Arnaldo Otegiren liburuaren webgunea

Argiak espainolak dira nunbait!

NAIZekin ere hasiak ginen ikusten.

Espainola ahaztu ez dakigun!

Bejondeigula!

Bittor

Ezker Abertzaleak euskara beste bizitza baterako utzita dauka ala?

Nola hartuko ote luke @igalfarsoro (Hipotesi komunistaren jarraitzaile amorratu) horrek, @ArnaldoOtegi-k bere diskurtsoren batean ekologia, feminismoa edota sozialismoa orokorrean gerorako utzi eta independentzia besterik gabe hobetsiko balu?

Gustora jakingo nuke bai, galizian dioten moduan, izan al litekeen ditxosozko gure herri honetan feminista, ekologista, sozialista edota abertzalea euskara bigarren maila batean utziz.

Ulertezina dudarik gabe, niretzat behintzat, abertzaletasuna errepresentatzen eta bere printzipioetan euskararen "normalizazioa" txertaturik duen (eta oker banago esan mesedez) partidu bateko "lider" batek bere azken liburuko bertsio originala españolez aurkeztea. Gutxien-gutxienean euskarazkoa ere egun berean atera izan balu... ezta hori ere! Badakigu bai gaztelania, guztiek ulertzen duten hizkuntza ahalguztidun horretan argitaratzea oso garrantzitsua dela, baina, aupa hire nazio /herri ikuspegia eta gora nafar-vascongadak, jode!

Gainera batzuentzat, 200 bat eskaera izan dituela eta euskarazko liburu irakurriena izango dela esatea balekoa da (#daflipat benetan). Ez al dira konturatzen egin duen keinua benetan itsusia dela euskalzale guztiontzat? Hori al da abertzale "lider" baten jarrera? Non dago "lehen hitza euskaraz" dioen lema, "euskaraz bizi nahi dut" eta gainerako erreibindikazio guztia? Komunzulotik behera, gure "mandela"-ren eskutik!

Eguneroko ekinean euskararen "taliban" garenontzat egundoko adarjotzea!! Eta @igalfarsoro, txantaia emozionala ez, gezurretan aritzea deitzen zaio aurrean duzun fenomenoari.

@urtzai de taliban a taliban cañonazo! adarrak jotzera joan beste nonbaitera eta mesedez, berriro ere, ez nahastu gauzak, ez sartu hipotesi komunista eztabaida honetan, errespeto apurtxo bat askapen mugimenduaren historiari eta lidergoari eta, batez ere, ez sinplifikatu nire ikuspuntua hizkutza arazoarekiko -
http://basque.criticalstew.org/?p=5253 : Euskaltzale apolitiko histerizatuei kritika
http://criticalstew.org/?p=110 : Language wars: Basque Indians vs Span(gl)ish cowboys

Joan den astean Iñaki Soto, Garako zuzendaria, elkarrizketatu zuten zuzeun. Ez sinisteko arribitxiak bota zituen. Euskaraz bizitzeko aukera egin dutenak errealitatetik kanpo bizi direla eta lastrea direla, bera ez dela Bantustan eta Kibutzen aldekoa, Gararen zeregina dela vascoak euskararen mundura gaztelaniaz erakartzea (!), eurak herro osoa euskalduntzeko daudela (sic), berriakoekin oso ondo konpontzen direla (?) eta beste hamaika bitxikeria. Horiek guztiak Garako zuzendariak!
Gaur Arnaldoren azken liburua.
Orijinala españolez eta itzulpena etorriko omen da aurreraxeago.
To ostikoa, talibantxook. Lehentasunak lehentasunak dira. Edo nork hitz egiten die herri honetan euskaraz 10 urtetik gorako haurrei, euskaltzale apolitiko histerizaruez aparte?
...
Hau da euskaldunoi (histerizatu zein ez) Ezker Abertzaleak eskaintzen digun alternatiba?

Sentitzen dut @igalfarsoro baina utzi didazun lehen lotura asimilatzeko gai ez naizela izan uste dut... Hori bai, bertan aurkitu ditudan iruzkinak interesgarriak iruditu zaizkit. Azken hoiek ulerterrazagoak behintzat. Bigarrengoa astia dudanean, goitik bada ere, irakurriko dut.

ez sinplifikatu nire ikuspuntua hizkutza arazoarekiko

Eta ez, zure ikuspuntu zabal horretan, dugun hizkuntza arazoarekiko duzun ikuspegia nola txertatu asmatu nahian nebilen, besterik ez.

Bestalde, ez naiz apolitikoa kontsideratzen. Guztia edo guztiaren oinarria politika delako ustea baitut (agian nere irismen intelektual murritza dela eta oker nabil). Bestela zertarako kritikatu politiko bat hizkuntza arazoa dela eta? Eta bukatzeko,

errespeto apurtxo bat askapen mugimenduaren historiari

Berriz ere Bittor Hidalgo lehen lerroan. Utzidazue tartetxo bat omendali ttiki bat egiteko:

Hidalgomania

(“Beti geldituko zaigu Bittor Hidalgo”. Humphery Bogart, Casablanca filmean)

San Bittor. Euskaltzale erresistenteen zaindaria. Hidalgo. Aitoren Semea. Zaldun ibiltaria. Basamortuko predikatzaile bakartia. Haize-erroten porrokatzailea. Euskal Kixotea. Euskaldun epelen zartailua. Ertzainen buruko mina. Oguhemenbideangalguon kontsolagarria. Abertxaleen juanetea. Etsituon bihotz-altxagarria…

Euskaltzaindiak omenaldi bat egin beharko lizuke, edo Etxepare Institutuak “Bittor Hidalgo” katedra zabaldu nonbait, edo HPSk zure izenaz euskararen aldeko kemenaren saria sortu.

Ni zorretan nago zurekin, askotan gogaide izanik nik falta dudan adorea erakusten duzulako. Bihoakizu, beraz, nire errekonozimendua eta esker ona.

Eskerrik asko Bittor, eta eutsi goiari!

Martin jauna,

Zein erraza den izen abizenak eman dituen jendea izkututik kritikatzea!! Zu bai ausarta! Zu bezalakoek bai, kritika eraikitzaile eta ekarpen mardulak... Kontzientzia garbi ez nonbait eta aitzakia merkeen faltan, iraina bide-lagun.

Norbaitekin sartzekotan aurpegia eman, eta bestela, goenkaleko Xaturrek zioen bezala: "mingaina txulora!".

-----------
Euskalzale Apolitiko Histerizatua

Uste dut Martinek ez zuela Bittor inondik ere iraindu nahi, alderantziz baizik.
Eta hemendik ere, aupa Bittor!

Halaxe da, Urtzi. Guztiz bestela ulertu duzu nire mezua (edo nik ez dut ondo adierazi esan nahi nuena). Benetan eskertu nahi izan diot Bittorri beti aurpegia emateko erakusten duen jarrera. Niretzat eredu bat da.

Uste dut ona dela gure artean noizean behin animoak eta hitz beroak elkarri ematea, bakarrik ez gaudela senti dezagun.

Barkatuta zaude despistearengatik (hurengoa finago ibiliko naiz umorearkin). Eta zuri ere zorionak, han-hemen idazten dituzunengatik.

Horrela bada, barkamena eskatu behar dizut. Ironiaz ari zinela iruditu bait zait... beste behin hanka sartzea...

Guztiz ados eta eskertzekoa animoak eman nahi izatea. Mila esker zuri eta barkatu berriz ere.

Gora eguneroko lanean zabiltzatenok!! Ez etsi!!