Elhuyar Hiztegiak 60 milioi kontsultako muga gainditu du
- 2023an 60 milioi kontsultako muga gainditu du Elhuyar Hiztegia
- Gero eta aukera gehiago daude hiztegia erabiltzeko:
- Webguneko bisita-kopuruak % 9 egin du gora.
- 000 deskarga baino gehiago ditu mugikorreko aplikazioak.
- Hiztegiko edukia etengabe eguneratzen da, eta hizkuntza berdinzalea erabiltzen dela bermatzen da.
Elhuyar Hiztegiak erreferentziazko izaten jarraitzen du, eta horren erakusgarri da 2023an izan duen kontsulta-kopurua: 60 milioi.
Proiektu bizia da Elhuyar Hiztegia, eta hainbat lan-ildo izan ditu martxan 2023an: Collins Elhuyar euskara-ingelesa hiztegia kontsultatzeko moduan jarri da, hiztegira hitz berriak sartu dira, beste batzuk aldatu egin dira, eta, hizkuntza berdinzalea helburu, lanketa espezifikoak bideratu dira.
2023ko martxoan, Elhuyarrek baliabide berri bat jarri zuen gizartearen eskura, doan. Collins Elhuyar euskara-ingelesa hiztegia online kontsultatu daiteke hiztegiak.elhuyar.eus atarian. Baliabide horri esker, ingelesa ikasten ari diren euskaldunek ez dute ingelesa-gaztelania edo ingelesa-frantsesa hiztegien beharrik. Hiztegiak 65.100 sarrera ditu guztira, bi ataletan banatuta: euskara-ingelesa atalean, 31.700; ingelesa-euskara atalean, 33.400.
Collins Elhuyar hiztegia online jarri dugunetik, ingelesez egin diren bilaketa-kopuruak nabarmen egin du gora: 2022an baino % 37 kontsulta gehiago egin dira hizkuntza horretan.
Hiztegia etengabe eguneratzen den baliabide bat da, eta 2023an, esaterako, 1.500 sarrera berri gehitu dira, eta aldaketak egin dira beste 1.200 unitatetan:
|
Sarrera berriak |
Aldaketak |
||
|
Sarrera |
Hizkuntza |
Sarrera |
Hizkuntza |
|
txatbot |
euskara |
aitatasun-baimen |
euskara |
|
emisio gutxiko eremu |
euskara |
ekipamendu |
euskara |
|
metaverso |
gaztelania |
reutilizable |
gaztelania |
|
évolutif, -ive |
frantsesa |
superviviente |
gaztelania |
|
ableism |
ingelesa |
adhesive tape |
ingelesa |
|
|
|
passeur, -euse |
frantsesa |
Eguneratze horiek egiteaz gain, Elhuyar Hiztegiak hizkuntza berdinzalea erabiltzea du helburu, eta, hori horrela dela ziurtatzeko, 2023an ere hiztegiko zenbait lagin aztertu dira: edukiak genero-ikuspegiarekin landu, eta lexikoaren eta hizkuntzaren erabilera baztertzailea berrikusi eta moldatu da, desberdinkeria eta bereizkeriarik gabeko tratamendua bermatuko duen hiztegi bateranzko pausoak emateko. Berrikusketa-lan hori bi mailatan egin da: batetik, lexiko baztertzailetzat har daitezkeen sarrerak dagokien gutxiesgarri markaz hornitu dira; bestetik, hiztegiko adibideen gaineko errepaso sakona egin da, genero-ikuspegiarekin loturiko estereotipoak saihesteko eta emakumearen ikusgarritasuna bermatzeko. Lan-ildo horretarako, Laboral Kutxaren laguntza jaso du Elhuyarrek.
|
Lehen |
Orain |
|
ijito 1 iz. gitano, -a 2 izond. gitano, -a |
ijito 1 iz. gitano, -a 2 izond. (gutxiesgarria) gitano, -a |
|
Lehen |
Orain |
|
Bakarne asiste a clase con religiosidad a pesar de que tiene mucho trabajo en casa: Bakarne zintzotasun handiz etortzen da klasera nahiz eta etxean lan handia eduki |
Bakarne asiste a clase con religiosidad a pesar de que tiene mucho trabajo: Bakarne zintzotasun handiz etortzen da klasera nahiz eta lan handia eduki |
|
Lehen |
Orain |
|
el piloto esperó las órdenes del capitán: pilotua kapitainaren aginduen zain egon zen |
la piloto esperó las órdenes de la capitana: pilotua kapitainaren aginduen zain egon zen
|
Aldaketa horiek guztiak egiteko, hainbat iturri erabiltzen ditu Elhuyar Hiztegiak: corpusak, beste zenbait baliabidetatik erauzitako edukia, Euskaltzaindiaren Hiztegia eta erabiltzaileen iruzkin eta proposamenak.
Edukiak etengabe eguneratzeaz gain, Elhuyar Hiztegiak teknologikoki ere aurrerapausoak eman ditu 2023an.
- Webgunean, Elhuyarren TTS neuronalaren bidez, sarrera guztien ahoskera kontsultatzeko aukera ematen zaio erabiltzaileari.
- Mugikorretako aplikazioak (iOS eta Android) berritu dira, eta 100.000 deskarga baino gehiago izan dituzte.
- Geroz eta ordenagailu gehiagotan instalatuta dago mahaigaineko aplikazioa.
Erantzun
Sartu