Loraldia

Euskarazko sormen digitaleko proiektu bat garatzeko aukera eskaintzen du Loraldiaren deialdi honek. Otsailaren hasiera arte jasoko dira proposamenak eta 10.000€ko ordainsaria izango du. Deialdi honen  xedeak bi dira: euskarazko sorkuntza digitala sustatzea eta sortzaile digitalen lana ezagutzera ematea eta ingurune digitalean euskarazko eduki gehiago egoteko aukera eskaintzea. 

LoraldiaKultur Elkarteak gazteei zuzendutako udako sormen-egonaldiak antolatu ditu. Euskal kultura garaikidean murgiltzeko aukera paregabea, 18-25 urte bitartekoentzat. 6 eguneko sormen-egonaldiak burutuko ditugu. 6 tailer, Abbadia Jauregira bidaia bat eta zuzeneko solasaldi-emanaldiak ditugu egonaldi honen osagaiak. Egonaldia Lekeition egingo da.

Munduko Loreak Loraldiaren Eskolaren baitan garatu den proiektua da eta Izurtzan bizi diren afrikar jatorrizko 24 gazteekin burutu da. Hiru hilabetetan zehar egitasmoak euskal kultura garaikidearen eta afrikar kultura garaikidearen arteko elkar eragitea bilatu du. Munduko Loreaken emaitza maiatzaren 19an gauzatuko da, Izurtzan margotuko den horma-irudi baten bitartez.

Atzo aurkeztu zen Bilboko Azkuna Zentroan Loraldia festibalaren laugarren edizioa, Lau sormen-haizetara lema pean. Festibalak 30 kultur hitzordu proposatzen ditu, euskal kulturaren berritzaileenak. Aurten 22 egunetan zehar luzatuko da, martxoaren 5a eta 26a bitartean. Tartean, diziplina artistiko guztiak, lau produkzio berri eta erabateko estreinaldiak eskainiko ditu, horietako batzuk berriro errepikatuko ez direnak, gainera. Edizio honetako festibala Bilboko 20 gune ezberdinetan gauzatuko da, inoiz baino espazio gehiago bereganatu dituela.