Eibarko Udalak antolatutako Juan San Martin ikerketa beka irabazi zuten, 2015eko edizioan, Josu Ozaita eta Jaime Altuna ikerlariek. Orain UEUk editatu du lana "Itzalitako kalabazen berpiztea" izenburuarekin. Arimen Gau, Hallowen eta Gau Beltzaren haur-ospakizunen ikerketa etnografikoa da.
Joan zen astean aurkeztu zuen Eibarko Udalak bere azken argitalpena, "Atxia motxia" haurrentzako koadernoa. Ego Ibarra udal batzordeak kaleratu berri duen koadernoak balio izango du margotzeko, marrazteko, jolasteko...; baina, batik bat, herriko historia ezagutzeko eta belaunaldien arteko transmisio-tresna izateko. Eibarko 3 eta 7 urte bitarteko haurrei zuzenduta dago eta salgai egongo da 4 euroan.