena dena. Guk ere probatu dugu, eta hementxe lehenengo inpresioak: tresna arin eta intuitiboa, erabiltzailearengan pentsatua, oraindik eskaintza mugatua duena, baina epe labur-ertainera merkatuaren zati handi bat jango duena. Telebista ikusteko modua aldatzen ari da, zalantzarik gabe.

Etxeko telebista tentela apur bat adimentsuagoa bilakatuko digu Chromecast-ek, iazko abenduan Googlek merkaturatutako aparailuak. Google beraren dendan eskuratu daiteke 35 euroan eta kaxa txiki eta sinple batean iristen da. Azalpen gutxi behar dira Chromecast martxan jartzeko. Jaitsi mugikor edota tabletera bere aplikazioa, sartu aparailua telebistako HDMI portuan eta konektatu WiFi sarera. Pausu gutxiren ostean, kitto. Lan txukuna egin du Google-ek abiatze-prozesua azkar eta modu errazean egiteko.

Espainiako Trafiko Zuzendari Nagusiak zirkulazio araudian egin nahi duten aldaketa zabaldu du. Hirigunean txirrindularion jarduna arautzea du helburu, besteak beste, aldaketak.  Eta hartzea nahi dituzten neurrietatik bi dira bereziki polemikoak: kaskoaren derrigorrezko erabilera eta galtzadan eskuman mantendu beharra. Bi neurrion aurkako argudio argiak zabaldu dituzte bizikletazaleen kolektiboek.

Auskalo noiz eta nola aterako garen ditxosozko krisi ekonomiko honetatik. Enpresak isten ari dira, langileak kale gorrian. Eta hala ere optimista naiz. Izan beharko. Itxaropenez begiratzen diot etorkizunari, aukera ederra dugulako lan-mundua hobetzeko, orain arteko klixe et estereotipoak apurtuz. Hain dira aspergarriak enpresariak lapurrak eta langileak alper-zorriak direla dioten kontu zaharrak! Hori bai, eraldaketa honetan paper aktiboa izatea nahitaezko da. Ez egon besteek lana eman zain, heldu erronkari.