Teknologia albisteak
51

41.000 lagun gutxiago dabil euskaraz Interneten EAEn azken urtean, Eustaten arabera

Erabiltzailearen aurpegia
argia.com
2014-05-21 : 17:00

41.000 lagun gutxiago dabil euskaraz Interneten EAEn azken urtean, Eustaten arabera Euskal Estatistika Erakundeak Interneten erabileraz egindako inkestaren arabera, EAEko 15 urte edo gehiagoko biztanleen %68k sarea erabiltzen du, iaz baino %2,4 gehiago. Euskarak sarean duen erabilerak ordea ez du proportzio berean gora egin.

Guztia irakurri (argia.com) »»

Txioak (47) | 4 Erantzun

Erantzunak

#1
2014-05-22 : 14:27

2014ko lehen hiruhilekoan, Eustaten datuen arabera, 2013ko datuekin alderatuz 41.000 erabiltzaile gutxiagok nabigatzen dute euskaraz Interneten. Kopuruak zero asko ditu. Baina zenbat da? Asko da? Zer suposatzen du horrek? Beraz Eustateko datuetara joz honakoak ikus ditzakegu:

2011
Internet erabiltzaileak: 1.071.300
Euskaraz nabigatzen zuten: 226.800 Hau da, erabiltzaileen %21.2k

2012
Internet erabiltzaileak: 1.089.200
Euskaraz nabigatzen zuten: 227.700. Hau da, erabiltzaileen %20,9k

2013
Internet erabiltzaileak: 1.242.200
Euskaraz nabigatzen zuten: 321.100. Hau da, erabiltzaileen %25,8k

2014
Interneten erabiltzaileak: 1.255.800
Euskaraz nabigatzen dugu: 270.900 Hau da, erabiltzaileen %21,6%k

Egia da iaztik hona jaitsiera bat dugula. Baina, lau urtetako datuei erreparatuz, portzentaje berdintsuetan murgiltzen gara.

#2
2014-05-22 : 16:19

@UxuneM nik atzo ere galdera jarri nuen airean eta gaur hemen ere jarriko dut. Zer da euskaraz nabigatzea eustatentzat? Nabigatzailea euskaraz konfiguratuta edukitzea ala zer?

Nik uste dut, alde handia egon daitekeela hor ere... Mila esker zure azalpenagatik!

#3
2014-05-22 : 16:24

Urtzi, ez dut zure galdera horren erantzunik.
Izan ere, Eustati galdetu diogu, baina dakidala ez du erantzun. Beraz, webgunean ibili naiz begiratzen eta aurkitu dudana izan da, 2010ean datuak jasotzeko egindako inkesta. Bertan ikusten da, galdeketan 342 atalean erabiltzaileari galdetzen diotela "Zein hizkuntza erabiltzen duzu Interneten nabigatzeko?" http://www.eustat.es/document/datos/cuestionarios/ESIF_Cues_2010I_c.pdf

Horrez gain, ez dut beste daturik ez adierazlerik aurkitu. Ea argitzen diguten!

#4
2014-05-22 : 17:47

Inkesta baten bidez determinatzea hizkuntza-erabilera Interneten, ez dakit ba, oso balekoa ote den. Eustat-ek edo administrazioak eskura izan ditzake datu errealak, webgune ofizialen analitikakoak, esango diotenak zenbat orri ikuskatzen diren euskaraz Euskadi.net-en edo EITB.net-en eta zenbat gaztelaniaz. Nire ustez, euskararen erabilpen are murritzagoa adieraziko du horrek, baina seguruenik sintoma bat izango da webgune eta erakunde horietan bigarren hizkuntza delako eduki eta komunikazioan euskara, gaztelaniaren atzetik.

HPSren dirulaguntzetara aurkezten diren webguneen kasuan, teorikoki, trafiko datuetara sarbidea izan behar luke administrazioak. Jakin badakit, Hekimen euskarazko hedabideen elkarteak, trafiko datuen gardentasun ariketa bat egin duela GFArekin, eta seguru nago berdina egingo duela Jaurlaritza edo Eustat-ekin, eskatzen baldin bazaio.

Gaztelaniazko medioen trafikoari dagokionez, Jaurlaritzak publizitatea jartzen badu espainolezko hedabide digital lokaletan, jakin beharlo luke zer nolako audientzietara iristen den (fiskalizatuta behar luke bere irismena, edo eskatzekoa litzateke hori gutxienez: era berean, euskarazko hedabide digitaletan publizitatea egin BEHARKO lukeela ere gogoratu beharko litzaieke).

Laburbilduz, euskarazko Interneteko kontsumoari buruzko datu errealak jakiteko moduak badaude Jaurlaritzarentzat. Baita Interneteko euskarazko jarduna gehiago sustatzeko, baina, klaro, horretarako gauza batzuk aldatu beharko dira. 2013ko dirulaguntza deialdietan, adibidez, aurreko urtearekin alderatuta, IKT alorreko laguntzak %45 jaitsi ziren: http://sustatu.com/1367830300

Interneteko euskarazko eta erdarazko jardunaren neurketarako beste bide bat http://umap.eu nolabait erabiltzea izan zitekeen, bestalde. Behaketa soziolinguistikoak egiten dira kalean, eta ez dira merkeak. Sarean merkeago egin daitezkeela seguru nago.

Erantzun

Sartu

Publizitatea

Azken artikuluak

zer non iku max
Max streaming plataforman ere euskarazko edukiak agertzen hasi dira
1734601929368 komunitateak gehitua
Tenperatura-igoeraren muga gainditu dela nabarmendu du Elhuyarrek 2024ko zientzia-albiste esanguratsuenen artean
urkizu patri
Patri Urkizu hil da, euskal antzerkigintzaren ikerlaria
egube 16d 60k
60.000 lagunekin osatu da Egunean Behinen 16. denboraldia
google eus aktibatua
Google.eus aktibatu da gaur, PuntuEus domeinuen hamargarren urteurrenean

»» Jardun osoa

Sustaturen inguruan

Jarraitu sustatu.eus

E-postaz, mezuz mezu: