Teknofiloen albistegia

Eulalia Abaituaren 16+16 estereoskopiak

Erabiltzailearen aurpegia
2017-04-12 : 14:43

Eulalia Abaituari eskainitako erakusketa Estereoskopiak: 16 + 16, Euskararen Etxean, irailaren bukaera arte, ikusgai 

Eulalia Abaitua (Bilbo, 1853 - 1943) argazkilari aitzindari eta autodidaktaren argazki-erakusketaantolatu dute Euskal Museoak eta Azkue Fundazioak elkarlanean. Abaituak Ingalaterran deskubritu zuen argazkigintza eta gehien gustatzen zaion materiala beirazko xafla esteroskopikoak izan ziren, positiboak eta negatiboak, 4,5 x 10,7 zm formatuek eta gelatinobromuro-emulsiodunak. Bere familiaren gaineko irudiez gain, bere gai nagusia persona xume, apal eta ia beti anonimoak ziren, sinpletasun eta fintasun handiz erretratatu zituen. 

Eulalia Abaitua argazkilariaren irudiaren eta hitzaren arteko batuketari egiten diote erreferentzia tituluan ageri diren bi hamasei horiek. Izan ere, Abaituaren iraganeko horrenbeste argazki dira proiektuaren oinarria, formatu estereoskopikoan egindakoak denak.

Hiru dimentsioko kopia anaglifoak, betaurreko berezien bidez ikusi daitezkeenak. Bigarren aldea, berriz, ahozko edukiari dagokio; alegia, irudiei hitzak jar-tzeari. Entzungailuen bitartez, hamasei euskal emakume idazlek asmatutako istorioez gozatu ahal izango dute bisitariek, hiru hizkuntzatan: euskara, gaztelania eta ingelesa.

Kazetaritza kronikatik oso hurbil dauden kontakizunak, fantasiazko ipuinak, poesiak, gutunak, elkarrizketak, koplak... Ezberdina da oso Uxue Alberdik,Katixa Agirrek, Aurelia Arkotxak, Yolanda Arrietak, Leire Bilbaok, Itxaro Bordak, Tere Irastortzak, Karmele Jaiok, Mariasun Landak, Miren Agur Meabek, Laura Mintegik, Lourdes Oñederrak, Eider Rodriguezek, Danele Sarriugartek, Ana Urkizak eta Arantxa Urretabizkaiak berreraiki duten errealitatea, Eulaliaren begiradatik abiatuta.

Iragan bisuala eta ahozko orainaldia uztartuz magia piztea da erakusketararen helburua eta horrekin batera, Bizkaiko eta Gipuzkoako txoko ezberdinetako argazkien zein hamasei begirada literarioen bidez Eulalia hurbilagotik ezagutzea.

Erakusketa gaurtik irailaren bukaera arte ikusgai egongo da Euskararen Etxean

Erantzun

Twitter ikonoa  Facebook ikonoa  Sartu

Publizitatea

Azken erantzunak

Erabiltzailearen aurpegia
Eskerrik asko erantzunengatik. Ñabardura bat Oi... (Luistxo Fernandez)
Nola eragingo dio Bartzelon..., 2017-08-18
Erabiltzailearen aurpegia
Nabarmena izan da aparatu mediatiko nagusiek eg... (Oier Aranzabal)
Nola eragingo dio Bartzelon..., 2017-08-18
Erabiltzailearen aurpegia
Agian nire TL partzialegia izango da, baina ner... (Benat Agirre)
Nola eragingo dio Bartzelon..., 2017-08-18
Erabiltzailearen aurpegia
Puntuetako batekin (CUP "anti-polizial"-az dioz... (Iban Arantzabal)
Nola eragingo dio Bartzelon..., 2017-08-18
Estonian Loreak erosi/alokatu egin daiteke, fro... (kaixoestonia)
Justwatch, eduki jakin bat ..., 2017-07-24

»» Jardun osoa