Kontuz eklipseak direnean (esan beharra ere!)
Eklipse kontuak direla eta, aste ekliptiko honetan, 2026koa Euskal Herrian izango dugunerako, adi ere ibili beharko dugu, aste honetako AEBetakoarekin gertatuturikoa ikusita. Lagun batek Googleko bilaketa estatistikak begiratu ditu, "begiko mina" nola bilatu den jakiteko, eta grafikoa aski argigarria da.
Prebentzioari ere begiratu beharko zaio, ze herenengungoak izan ditu eraginak Estatu Batuetan.
Jakina, ezin zaio eguzkiari zuzenean begiratu, ezta eklipse totalaren unean ere, eguzkibegiaren ertzetako distira bera guztiz kaltegarria izan daitekeelako.
Grafikoari erreparatzen badiozue, gainera, eskaerak gertatu diren estatuak ilunago agertzen dira, eta hain zuzen ere eklipsearen itzalaren pasearekin du horrek zerikusia, AIRBNBko mapen kontuak erakutsi zuen bezala, bestalde.
Beste ondorio bat izan omen da produktibitate galera handia gertatu omen dela lanorduetan Estatu Batuetako enpresetan apirileko eklipse honengatik. Tira, 2026koan ez da hain larria izango geure kasuan abuztu iluntze batean, baina auskalo inork gaur, Gabarraren Egun Handian, Bilbo Handian antzeko estatistikarik atera nahi badu...
Erantzun
Sartu