Erdaldunak eremu euskaldunean "presiopean" direla dio Euskarabideko Gomezek
Euskarabideko burua azkeneko inkesta soziolinguistikoaz mintzatu da Nafarroako Parlamentuan. Gero eta nafar gehiagok ontzat ematen dute euskararen erabilera sustatzeko neurriak hartzea. Horixe berretsi du Eusko Jaurlaritzak egindako azken inkesta soziolinguistikoak, eta horixe erran du Euskarabideko zuzendari Maximino Gomezek Nafarroako Parlamentuan, Hezkuntza Batzordeko kideen aurrean. «Azken hamar urteotan, aldeko jarrerak hamasei puntu egin du gora; eta kontrakoak, berriz, hamazazpi behera». Hala eta guztiz ere, eremu euskalduneko datuak nabarmendu ditu Gomezek, jarrerari buruz, eta azken hamar urteetan eremu horretan euskararen sustapenaren aurka direnen kopurua handitu dela erran du parlamentarien aurrean. «%3,2 zen 2001ean; eta %9,4, berriz, 2011n». Igoera horren atzean dauden arrazoiei buruzko iritzia ere eman du Gomezek Nafarroako Parlamentuan: «Euskararen erabileraren presiopean daude herritarrak eremu horretan. Egoera horrek hizkuntzaren kontrako jarrera sortzen du, eta hori gertatzea arrazoizkoa eta logikoa dela uste dut».
Guztia irakurri (paperekoa.berria.info) »»
Txioak (18) | Erantzun 1
-
Rober Gutiérrez @robergutierrez | 2012-10-25 12:28
Erdaldunak eremu euskaldunean «presiopean» direla dio Euskarabideko buruak http://t.co/B2n3iEG4
-
-
Iker Tubia @ikertb | 2012-10-25 12:57
Maximino Gomez lotsagabe hutsa da. Vascuencearen legearekin hizkuntza eskubideak ukatzea aski ez, eta iraintzen gaitu http://t.co/1Gp55rHN
Ander Albisu @AnderAlbisu | 2012-10-25 13:13
@ikertb Maximino Gomez, edo nola otsoa ardiak zaintzen jarri @euskarabidea @E_H_E
-
Sustatu Albisteak @Sustatu | 2012-10-25 15:03
Erdaldunak eremu euskaldunean "presiopean" direla dio Euskarabi... via @robergutierrez | http://t.co/v3MzNYIJ | http://t.co/WDBhymnh
-
Aitor Madrid @munduariso | 2012-10-25 15:11
RT @robergutierrez Erdaldunak eremu euskaldunean «presiopean» direla dio Euskarabideko buruak http://t.co/42fjqbov
Txisteak dio berrogei urte bete ezkero goizean esnatu eta inon minik sentitzen ez baduzu, hilda zaudela seinale. Euskararengatik beste hainbeste esan liteke: erdaldun batzuk presiopean sentitzea lortzen ez badu, hilda dagoela seinale. Ez dut Gomez jauna ezagutzen eta ez dakit egiten zaizkion kritikak merezi ote dituen berak egindako edo esandako beste gauzengatik, baina artikulu osoa irakurri ezkero ikusten da normala deritzola euskararen presentziak gora egin hala euskararen aurkako jarrerak ere zerbait gora egitea. Non dago akatsa? Non kakotx artean jarri beharra? Hobe al da, EAJk egin ohi duen moduan, erdaldunen euskararen aldeko jarrerak gora egiten duenean poztea, hortik ondorioztatzen duelako euskarak inori ez diola molestatzen? Mesedez, artikuluak osorik irakurri, datuak gogoetagai hartu eta mezularia harrikatzeari utzi behingoz!