gaindegia

Azken hamarkadetan bizitako hazkunde demografikoa etetear dago Euskal Herrian. Horixe diote, behintzat, argitaratu berri diren Hegoalderako datuek: biztanleria galtzen hasi gara eta irudiak erakusten duen moduan, hazkunde natural negatiborantz goaz: alegia, hiltzen direnak jaiotzen direnak baino gehiago izango dira laster. 

4,24 milioi pertsonek ostatu hartu zuten 2012an Euskal Herriko geografian barna. 2011etik 4 milioitik gorako datuetan mugitzen gara, baina nahiz eta bidaiari askok bisita egiten diguten, gero eta gutxiago gelditzen direla dirudi.

Gaindegiak Ipar-Data [159] online argitalpena sortu du. Argitalpen honetan Ipar Euskal Herriko udalerri bakoitzerako adierazle sozioekonomikoak jasotzen dira, zehazki 147 adierazle udalerri bakoitzerako, eta argitalpen bakarrean bilduak izan dira, online kontsulta daitekeena bai euskaraz bai frantsesez.

Oso zaila da Munduan nahiz Euskal Herrian aberastasunaren banaketaren argazki erreala edukitzea. Zer dela eta? Nola jakin dezakegu zehazki zein den gure errentaren banaketa? Nola jakin zenbaten esku dagoen aberastasuna gure herrian? Zein dira egun argazki hori gertutik ateratzen laguntzen diguten adierazleak?

Zein da EHko sare produktiboaren egungo argazkia? Zenbat enpresa daude lurraldean? Non kokatzen dira? Zein jarduera eta sektoretan ari dira? Zein tamaina dute? Zein dira krisiak utzi dituen ondorioak Euskal Herrian?? Galdera horiei eta beste askori erantzuteko, eta “Euskal Herriko enpresa demografia” ikerketaren emaitzak aurkezteko hitzaldi eta mahai ingurua antolatu du Gaindegiak datorren asteazkenean, hilak 13an, Donostiako San Jeronimo kaleko Udal Liburutegi zaharreko aretoan, arratsaldeko 19.00etan.