Folklorismoari Stop: Euskararen aldeko jai bateko kartela

Beno gai honi loturik bideotxo bat :D http://www.youtube.com/watch?v=QWMExutxiHM

Kaixo, kartelaren egilea naiz. Egia esan, kartela 2011koa da, baina itxuraz Laudioko Udalari gustatu egin zaio eta aurten ere erabili du...

Uste dut "eztabaida" honetan testuingurua falta dela.

Lehenik eta behin, ikus dezagun abiapuntua: orain arte Laudion ospatutako Euskal Jaien kartelak tankera honetakoak ziren:

http://tinyurl.com/c2vjyem
http://tinyurl.com/c3ym5h9

Egin zidaten enkarguak honako eskariak zituen: orain arte egindakoarekin apurtu, irudi zaharkitu hori eraberritu, gazte jendeari hurbildu, egitarauaren edukiarekin lotura mantendu...

Nik egindako lanak badu agian oharkabean geratu den detailetxoa, goiko iruzkinak ikusita behintzat: nik ere folklorekeria horri barre egin nahi nion, eta argazkiko dantzariari abarketa zuria kendu eta "All Star" zapatilla bat jarri diot. Txiste errazegia? Galdu egiten da xehetasun hori kartelean? Ez dakit, hori zuek esan. Badakidana da Laudion funtzionatu egin duela.

Beste kontu bat da ia zer ulertzen dugun folkloreari buruz mintzatzen garenean. Wikipediak dio: "Folklorea (...) herri edo eskualde bateko ohitura, herri-literatura, sinesmen, kondaira, musika, eta abarrek osatutako multzoa da. Herri edo nazio baten kontuak, musika, dantza, ahozko historia, atsotitzak, txisteak, usadioak eta ohiturak biltzen ditu". Ziur al zaudete guzti honek ez duela, gure kasuan, euskararekin zerikusirik? Goiko loturetatik bigarrenean ikusten den egitarauak (Txistulariak, zanpanzarrak, artisau feria, bertsolariak, trikitixa, fanfarrea, dantzariak...) ez al du zerikusirik folklorearekin? Laudiok duen egoera soziolinguistikoa ezagututa, gaizki iruditzen al zaio norbaiti egun batez horrelako ekitaldiak antolatzea?

Testuingurua, lagunok, testuingurua...

(Bale, eta niri ere ez naute askorik erakartzen mota honetako jaiek, baina hori beste kontu bat da)

Kaixo Eñaut,

egia esan ez nituen All Star zapatillak ikusi. ;)

Baina nik ez nuen zure kartelari buruz gaizki hitz egin nahi, ez naiz diseinatzailea eta ez zen nire asmoa zure lana kritikatzea. Barka honen barruan sartu bazaitut.

Nik euskararen aldeko ekintzetan eta jaietan gehienetan errepikatzen den liturgiari buruz hitz egin nahi nuen; kartelean eta egitarauetan isladatzen dena.

Bai, niri ere antzeko gauza gertatzen zait mota honetako jaiekin, baina ustea badut ez direla gaizki eginak, niretzako eginak ez direla baizik. Eta oso desberdina dela Laudion ospatzea, Usurbilen ospatzea edo Cascanten ospatzea. Liturgiak niri ere ez zaizkit gustatzen, orokorrean, baina manifa, ikastolen jai, Benito Lertxundiren kontzertu eta abarren herrian bizi gara, ete beste herrien antzera, guk ere baditugu geure "zeremoniak". Bakoitzak ikus dezala zeintzuk dituen gustoko eta zeintzuk ez.

Eta lasai Unai, ez dut zure mezua txartzat hartu, nire lana zalantzan jartzen duen lehena beti izaten naiz ni. Gauzaren bat edo beste argitu beharrean nengoelako egin nuen nire iruzkina...