Asko izan gara Iker Irribarria Olazabalen halabeharrezko agur honek ustekabean hartu gaituenak, neguak udazkena hala. Aitortu behar dut esku pilota profesionala oso gutxi jarraitzen dudala, etxeko telebistan oharkabean agertzen zaidan aldiro inkontzienteak telekomandoaren hurrengoa, aurrekoa edo itzali botoiak sakatzen dituela.

Euskararen garrantzia gutxiesteko asmoa duten sententziak ebatzi izan dira lehendik ere hizkuntza eskakizunen inguruan. Horiek kritikatu izan ditu Iñigo Urrutia EHUko irakasle eta legelariak (Jatabe, Bizkaia, 1966), begirada zoliz; aditua da hizkuntza eskubideekin lotutako gaietan, eta adi erreparatzen die halakoei.

Onkologikoko garbitzaileek greba hasi zuten urtarrilaren 30ean, pairatzen zuten soldata arrakalarekin amaitzeko. Langile horiek Gipuzkoako bide garbiketan dabiltzan langileek baino %25 gutxiago kobratzen zuten, eta lortutako akordioarekin pareko soldata igoera lortu dute. Hilabeteko grebaren ondoren eta batzarraren baiezkoarekin, ELAk gatazkari amaiera eman dion akordioa sinatu du. Hauek dira eduki nagusiak: 2023: %10eko soldata igoera.

Eva Ferreira EHUko errektoreak BERRIAri eskainitako elkarrizketan ziurtatu zuen unibertsitateak finantzaketa publiko nahikoa duela, baina finantzaketa pribatua nahitaezkoa ere badela, unibertsitateek enpresei ezagutza ematen dietelako. Ildo beretik mintzatu zen Iñigo Urkullu Eusko Jaurlaritzako lehendakaria ikasturte hasierako ekitaldian: argi utzi zuen 2023-2026 urteetarako Unibertsitate Sistemako Plan berri bat behar zela enpresen eta teknologien lotura euskal gizartearekin indartzeko.

EAEko Justizia Auzitegi Nagusiak atzo emaniko "epai euskarafoboa" salatzeko elkarretaratzea egin dute Uliazpi fundazioko langileek gaur, Donostiako Jose Maria Sert plazan, fundazioaren egoitza nagusiaren parean, LABek eta ELAk deituta. Uliazpi Gipuzkoako Foru Aldundiaren menpeko erakunde publiko bat da. Era guztietako desgaitasun neurologikoak edo fisikoak dituzten herritarrekin eta haien senideekin egiten du lan.

Erresistentzia hutsa ez zen aukera bat. Gehiago nahi genuen. Euskal Herri aske, sozialista eta feminista erdiestea, guk geuk eraikitzea. Ernai Gazte Antolakundea sortu zuten ehundaka gazteren grina zen hura. Kolorea, bizitasuna, ilusioa eta berritasuna mahaigaineratu zituen Lizarrako frontoian belaunaldi hark, gaur 10 urte. Militatzeko, kaleak hartzeko eta borrokatzeko modu berriak zekartzan.

Beste artikulu bat bidali nuen lehendabizi atzo BERRIAko erredakziora. Baina arratsaldean webgunean sartu eta justiziak euskararen aurka hartutako azken erabakia irakurtzean, sutu egin nintzen. Ez da posible. EAEko Justizia Auzitegi Nagusiak ebatzi du legez kanpokoa dela euskararen ezagutza aintzat hartzea Gipuzkoako Foru Aldundiaren menpeko Uliazpi fundazioan 34 lanpostu betetzeko oposizioan.

EAEko Justizia Auzitegi Nagusiak ebatzi du Gipuzkoako Foru Aldundiaren menpeko Uliazpi fundazioan 34 lanpostu betetzeko oposizioan euskararen ezagutza aintzat hartzea legez kanpokoa dela. Uliazpik desgaitasunea duten pertsonekin egiten du lan, eta 34 zaintzaile kontratatzeko prozesua abiatu zuen; euskararen ezagutza (B2 titulua-) 32 posturentzat baldintza zen, eta beste birentzat, meritua. Betekizun hori bertan behera utzi du auzitegiak. 

Wikipedia, Entziklopedia askea Jose Angel Iribar Kortajarena, ezizenez Makatza eta Txopo ( Zarautz, Gipuzkoa, 1943ko martxoaren 1a), futbolari eta futbol entrenatzaile ohia da, Athletic taldearen historiako jokalari ospetsuenetako bat. Zarauztarra jaiotzez, Makatza baserrian jaio zen 1943ko martxoaren 1ean, eta hortik jaso zuen bere gazte garaiko ezizena: Makatza.

Hirietako zementuak eta betoiak bero-uharte efektua dakarte, eta horrek zuzenean eragiten dio osasunari. Ikerketa baten arabera, hirian espazio natural gehiago jarrita, tenperatura beroak apaldu, eta Bilbon iazko udako hamahiru heriotza ez ziren gertatuko. Dena den, ondo neurtu behar dira proiektu horiek: espezieek ingurura eta klima aldaketara egokitzeko gaitasuna duten aztertuz.

EITB TALDEA Errege Kopa EITB Media Bihar, martxoak 1, Osasuna-Athletic Club futbol partida zuzenean eskainiko du ETB1ek, 21:00etan. San Mamesen jokatuko den itzuliko norgehiagoka ere euskaraz ikusteko aukera izango da apirilaren 4an 2023ko Errege Kopako finalerdien eta finalaren emozio guztia zuzenean bizitzeko aukera eskainiko du EITBk, euskaraz.

Etxegabe bat hilik agertu da Hendaian. France Bleu Pays Basque irratiak bere webgunearen bidez plazaraturiko albistearen arabera, gizonezko bat da eta haren gorpua Kaneta auzoan azaldu da. Aipaturiko hiri eremua etxerik ez duten pertsonen biltoki bilakatu da aspalditik. Hain zuen inguru horretan kokatzen delako kalean bizi direnei zerbitzua emateko Udalak zabalduriko aterpea, baita elkarteen eskutik bermatzen den otorduen banaketa ere.

Pantailak Euskaraz ek eta Hizkuntz Eskubideen Behatokia k Pantailak Euskaraz euskal ikus-entzunezkoen aldeko ekimenak 2022an Hego Euskal Herriko zinema komertzialetan egondako estreinaldi kopurua eta eskainitako filmen hizkuntza aztertu ditu, eta datuak gordin bezain kezkagarriak dira: euskarazko jatorrizko bertsioan, euskarara bikoiztuta, edo euskarara azpidatzita eskaini den estreinaldi kopurua ez da %2ra iritsi.

Etorkizunera begira, hainbat erronka ditu Hamaikak Orai NPL-rekin lankidetzan garatzeko. Hamaika Telebistaren eraldaketa digitala bultzatzeko eta adimen artifizialeko beste hainbat teknologia aplikatzeko, bi erakundeek bide-orri teknologiko bat garatuko dute, elkarlanean jarraitzeko asmotan.

ALTZO. Jon Garañok eta Aitor Arregik zuzendutako Handia (2017) fikziozko filma emango du gaur ETB1ek, 22:30ean. XIX. mendean bizi izan zen Altzoko (Gipuzkoa) erraldoiaren inguruko gorabeherak kontatzen ditu filmak. Azkeneko bost urteetan euskarazko film hori Netflixen ikusgai izan da, baina ordainpeko zerbitzuak katalogotik kenduko du martxoaren 16an.