Sustatu

Hezkuntzan ere Librezale taldeak komunikatu bat kaleratzea erabaki du, hezkuntza arloan hartzen ari diren erabakien aurrean kezkaturik. Testua aurreratu dute jada, atxikimenduak batzeko, eta izenpeak elkarturik, abenduaren 8an, Durangoko Azokako Kabia gunean, Burutekek antolatutako “burujabetza teknologikoa” jardunaldian zabalduko da komunikatua, lortutako atxikimenduekin.

Eguraldi mapak, aplikazioak eta datu klimatologikoak ikustarazteko webguneak gustatzen zaizkigu Sustatun, eta horrekin zerikusia duen bat aurkeztuko dizuegu orain: Ebroko Konfederazio Hidrologikoak, Espainiako erakunde batek, ibai zenbaiten informazioa ematen du denbora errealean, eta horien artean Euskal Herriko hego-isurialdekoak ere badaude.

Idazle-ilustratzaileak bikoteka jarri eta modu praktikoan nork bere lanera bideratutako erabakiak hartzen laguntzea da Aitziber Alonso ilustratzaileak eta Yolanda Arrieta idazleak koordinatuko duten tailer honen helburua. Iruñean izango da lau egunez ikastaroa, eta formatua bera du originala: bekatu egingo dira 8 bikote bertara joan daitezen. Hau da, interesa baduzu idazle edo ilustratzaile gisa, bikotea aurkitu behar duzu (beste 'erdia': ilustratzaile/idazle binomioan), eta batera aurkeztu.