CS-Energia, energia berriztagarrien kooperatibentzako aplikazio sorta

Plataforma erabiltzen ari dira konako kooperatibak:

• Azpeitiko Ekindar
• Urretxuko Ekiola,
• Aiarako Ekiola,
• Elgoibar eta Mendaroko Ekiola

Tresnak bi aurpegi ditu:

• Kooperatiba-eremua: kooperatibaren administraziorako eta kudeaketarako funtsezko tresna da. Informazio bateratua, datu agregatuak eta dokumentazio administratiboa modu zentralizatuan kudeatzea ahalbidetzen du.
• Eremu pertsonala: bazkide bakoitzak bere sorkuntza eta kontsumo datu pertsonalizatuak eskura ditu. Grafiko xehatuak erabiliz, kideek modu informatuan har ditzakete erabakiak, euren kontsumo-ohiturak optimizatuz.

Eremu pertsonal hori modurik errazenean gauzatzen da praktikan: aplikazioa daukazu mugikorrean, bazkidearen esperientzia egituratzeko. Honako osagaiak ditu app-ak:

• Portada: uneko egoeraren laburpena eta datu nabarmenenak.
• Datu energetikoak: sorkuntza, kontsumo eta autokontsumoaren azterketa sakona, konparaketak egiteko aukerarekin. 
• Kooperatiba: dokumentazioa, albiste korporatiboak eta bazkideen parte-hartzera bideratutako lekua. 
• Jakinarazpenak: komunikazio zuzena eta pertsonalizatua ziurtatzeko kanala.

Kooperatiba bakoitzak bere app propioa du, eta aplikazio dendetatik instalatzen ahal da, baina ez dira erabilpen irekikoak: bazkide identifikazioa behar du app-a instalatzen duenak, sarbide seguru eta pribatuarekin, berau erabili ahal izateko. Orain arte garatutako lau app-ak iOS eta Android bertsioetarako egin ditugu, eta elebidunak dira.