Kanpaina Travel Clubi informazioa euskaraz eskatzeko
Travel Club txartela baduzu, irakurri arretaz. Travel Club-en euskararen aldeko politika nabaria ez bada ere, badu euskaraz informaziorik jasotzeko aukera (Travel Club-en Espainia aldeko enpresa ugarik parte hartzen du).
Eguneratua: Artikulugileak irudiak bidali dizkigu eskakizuna ilustratzeko.
Oso garrantzitsua da euskaldunok Travel Club-i informazioa euskaraz jaso nahi dugula eskatzea. Zenbat eta gehiago izan, orduan eta gehiago hartuko dute kontuan!!
Travel Club-en azken aldizkaria 2011ko apiril artekoa zen. Beraz, kanpaina bat abiarazi dugu, ahalik eta aldizkari gehien eska dezagun euskaraz (posible bada, apirila bukatu aurretik).
Zer egin behar duzu? Internet bidez zure kontuan sartu. "gestiona tu cuenta" eta ondoren "Consultar y modificar tus datos personales"+ "guardar". Hortxe duzu euskara aukera. Irudi hauek lagunduko dizute.
Eskertuko genuke, aldatzen duzunean, albiste honetan zure izena (edo ezizena/erreferentzia) jartzea (iruzkinetan). Baita jada euskaratu baduzu ere.
INOIZ BAINO GARRANTZITSUAGOA DA ENPRESEI EUSKALDUNOK GURE HIZKUNTZA ALDARRIKATZEA!! ALDAKETA BETIRAKO IZANGO DA, EZ AHAZTU!
Horra aldizkariaren ale euskaldun bat:
Argazkiak.org | Travel txartelaren aldizkaria euskaraz © cc-by-sa: sustatu
Erantzunak
Ez gara honekin bakarrik konformatzen, noski. Baino hau itxura baino asko gehiago da, batez ere oraingo EJak Hizkuntza Eskubideen Dekretua (enpresa pribatuei dagokiona) bete nahi EZ duenean. Enpresek euskarari garrantzia emango diote, hiztunok emoten diogunean. Ta, gehixenetan, errazagoa da horrelako keinuak eitea (enpresen datu baseetan euskaldun bezala agertuz), hitz egitea baino.
Nik aldaketa egin nuen aspaldi, baina kanpaina hau guztiz egokia iruditzen zait.
Leo, itxura gorde diozu?
enpresek bai jaso eta prozesatzen dituztela euren bezeroen eskakizun eta lehentasunak. ez euskara axola zaielako, noski, baizik eta geuk adierazi behar dugulako hizkuntza axola zaigula eta kezkatzen gaituela.
demagun Telefonicak faktura euskaraz eskaintzen duela eta inortxok ere ez duela eskatzen. zer pentsatuko du? bada euskaraz saiatzeak ere ez duela merezi.zer pentsatuko du bere bezeroen %100ak euskaraz bidaltzea eskatzen badio? itxura ? ala eraginkortasuna?
horregatik, euskaraz publizitatea egiten duten enpresei jaramon egiteak euskararen erabilera sustatuko du. hortan neuk behintzat ez dut inongo zalantzarik.
Eroskiren eta Travel Club beraren aldizkariak hasieratik eskatu nituen nik behintzat euskaraz. eta hala jarraituko dut, bai noski.
Kanpainaren berri izan nuenean euskaraz jasotzen nuela informazioa iruditu zitzaidan. Hala ere, ziurtatu egin dut ea horrela den.
Baina benetan harritzen nauena zera da: euskaldunok beti kanpainen zain egon behar izatea. Ez litzateke eraginkorrago aukera dugunean euskara lehenestea? Beti atzetik ibili behar zaizkigu "aizu, jar ezazu euskaraz"? Bada garaia geure kabuz zerbait egiteko, ezta?
Irudi berriak dituzu Sustatu-n, aldaketa nola egin azalduz. Antza denez, pertsona asko ez dira ondo aklaratu. Espero dugu irudi berriek laguntzea!
Tira aurrekoan proposatu nuen baina inork ez dio amuari tira egin beraz hortxe nire ekarpentxoa. Webgunean arakatzen ibili ta gero soilik e-mail helbide bat topatu ahal izan dut: modificaciondatos@travelclub.es (datuak aldatu ahal izateko)
Dirudienez ez dute gustuko beraiekin "harremanetan" jartzea ez bada telefonoa ordainduta beraz proposamena ondoko testua denok bidaltzea izango litzateke, nik egin dut dagoeneko:
Egun on,
mezu honen bitartez zuekin harremanetan jarri nahi dut Travelclub elkartearen kide naizen heinean. Berriki zuekin harremanetan jartzeko hizkuntza bezala euskara hautatu nuen zuen webgunean eskaintzen duzuen kontua kudeatzeko atalean. Hala ere, zuen webgunea oraindik ere gazteleraz soilik kontsultatu ahal dut, bai orokorra eta baita nire kontua ere. Gainera duela gutxi bidali zenidaten posta elektroniko bat gaztelera hutsez bidali zenidaten, baita azken gutuna ere.
Hau guztia kontuan izanik, nire eskaera, hau da harreman guztiak euskaraz izatea, betetzeko eskatzen dizuet eta aurrerantzean bidaltzen didazuen komunikazio oro euskaraz jaso nahi dudala adierazten dizuet. Gainera, zuen webgunea euskaraz kontsultatzeko aukera izatea nahiko nuke.
Mila esker guztiagatik
Noski bakoitzak molda dezala bere gustura eta ea 60 mezu jasotzeak zeozertarako balio dien!
Primerakoa da zure ekimena! Nik neuk, zuk idatzitakoa jarraitu eta bidali dut. Baina, zu ta ni izango gara bakarrak.
60 pertsona mobilizatzea ez duzu lortuko Sustatu-n portadan ez dagoen mezutxo bat jarriz. Horrek ez du oihartzunik, zoritxarrez. Agian, ordea, Travel-ekoak hemengo 70 erantzunak ikusita euskararekiko sentsibilizazioa dagoela konturatuko dira.
Baina, enpresak ez dute hizkuntza politika aldatzen hain pertsona gutxirengandik (are gehiago portzentaje txikia bada euren negozioetan). Edonola ere, denok kontzientziatu behar dugu enpresen aurrean euskaraz aritu behar dugula. Modu honetan, haiek euskaldunak kontratatzeko beharra sentituko dute.
Txalotzekoa da zure ekimena.
Nik ez nekien ezer honi buruz, alegia, travel club aldizkaria euskaraz eskuratu dezakegula.
Nire ekarpena, berandu baina egin dut. Hala ere, esan beharra daukat denok elkartuz gauzak egiteko gai baldin bagara bide onean goazela.
Jarraitu dezagun euskararen alde beti dago zerbait egiteko eta.
Nik neuk, pentsatzen dut proposamen interesgarria dela. Onuragarria izango litzateke jasotzea aldizkari hau euskaraz arrazoi ezberdinengatik. Adibidez, erabilgarria izan daiteke euskararen ikas-prozesuan, katalogoan agertzen diren tramankuluen izenak ezagutzeko.
egina