Arteman Komunikazioa

2018ko edizioan izugarrizko igoera izan da parte hartzaile kopuruan eta kalitatean, guztira 73 spot aurkeztu dira lehiaketara, iaz baino 22 spot gehiago. Euspot lehiaketaren zazpigarren edizioko gaia “Irudi digitala gure bizitzako harremanetan” izan da eta sare sozialen erabileraren inguruan hausnarketa egitea izan du helburu, beti ere euskarazko sormena bultzatuz. Aurten ere Gipuzkoako Foru Aldundia da Euspot lehiaketaren antolatzaile nagusia, Aretxabaletako Udala, Mondragon Unibertsitatea, Arizmendi Ikastola, Arteman eta MusicLibrary-rekin batera.

Aurkeztu da Euspot 2018ko edizioa. Publizitatea, sormena eta euskara uztartzen dituen Euskadiko erreferentziazko spot lehiaketaren zazpigarren edizioa martxan da. Parte-hartzaileek maiatzaren 2ra bitartean izango dute aukera euren lanak egin eta aurkezteko. Guztira, Euspotek 2.550 euro banatuko ditu saritan, bost kategoria ezberdinetan. Parte-hartu nahi dutenek, lehiaketako briefa eta oinarriak Euspoteko webgunean dituzte eskuragai. www.euspot.eus/parte-hartu loturako galdetegia bete beharko dute lana aurkezterakoan. Imajinazioa martxan jarri eta ikus-entzunezko teknikak hobetzeko aukera paregabea da Euspot!

Bidaia ezberdinen esperientziak partekatzeko eta herrialde zein bidaiatzeko modu desberdinak ezagutzeko asmoz sortu zen Ostegun Bidaiariak lehiaketa Aretxabaletako Udalaren eskutik, Arteman Komunikazioaren laguntzarekin.

2017ko edizioak marka guztiak gainditu ditu, 51 spot lehiatu dira euskarazko iragarki onenaren saria eskuratzeko. Euspot lehiaketaren seigarren edizioan berdintasunaren eta integrazioaren aldeko spot onenak saritu dira, beti ere euskarazko sormena bultzatuz. Aurten ere Gipuzkoako Foru Aldundia da Euspot lehiaketaren antolatzaile nagusia, Aretxabaletako Udala, Mondragon Unibertsitatea, Arizmendi Ikastola, Arteman eta MusicLibrary-rekin batera.

Euskarazko spoten lehiaketa da Euspot, eta 2017ko edizioak marka guztiak gainditu ditu. 51 spot aurkeztu dira lehiaketara eta epai-mahaiak datorren astean banatuko ditu sariak, maiatzaren 11n, Aretxabaletako Arkupe Kultur Etxeko Zaraia aretoan arratsaldeko zazpietatik aurrera egingo den sari banaketa ekitaldian. Iker Galartza eta Aitziber Garmendia euskal aktore ezagunek gidatuko dute sari banaketa ekitaldia. Spot guztiak ikusgai daude Euspot webgunean.

Euspot lehiaketaren seigarren edizioan berdintasunaren eta integrazioaren aldeko spot onenak sarituko dira. Lehiaketaren helburua da publizitate arloan euskararen erabilera hedatzea da eta euskaraz lan egiteko gai izango diren profesionalen harrobi lana egitea. Aurten ere Gipuzkoako Foru Aldundia da Euspot lehiaketaren antolatzaile nagusia, Aretxabaletako Udala, Mondragon Unibertsitatea, Arizmendi Ikastola eta Arteman enpresarekin batera.

Bidaia ezberdinen esperientziak partekatzeko asmoz sortu zen Ostegun Bidaiariak lehiaketa Aretxabaletako Udalaren eskutik. Edizioz edizio hazten doa ekimena eta gero eta jende gehiago batzen da bidaiak partekatzera zein horietaz ikasi eta gozatzera. Debagoienean bizi, ikasi edo lan egiten duen edonork har dezake parte, banaka zein taldeka. Ekimenaren helburua da bidaia egingarriak ezagutzera ematea, beste batzuek etorkizunean egin ahal izango dituztenak.

2014ko urriaren 29an bota zuten 114 urtetan Arbolapetan izan zen gaztainondoa. Arrasateko Ttakun txalaparta taldeko kideek, baina, moduren baten esanda, bizirik mantenduko dute, txalaparta egin dute-eta gaztainondo maitatuaren enborrarekin. Zapatuan egingo duten Txalaparta Festan aurkeztuko dute. Horretaz gain, txalapartarekin lotutako beste hainbat ekitaldi izango dira Arrasaten, egun osoan zehar antolatu den egitarau zabalean.

Bere onena emango dute igeri egiten, bizikleta gainean zein korrikan, kirol ikuskizun itzel honetan. Horien artean izango dira punta-puntako triatletak, Debagoienekoak asko, eta baita ere espainiarrak, alemaniarrak, errusiarrak, Kanadakoak zein Guatemalakoak. Eta urtero mundu osoko triatletak erakartzen dituen proba honek Landatik hasita Arabako hainbat herri zeharkatzen ditu Gasteizera heldu arte.