Kaskoaren derrigorrezko erabilera

Artikulu honetan primeran laburtu dituzte hirian kaskoa derrigorrez erabiltzeak izango lituzkeen onuren mitoak, hemen laburtuta:

• Bizikletazaleok ez gaude kaskoaren aurka. Ia denok darabilgu herriz kanpoko irteeretan. Hirian bere erabilera legez behartzearen aurka gaude.
• Demostratuta dago txirrindulariok oinezko eta auto-bidaiariek baino garezurreko lesio gutxiago izaten ditugula (hemen datu gehigarri batzuk).
• Kaskoa derrigorrezkoa bilakatu den tokietan bizikletaren erabilpena jaitsi egin da.
• Geroz eta txirrindulari gutxiago gure errepideetan, orduan eta istripu gehiago daude.

Eta Europan, zer egiten dute?

Begiratu esteka honetan ageri den laburpen-taulari. Bertan ikusiko duzu bizikletaren erabilpen-tasa handia duten herrialdeetan kaskoa ez dela derrigorrezkoa. Belgikan eta Holandan kaskoa erabiltzea gomendatzen dute, baina ez da beharrezkoa.

Halako diskusioetan ibili beharrean ez litzateke hobe mugikortasun jasangarriaz hitz egitea?