Sustatu

Aurten (2020) Beethoven urtea da melomanoentzat, 250 urte beteko baitira. Ludwig van Beethoven konposagile alemana jaio zela. Han-hemenka antolatu diren ospakizun zerrendan, Gipuzkoan antolatu den zikloa aipagarria da. Donostia Musikaren eta Kamerata EusKdivariusen eskutik, 27 kontzertuz osatutako programa, bi ziklotan banatuta, eskainiko da 2020. urtean Gipuzkoako hainbat udalerritan.

World Wildlife Fund (WWF) erakundeak kanpaina bat egin du El Prado museoarekin, zenbait artelanen eraldaketarekin aldaketa klimatikoa edo beroketa globala salatzeko. Lan ezagunak ukitu dituzte artista garaikideek efektua egiteko.

Euskal Kultura Ondarea sariketa Eusko Jaurlaritzak antolatzen du EAEko bigarren hezkuntza ikasleen artean. Bideo-lehiaketa da, euskal ondare material edo inmaterialaren elementu bat nabarmendu behar dute aurkezten diren ikasle taldeek. Iazko (2019ko) irabazleetatik, adibidez, horra irudia, emakumeen arraunketa aukeratu baitzuten ondare adibide gisa Ondarroako ikastetxe batekoek. Irekia dago jada 2020ko deialdia.

Urtarrilaren 16an beteko dira bost urte Arabako tokiko aldizkari euskalduna, Alea, martxan jarri zela (hemen lehen zenbakia). Hori dela eta, erakusketa antolatu dute Gasteizen, Oihaneder etxean, "Zortziak Bost Araban" izenarekin. Zortziak, Arabako zortzu kuadrillen albisteak elkartzen dituelako aldizkariak, eta bost, urteurrenagatik.