Puntueus

HiTZ zentroak garatutako Latxa euskal adimen artifizialak ikerketatik eguneroko erabilerarako jauzia egin eta lehen aldiz integratu da aplikazio praktiko batean. BAAI.EUSek euskarazko teknologia herritarren, profesionalen eta enpresen eskura jartzen du, euskararen presentzia digitalean beste urrats bat aurrera eginez. 

Elene Mendizabal informatikari eta eduki-sortzaileak gidatutako saioa bat da ‘Gladysen haritik’ bideopodcasta, emakume teknologoak lehen planoan jarriko dituena ekoizpena. Lehen atala dagoeneko ikusgai eta entzungai dago EITBko GUAU plataforman zein gainerako audio-kanaletan.

Kalitate handiko proiektu digitalak gailendu dira Kaixo Mundua lehiaketaren sari banaketan. Euskal Herri osoko 1.400 ikaslek hartu dute parte. Baztan, Txorierri, Elgoibar, Bermeo eta Mutrikuko ikasleek jaso zituzten sari nagusiak Bilboko EITBren egoitzan egindako ekitaldi batean.

PUNTUEUSek .eus domeinuaren eta euskal Interneten errepaso sakona aurkeztu du; horretarako, elkarren artean osagarri diren bi ikerketatren emaitzak zabaldu ditu: CIESek egindako merkatu-pertzepzioaren azterketa eta PUNTUEUS Behatokiaren urteroko txostena. CIESen azterketaren arabera, Euskal Herriko erakundeen % 78k ezagutzen du .eus domeinua, eta identitatearekin (8/10) eta komunitatearekiko konpromisoarekin (7,6/10) lotzen dute. PUNTUEUS Behatokiak inoizko datu zehatzenak lortu ditu: Euskal Herriko webguneen % 20k du edukiren bat euskaraz, % 74k .EUS webguneetan .eus domeinua % 4,6 hazi da 2025ean, 16.393 izen lortuta; mundu mailako domeinuen hazkundea (% 1,2) ia laukoiztu du.

Puntueus Fundazioak eta EHUko Informatika Fakultateak, Gipuzkoako Foru Aldundiaren babesarekin, Gladys Sariaren edizio berria abiatu dute. Sari honek ingurune digitalean lanean ari diren emakume gazte euskaldunak aitortu eta saritzea du helburu, gazteentzat erreferente berriak sortuz eta emakumeen talentua teknologiaren esparruan nabarmendu.

_GANDIK.EUS proiektuak zilarrezko AEBRAND saria jaso du, Gizarte-inpaktua kategorian. Sariak Burutü branding agentziak, PuntuEusentzat eta Eusko Jaurlaritzarentzat, garatutako marka lana aintzatesten du. _GANDIK.EUS proiektuan identitate kolaboratiboa, euskarazko storytelling berritzailea eta gazteen eta tokiko merkataritzaren digitalizazioaren arteko loturan duen eragina nabarmendu ditu epaimahaiak.

PUNTUEUS Fundazioak .EUS domeinuen segurtasun egoeraren urteko argazkia osatzen duten zibersegurtasun-datuak eman ditu ezagutzera. 2025eko datuen arabera, erasoen tasa %10 hazi da 2024 urtearekiko. Josu Waliñok –Puntueuseko zuzendaria– azaldu duenez, adimen artifizialaren erabilerak erasoak sofistikatuago bihurtu ditu, eta nahiz eta askotan urrutiko jatorria izan, gero eta ohikoagoa da euskarazko edukia ere erabiltzea engainua sinesgarriago egiteko. “Adimen artifizialak hizkuntza-hesiak hautsi ditu. Orain erasoak gure hizkuntzan iristen zaizkigu, biktimaren konfiantza errazago bereganatuz”. 

PuntuEusek eta Izarkom telekomunikazio kooperatibak lankidetza-hitzarmena sinatu dute. Euskara, komunitatea eta teknologia propioetan oinarrituriko digitalizazioa sendotzea da helburua. Akordio honen bidez, bi erakundeek euren indarrak batuko dituzte euskarazko eta komunitatean oinarritutako digitalizazioa sendotzeko, eta teknologia propioetan eta euskararen presentzia digitalean oinarritutako proiektuak garatzeko.

PUNTUEUSek, .EUS domeinuaren kudeatzaileak, zerbitzu berria jarri du abian euskal enpresa eta profesionalei interneten presentzia sendotzen laguntzeko. Domeinua erregistratzeko prozesua erraztea helburu, laguntza-zerbitzua eskainiko du, eta kanpaina berezia jarri du martxan zerbitzua ezagutzera emateko. Kanpaina horren protagonista Eusebio pertsonaia da, Iker Galartza aktoreak gorpuztua. Eusebiori esker, .eus domeinua erregistratzea, inoiz baino errazago!

Usue Mori Carrascal (Donostia, 1987) izan da Gladys Sariaren V. edizioko irabazlea, eta PUNTUEUS eta Euskal Herriko Unibertsitateko (EHU) Informatika Fakultatearen eskutik jaso zuen garaikurra EHUko Informatika Fakultatean egin zen ekitaldian, Donostian, irailaren 26an. Ekitaldian, epaimahaiak adimen artifiziala gizartearen ongizatera bideratzeko eta ezagutza transferitzeko urratutako bidea nabarmendu zuen.