Facebook: profil eta zaletu-orrialdeen arteko desberdintasuna
Profila
Profila
Profila pertsonen jarduera arrunterako tresna da. Norberak izen abizenez sortzen du profila eta hor jartzen ditu jarri nahi dituen informazio guztiak. Era berean aukeratu dezakegu zein pribatutasun maila nahi dugun edo zein lagunek duten edukiak ikusi edo komentatzeko baimena.
Facebookek argi adierazten du profila ez dela negozio edo erakundeentzat, ez eta pertsonaia publikoentzat ere. Profilak dituzten erabiltzaileak elkar lagun egin daitezke, eta horrekin "gure txokora" sarrera ematen diogu beste lagun horri.
"Lagun" hitzaren esanahia ziurrenez aldatuko da pertsona batetik bestera, baina orokorrean normala da elkar ezagutzea bion artean, biek onartu behar bait dute laguntasun hori. Horregatik, 5000 lagun izatea ez dut uste normala denik eta horrela ulertzen du Facebookek.
Zaletu-orrialdea
Zaletu-orrialdea aldiz, ekimen, negozio edo pertsonaia publiko baten orria sortzeko dagoen modua da. Ingelesez Fan-page jarri diote.
Orri hauek ez dute bi partaideen onarpenik behar. Batek erabakitzen du halako enpresa, produktu edo pertsonaia publikoa atsegin duela, eta hortik aurrera zaletu-orrialde horretan publikatzen direnak jasoko ditu.
Gainera, ezarritako konfigurazioaren arabera, pertsona batek bere profilarekin zaletu- orrialde horretan parte hartu ahal izango du. Horrek ez du komunikazioa oztopatzen.
Horrela ulertu dute askok, eta beraien jardunerako zaletu-orrialdeak sortu dituzte. Adibidez:
Artista hauek izango dituzte (edo agian ez) beraien profil pertsonalak, non beraien lagunekin komunikatu, parrandako argazkiak publikatu edo gai pertsonaletaz hitz egingo duten. Beste jardun publikoetarako, beraien zaletu-orrialdeak erabiliko dituzte.
Ez naiz pertsonaia publiko baten lagun egingo
Horregatik, pertsonaia publiko, negozio edo elkarte batek pertsonalki ezagutu gabe bere lagun egitea eskatzen didanean ezetz esaten dut normalean. Besteak beste, hori onartzeak erakunde/pertsona horri nire gauza pertsonaletarako sarrera emango nioke. Egingo zenukete hori zuen bankuarekin?
Hitzen esanahiaz jardun dezakegu (laguna, zaletua, fan ote naizen...), berdintasunaz, lagun izateaz eta abar. Kontua da tresna (Facebook) asmatu duenak modu jakin batean erabiltzeko pentsatu duela eta ez bagara moldatu, gure arazoa dela.
Zer egin?
Zure erakundea edo zu zeu puntu horretan bazaude, hau da, zaletu orrialdea beharrean profila sortu bazenuen, ahal den azkarren egin aldaketa. Zenbat eta denbora gehiago utzi, orduan eta jende gehiago egingo da zure profilaren lagun, eta egunen batean aldatu beharko duzu. Horrek eskatuko dizu batetik lagun eta zaletuen arteko banaketa egin beharra (erabaki zaila!). Bestetik, bidean "lagun" asko galduko dituzu, ez zaituztelako jarraituko.
Erantzunak kargatzen...
