Susako editore Gorka Arresek (@armiarma) eman ditu kopuruak asteburu honetako Sautrelan (http://www....

Susako liburu elektronikoen deskarga kopuru totalak beste zeozer esango ote zigun ez dakit. Igual ez, baina niretzat datu jakingarria litzateke.

@luistxo: Susak orain arte erabili duen gardentasun eskergarria ikusita, ez nintzateke harrituko datu horiek ere emango balitu. Baina ez dakit gauza handirik adierazten ote duten. Izan ere, deskarga guztietatik zenbat dira erosle potentzialak? %90 edo %10? Beste 5000 deskarga egon badira ere, zer adierazten du horrek? Paperezko 5000 liburu ez direla saldu? Ezta hurrik eman ere! Deskargazale konpultsibo ugari dago bazterrotan... ;-)

Erabat ados Asier Sarasuak egiten duen irakurketarekin. Deskargatzea gauza bat da eta irakurlea izatea, literaturazalea alegia, beste bat.
Dakiguna da, 1652 liburu hoien irakurleek kopuru polit bat bat osatzen dutela, behin eta berriro Susako liburuak erosten ari direla, eta bide berri hau hautatu dutela bere egunerokoan irakurketarako.
Deskargak, pirateoa eta bestelakoei buruz ideia handirik ez, egia esan.
Ekonomikoki hutsaren hurrengoa da, baina kulturalki badu garrantzia bat eredu berri bat egiten izateak. Gainera idazleentzat oso interesgarria izan daiteke 2+1 formula, azken finean paperezko liburuekin irabazten duten kopuru bera ari direlako jasotzen.
Uste dut hor badagoela gogoetara tarte bat, egile eskubideak eta argitarapen modu berrien gainean.
Krisiak krisi, eredu berrien bila ibiltzea da kontua. Eta gure kultur ondarea -garai batekoa, zein egungoa- jendearen eskura jartzea, diren baliabide guztiak erabilita.

Helbide honetan aurkituko duzu erreportaje hori: http://www.eitb.com/eu/get/multimedia/embed/id/1735584/tipo/video/
Eta hemen ere bai, twitterrez atzo izanik aipamen batzurekin batera: http://zuzeu.com/2013/11/11/erreportajea-krisia-eta-literatur-industria/