Teknologia albisteak

CodeSyntax

Erabiltzailearen aurpegia

Internet services. CMS's, mastery of Twitter streaming handling. Python programming: Plone, Django.

Erabiltzailearen artikuluak

Datorren astean, aukeran, Egunean Behin bi aldiz lehiaketa tematikoarekin

2024-06-28 : 10:33

CodeSyntax-en garatu dugun joko/aplikazioan, Egunean Behin-en, aukera agian kontraesankor bat estreinatuko dugu datorren astean: egunean bi aldiz jokatzeko aukera. Lasai, zaletuok: jokoaren mekanika eta lehia berdin izango da, 10 galderako txanda bat asteroko lehiarako, eta hortik denboraldirako, edo taldeetako norgehiagoka markatzeko. Baina babesletza egiteko modu berri bat ireki dugu: erakunde jakin batek bere partidatxo sorta tematiko propioa jarri nahi badu martxan, bere talde propioan galdera bereziekin, horra aukera. Kasu honetan, Gidabaimenak Euskaraz ekimenak izango du aukera hau datorren astean, eta kasu honetan, partida gehigarri tematikoa nahi duten guztientzat egongo da irekita.

Mendiak App: mendizale talde desberdinekin elkarlanean

2024-06-14 : 10:50

Aldaketa eta garapen berriak argitaratu ditugu Mendiak APPean. Funtzionalitate berriak, eta gainera Gipuzkoako Postontzien katalogon (iaz integratu zen informazio multzo bat), banaketa tematiko bat ezarri. Aldi berean, ikusi dugu mendizale elkarte batzuk hasi direla aplikazioa erabiltzen beren bazkideentzat erronkak planteatzen.

Adagio AA sistemarekin Egunean Behin-erako galde-erantzunak sortu ditugu automatikoki

2024-06-13 : 11:39

Gipuzkoako Foru Aldundiaren Kultura sailaren babesarekin, "Ekaingo Leizetik Adimen Artifizialera" dugu leloa Egunean Behinen denboraldi honetan, eta horri lotutako berritasun bat aurkeztu genuen hasieran, Latxa, adimen artifizialeko ekimen euskalduna, jokalari bat bezala ari baita parte hartzen. Orain, beste nobedade bat aurkezten dugu: adimen artifizialez sortutako galdera sorta gehitu dugu, Adagio AA sistemaren bidez egindako lana.

Egunean Behin: astelehenean hasiko da 15. denboraldia

2024-05-03 : 12:35

Datorren astelehenean, maiatzaren 6an, hasiko da Egunean Behin jokoaren denboraldi berria, jokoaren 15.a. Uztailaren 14a arte luzatuko da, eta Gipuzkoako Foru Aldundiaren Kultura Sailak babestuko du: Gipuzkoako kultura eta kirol alorretako ekimen desberdinen berri izango dugu astero galderetan, adi! Horrez gain, Hitz Zentroarekin egindako kolaborazioaren ondorioz, jokalari berezi baten partaidetza izango dugu denboraldian egunero: Latxa euskarazko adimen artifizialak jokatu egingo du beste guztion artean!

2024ko hauteskunde bota, Tokikom plataformarako (eta nahi duenarentzat)

2024-04-19 : 18:44

Igandean, apirilak 21, egingo diren EAEko hauteskundeen emaitzen datuak era automatikoan deskargatzeko robota prestatu du CodeSyntax-ek. Tokikom plataforma erabiltzen duten hainbat tokiko hedabidek baliatuko dute igandean, baina garapena askatu egin dugu dokumentazioarekin Github-en.

Egunean Behin jokoaren 5. urteurreneko denboraldia osatu da, 14.a

2024-03-26 : 09:03

Ia 60.000 jokalari aktibok jokatu dute igandean amaitu zen Egunean Behin jokoaren 14. denboraldia (Primeran plataformak babestua), igandean amaitu zena, jokoaren 5. urteurrenaren denboraldia. Ohiko irabazle batzuk, aurreko denboraldietan ere nabarmendu direnak, agertu dira lehen postuetan: Irabazlea Mikelei izan da (Mikel Egiguren, Arrasateko ataundarra), Jortxi bigarren (Ioritz Berra donostiarra) eta Boehme hirugarren (Erik Gartzia Errenteriako kazetaria). 

Debabarreneko tokiko hedabideak: berrituta eta eskualde mailan elkarlotuta

2024-02-03 : 16:04

Tokikom web plataformara batutako hiru webgune berritu ireki dira azken egunetan, Drogetenitturri.eus, Ermuko eta Mallabiko informazioa ematen duena; Berriketan.eus Debako eta Itziarko albistegia; eta Barren Elgoibar eta Altzolako webgunea. Gainera, Debabarrena eskualderako edizio sistema bateratu beraren gainean egin dira webguneak, zeinean Plaentxia.eus webgunea ere badagoen jada, itxuraldaketarik igarri ez zaion arren.

Egunean Behin, astelehenean hasiko da 14. denboraldia, jokoaren 5, urteurrenekoa

2024-01-10 : 13:34

Datorren astelehenean, urtarrilaren 15ean, hasiko da Egunean Behin jokoaren denboraldi berria, jokoaren 14.a denboraldia, Aste Santura bitartekoa, eta jokatzen den bitartean jokoak bere 5. urtemuga beteko du (nolabait ospatuko dugu!). Aurrekoan 13. denboraldian bezala, babesle nagusiak EITB Komunikazio Taldea eta Primeran streaming plataforma euskalduna izango dira. 

Egunean Behinen 13. denboraldia: eskerrik asko 63.000 jokalariei

2023-12-13 : 10:38

Ia 63.000 jokalari aktibok jokatu dute igandean amaitu zen Egunean Behin jokoaren 13. denboraldia (Primeran plataformalk babestua), igandean amaitu zena, aurten lehenago egindako bi denboraldietako parte-hartzaile kopurua gaindituz. Estreineko irabazlea, oraingoan, Iboneko (Eva eta Josu bikotea, Urduñakoa). Ondoren, sailkapenetan ohiko diren batzuk, Mikelei (Mikel Egiguren Arrasatekoa) eta Boehme (Erik Gartzia berriz ere, ohiko irabazlea).

Xare jardunaldien ikasturte berriari ekiteko prest

2023-11-27 : 09:47

Azken bizpahiru urteetan CodeSyntax parte hartzen ari da Eragin enpresak antolatutako Xare eta Sarean Euskaraz topaketetan. Bigarren hezkuntzako zenbait hiritako gazte euskara eta teknologia berriak lotzen diren proiektuetara hurbiltzen dituzte Eraginekoek goiz osoa dirauten bilkuretan, eta gure partea izaten da "Jolas aretoa" deitzen dutena Egunean Behin-ekin, beste joko batzuekin eta azalpenekin betetzea, eta ikasle nerabeekin ondo pasatzea. Sarean Euskaraz izaten da jardunaldi hauek Nafarroan izaten duten izena (urrian egim zen aurtengoa), eta Xare EAEn. Azken hauen ikasturtea bihar hasiko da Laudioko bilkurarekin, datorren astean bi egun izango dira Gasteizen hainbat ikastetxerekin, eta abendu erdian beste bi egun Donostiako institutuekin.

Mendiak app berrituta, zazpi urtean 125.000 igoaldi markatu ondoren

2023-11-10 : 08:48

2016ko udazkenean sortu zuen CodeSyntax enpresak Mendiak webgunea eta aplikazioa, Euskal Herriko mendien datu-basea. Euskal Herriko 3.000 mendi ingururen informazio osatua ematen du eta, gainera, mendizaleei tresna erabilerraz bat eskaintzen die euren igoerak markatzeko eta lagunen artean partekatzeko. Aplikazioa euskaraz dago eta Androiderako zein iPhonerako dago garatuta, eta berritu egin dugu.

Egunean Behin, astelehenean hasiko da 13. denboraldia, Primeran plataformak babestua

2023-09-28 : 10:07

Datorren astelehenean, urriaren 2an, hasiko da Egunean Behin jokoaren denboraldi berria, jokoaren 13.a denboraldia, zorte onekoa izan dadila espero dugu Denboraldi honetako babeslea EITB Komunikazio Taldea izango da, eta sarean jarri berri duten Primeran streaming plataforma euskalduna. 2019an abiatu zenetik laugarren urtea da Egunean Behin jokoarena, aurten izandako bi denboraldietan 50.000 jokalari inguru izan dira asteo, eta partida kopurua 40 milioitara iritsi da, 400 milioi galdera, pentsa!

Plone CMS: Nazioarteko konferentziaren barruan, dibulgazio saio irekia Eibarren

2023-09-22 : 09:01

CodeSyntax enpresan webgune garapenerako erabiltzen dugun CMS edo edukiak kudeatzeko sistema nagusia Plone da (librea eta euskaratua). CMS hau nazioarteko komunitate batek sustengatzen du, eta komunitate horren urteko batzarra, PloneConf, aurten gure enpresak antolatzen du urria hasieran. Nazioarteko biltzar tekniko bat, edukia ingelesez... baina horren barruan, dibulgazio egun bat antolatu dugu, euskaraz eta gazteleraz, tresnaren gaitasun eleanitzak eta beste kontu batzuk azaltzeko. Jardunaldi irekia, doakoa, Eibarko Coliseo antzokian, urriaren 6an, ostiral goizez, izenburu honekin: Eleaniztasuna eta Malgutasuna CMSetan.

Mendiak app eta webgunean Gipuzkoako mendietako postontzien informazio osoa

2023-08-02 : 10:22

Mendiak aplikazioa eta Mendiak.eus berritu ditugu Gipuzkoako 310 mendi nagusietako tontorretako postontzi guztien informazio berrituarekin. Urdaburu Mendizale Elkartearekin egindako elkarlana izan da, Gipuzkoako Foru Aldundiaren Kiroletako Departamenfuaren eta Gipuzkoako Mendizale Federazioaren babesarekin.

Egunean Behinen 12. denboraldia: eskerrik asko 60.000 jokalariei eta zorionak Erik Gartzia (berriz ere!)

2023-07-18 : 10:25

Ia 60.000 jokalari aktibok jokatu izan dute Egunean Behin jokoaren 12. denboraldia (Elkar argitaldiak babestua), igandean amaitu zena, txapeldun baten arrakasta errepikatuarekin. Erik Gartzia Errenteriako kazetaria da Txapuisat, eta hirugarren aldia da lehena geratzen dena Egunean Behinen: aurretik ere denboraldi jarraituetan gailendu da (8.ean), eta baita zuzenekoetan, aretoan (11. denboraldiko martxoko finalean) zein telebistako Biba Egunean Behin zuzeneko batean.

Umap hil da, akabo Twitterreko euskarazko biltegia

2023-06-28 : 08:23

Umap Twitterreko euskarazko jardunaren biltegia 2010eko urrian hasi zen martxan, CodeSyntax-en eskutik. 2023an, hil egin da. Elon Musk-ek hil du, berak zer garen eta nor garen ez dakien arren. Umap-en hainbat zerbitzuren oinarri izan da, euskarazko txiolarien, hedabideen eta traolen rankingak eta bildumak egin ditu hainbat urtez; azterketa soziolinguistikoak egiteko balio izan du, Sustatun albiste komentatuak automatikoki gehitzeko balio izan du, TBX zerbitzuaren oinarri izan da euskarazko bideo partekatuenak identifikatzeko... Zerbitzu horiek guztiak ere hil dira.

Tokikom Plataforma,hauteskunde emaitzetarako prest

2023-05-27 : 10:57

Tokikom-eko hedabide euskaldunak prestatzen aritu dira udal eta foru hauteskunde hauetan datuak zehatz eman ahal izateko bihar. Codesyntax enpresatik elkarlanean garatzen egon gara tresna multzo bat, bihar beren webguneetan informazioa eguneratua jaso dadin  (eta telebistak dituzten hedabideen kasuan, haietarako datu eta irudiak bideratzeko moduak). Izatez, jada ikus daiteke webguneetan aurreko hauteskundeetako historikoak kargatuta daudela, adibidez, AiaraldeanGoienanEuskalerria Irratian, Anboton...

PloneConf 2023 Eibarren, deialdia eta webgunea irekita

2023-04-12 : 09:26

Iaz iragarri zen bezala (Namurren egin zen PloneConf bertan, gure lankide Mikel Larreategik iragarria) software librean oinarritutako Plone plataformaren 2023ko urteko biltzarra (PloneConf) Euskal Herrian izango da. Zehaztu da tokia eta data, Sustatu egiten duen CodeSyntax enpresak antolatzen duenez aurtengoa, enpresaren jaioterrian izango da, Eibarren, urriaren 2tik 8ra.

Egunean Behin jokoaren Donostiako finalean, ospakizuna eta lehia

2023-04-01 : 12:03

Guuktelekomunikazio enpresak babestutako Egunean Behin jokoaren 11. denboraldia atzo amaitu zen,  Euskadiko Parke Teknologikoetako Donostiako Campusean egindako finalean, zeina Parkeen elkarteak eta SPRIk babestu zuten. 120 lagune artean, aretoko zuzeneko partidak erabaki zituen irabazleak. Jokoaren lau urteko ibilbidea ospatzeko modua ere izan zen.

Egunean Behin zuzeneko finala berriz areto batean, martxoaren 31n

2023-03-21 : 17:32

Irudian erakusten duguna laster errepikatuko da: Kike Amonarriz showmanak aurkeztutako Egunean Behin aretoko in-situ finala izango da martxoaren 31n, 18.00etan, Donostiako Miramongo Parke Teknologikoan. Martxan den jokoaren 11. denboraldiko eguneroko partidak igande honetan amaituko dira, baina denboraldiko irabazleak final horretan erabakiko dira. Denboraldian sailkatzen diren lehen 100 jokalariek tokia izango dute, baina hutsuneak betetzeko izen-emate orokorra ireki dugu, itxaron-zerrenda bat osatzeko.

Aurrekoak ››