Arteman Komunikazioa

22 lan aurkeztu dira Euspot lehiaketaren hirugarren edizioan pintxo-potea gai hartuta. “Euspot erreferente bihurtu da euskarazko ikus-entzunezkoen artean eta gazte askoren parte-hartzea eta jarraipena bermatzen ditu, harrobia ere indartuz”, nabarmendu dute Euspot lehiaketako antolatzaileek. Izan ere, gero eta gazte gehiagok parte hartzen dute lehiaketan eta aurten lehenengo aldiz 18 urtetik beherakoek ere lanak aurkeztu dituzte. Gazteek Euspot-ekiko duten atxikimenduaren isla da, baita ere, hirugarren edizio honetan 1.600 bototik gora eman direla sarean lan gustukoenak aukeratzeko.

Aurten egingo da hirugarren edizioa eta lehiaketaren helburua euskarazko sormena bultzatzeaz gain, arlo guztietara euskararen erabilera hedatzea da. 2014ko edizioaren gaia izango da: ‘Pintxo potea eta euskara’. Aretxabaletako Udala, Mondragon Unibertsitatea eta Arteman Komunikazioa Koop. Elkartea dira lehiaketaren sustatzaileak.

Arrasateko Ttakun txalaparta taldeak Txalaparta Festa antolatu du lehen aldiz. Egun osoko jaia iragarri dute ekainaren 29rako, "herriko txoko ezberdinetara txalaparta doinuak zabaltzeko helburuarekin". Besteak beste, txalaparta saio libreak, herri bazkaria eta Bergara, Aramaio, Aretxabaleta eta Urretxuko txalapartarien bisita eta saioak iragarri dituzte.

Grabaziorako bi egun eta post-produkziorako beste bi egun behar izan dira 'Orain bai!' spota sortzeko; aurretik, baina, Alavesen marketin sailak produkziorako lan guztiak bideratu behar izan ditu. Taldearen webgune ofizialean, dagoeneko 13.000 bisita jaso ditu spotak eta sare sozialen bitartez egindako zabalkundea ere handia izan da.

Alaves_orain bai from Arteman Komunikazioa on Vimeo.

Aretxabaletako Udalak antolatu du lehiaketa Artemanen laguntzarekin. Hurrengo sei astetan, ostegunero (nahiz eta maiatzaren 29a asteazkena den), Aretxabaletako taberna ezberdin baten eskainiko dira bidaia ezberdinen diaporamak.

Bidaia ezberdinen esperientziak partekatzeko asmoz sortu da Ostegun Bidaiariak lehiaketa Aretxabaletako Udalaren eskutik. Debagoienean jaio edo bizi den edonork har dezake parte, banaka zein taldeka. Ekimenaren helburua da bidaia egingarriak ezagutzera eramatea, merkeak eta praktikoak.