Teknologia albisteak
145

Twitter '.eus' da jada, eta euskara ulertuko du laster

Erabiltzailearen aurpegia
2015-06-19 : 14:02

Twitter sare sozialak salto egin du . eus domeinura, PuntuEUS Fundazioarekin adostutako lankidetzari esker. Hala jakinarazi du fundazioak ohar batean. Gaur egun, Twitterrek ez du euskara ezagutzen, interfazea euskaraz izan arren. PuntuEUS Fundazioarekin adostuta, hori konpontzeko lanean ari da Twitter. Horretarako, CodeSyntax enpresaren laguntza izan dute PuntuEUS Fundazioak eta Twitterrek.

Guztia irakurri (berria.eus) »»

Txioak (144) | Erantzun 1

Erantzunak

2015-06-19 : 14:13

Twitterrek (PuntuEus) tarteko zela, "milaka batzuk txio" eskatu zituen hizkuntza detekzioa hobetzeko. CodeSyntax-etik, Umap egiten dugun esperientzia eta datubasea baliatuz, 200.000 bidali genizkien.

Honekin, txioen metadatuetan euskara detektatu eta markatzeko garapena egin ahal izango dutela espero dugu. Horrekin, desagertuko dira ohar horiek, sarri ikusi ditugunak, "translate from Indonesian" eta antzekoak:


Sustatu.eus | Euskarazko txio bat, indonesiera balitz bezala © cc-by-sa: codesyntax

Hala ere, horrek ez du esan nahi Bing zerbitzuak euskaratik itzuli ahal izango duenik. Hau ez dago gure esku, eta ez dakigu Twitterren esku ere. Microsoft enpresaren kanpo zerbitzu bat da Bing, eta oraingoz bere itzulpen sisteman ez dago euskara.


Sustatu.eus | Bing-ek itzultzen dituen hizkuntzak © cc-by-sa: codesyntax

https://www.bing.com/translator/

Erantzun

Twitter ikonoa  Facebook ikonoa  Sartu