Teknologia albisteak
29

Marko Txopitea: «Twitter, Facebook eta halakoak ez ditugu modu osasungarrian erabiltzen»

Erabiltzailearen aurpegia
paperekoa.berria.info
2013-05-21 : 19:31

Teknikaria izanda ere, edo teknikaria delako hain zuzen, errezeloz begiratzen die Txopitea informatikariak enpresa handien esku dauden sare sozialei. Sukarra zeren sintoma den azalduko du gaur. Marko Txopitea (Lekeitio, Bizkaia, 1975) Txopi da Interneten dituen egitasmo askoetan. www.ikusimakusi.net gune pertsonalean ematen du horien berri. Sare sozialen sukarra eta kontsumo gizartea hitzaldia emango du gaur, 19:00etan, Donostiako Gros auzoko Kortxoenea gaztetxean.

Guztia irakurri (paperekoa.berria.info) »»

Txioak (21) | 8 Erantzun

Erantzunak

#1
2013-05-21 : 20:11

Han @Txopi... azkenean jarri diot aurpegia

#2
2013-05-21 : 22:40

Ez dut ulertzen zergatik den gaixotasun sintoma emozioak biluztea sarean, baldin eta badakizun zertan zabiltzan.Gaixotasuna niretako da emozioak ez biluztea sekula, ez aurrez aurre, ez sarean, ez beste inon. Aurrez aurre ausartzen ez denari sarea eskaintzen bazaio, osasuna sareari!

#3
2013-05-22 : 01:44

Bat nator zurekin, Elena! Emozioak biluzteari zaion beldurra ikaragarria da! Baina bakoitzaren kontua da hori. Niri oso errespetagarria iruditzen zait! Zuk diozun moduan sekula ez biluztea da kaltegarria. Dena irentsi eta horrela gabiltza!
Gainera kontu bat da emozioak biluztea eta beste bat bizitza zabaltzea. Nahastu egiten da sarri, baina ez da kontu bera!
Era berean dio harremanak okerrerako ari direla aldatzen. Nik kontrakoa uste dut. Harreman berriak sortzen dituzte sare sozialek, maila askotakoak, eta kalean bezala, onak, txarrak eta erdipurdikoak izan litezke.
Beti mamuak izan behar ote ditugu internetez dihardugunean ere, marka da gero!

#4
2013-05-22 : 11:17

Iruditzen zait Txopiteak Justin Bieberren lagun direla pentsatzen duten nerabeen irudia baino ez duela gogoan. Ahaztu egiten zaio sare sozialak zelako topagune ideologiko indartsu eta garrantzitsua diren konplize sareak osatzeko (neure kasuan feministak, euskaldunak, LGTBQ jendea...) eta sare horiek zelako sostengu psikologiko handia ematen duten. Eta esango nuke askotan harreman horiek, Txopitearen terminoak erabiliz, askoz "osasungarriagoak" direla hurbiltasun geografiko hutsak edo ohiturak (koadrillak, adibidez) behartutakoak baino: twitterrekin zeuk egiten duzu ezagutu nahi dituzun edo harremanak areago landu nahi dituzun pertsonen iragazkia; koadrillakoak edo familiakoak beharbada sarriago ikusiko ditugu aurrez aurre, baina nork dio haiekiko elkarrizketak kalitate hobekoak direla edo enpatia handiagokoak, edo emankorragoak?
Eta zergatik da txarra aurrez aurre esango ez zenituzkeenak esatea? Horixe izan da mendeetan jende askoren arrazoia liburuak idazteko, adibidez: aurrez aurre esango ez lituzketenak esatea.

#5
2013-05-22 : 12:45

Txopitearen ikuspegiaren "akatsa" honetan datza, nire ustez: nahasten du informazio pertsonalaren erabilera diruzalearen gaia (enpresen aldetik), gizakioi komunikatzeak ematen digun plazerrarekin.

#6
2013-05-22 : 13:05

Bigarren galderan planteatzen diot arazoa.

#7
2013-05-22 : 14:48

@idurreski -k honakoak bota ditu twitterren:

"Kasualitatea ote da sare sozialen emotibitatearen alde egiten duten hirurak emakume izatea? @txargain @ElenaLaka @AnaisNi "

"Eta osasuna termino horietan erabiltzeak kanpai/txintxarri jotzearen aurkako iraganeko mezuaen traza".

#8
2013-05-23 : 03:54

Pozten naiz gaiaren inguruan eztabaida piztu izana.

Gure gaur egungo gizartean hain nagusia den teknozaletasuna, partziala iruditzen zait. Teknologia eta era guztietako tramankulu eta asmakizunen aldeko mezuak, zenbaezinak dira. Mezu horiek ia sistematikoki alde itsusiak, albo-ondorioak eta abarrak ez dituzte aztertzen. Gehienez, aipamen bat bukaeran galdera zabal baten bidez edo (eta askotan hori ere ez).

Nire ustez, sare sozialen inguruko lan kritikoak bereziki urriak dira (beraien berritasunagatik izan daiteke). Horregatik, alde txarren bildumak eta analisiak zilegiak eta, are gehiago, beharrezkoak direlakoan nago.

Erantzun

Sartu

Publizitatea

Azken artikuluak

csbot hautesk
2024ko hauteskunde bota, Tokikom plataformarako (eta nahi duenarentzat)
aek online irakAs
AEKn irakasle izateko ikastaroa online
gabarra ath
Gabarraren ekitaldiaren kritika nagusia, euskararen erabilera
ALGARaka kart
Algaraka dator, umorezko bakarrizketen lehiaketa
berrikoiak u
Musika "traizionala" sortzeko tresna gehiago (Iruzkin 1)

»» Jardun osoa

Sustaturen inguruan

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago