Azken txanpa Matxin itzultzailea eta Euskal Wikipedia hobetzeko
Udan hasi ginen itzulpen automatikoaren bidez Euskal Wikipedian hainbat artikulu gehitzeko esperimentu batekin, Ixa Taldeko OpenMT-2 proiektuko esperimentua da Matxin itzultzaile automatikoa hobetzeko. Wikiproiektu bat definitu da horretarako. Kontua da 10 egun bakarrik geratzen direla bukatzeko, interesik baduzu... erne ibili!
Apurka-apurka handitu egin da bildu dugun testu itzuliaren tamaina. 100 artikulu eta 30.000 hitzeko testu zuzendua bildu dugu orain arte.
Argazkiak.org | Wikiproiektua, itzultzaile automatikoaren laguntzaz © cc-by-sa: sustatu
Baina gure epeak bukatzen ari dira eta oraindik dezente falta zaigu (100.000 hitzeraino heldu nahi dugu). Sumatzen dugu boluntario asko beren lanari bukaera ematekotan daudela gure azken deiaren zain. Horregatik gogoratu nahi dugu urtarrilaren erdian bukatuko dela gure epea. Azken ahalegina eskatzen dizuegu, mesedez.
Argazkiak.org | IXA taldekoak, Matxin wikiproiektuan © cc-by-sa: sustatu
Orain arte animatu ez bazara ere zure kabuz programa instalatu eta artikuluren bat automatikoki itzuli eta eskuz zuzendu egin dezakezu (begiratu hemen nola egin), edo eskatu laguntza guri ;-)
Urtarrilaren 15a arte.
Aupa, eta eskerrik asko.
Erantzunak
>Ezin OmegaT erabili.
>IXAkoek prestaturiko instrukzioen 7 orrietatik 1. orrian, 2.2 puntura iritsi naiz.
>Ireki terminala eta "Joan OmegaT katalogora".
>Terminalari ez dago hori horrela esaterik.
> Nik esaten diot "Joan OmegaT katalogora" eta ez du egiten kaso.
Ez da oso zaila, lortuko dugu Luistxo.
1) Instrukzioen 7 orrietatik 1. orrian, 2.1 puntukoa egin duzu? orduan 2.2 puntukoa ez duzu egin behar. 2.1 puntukoa modu grafikoan egin daiteke errazago.
2) Terminalean egin behar baduzu (2.2 puntukoa)... zein da OmegaT katalogoa? bilatu direktorioak ikusteko leihoekin. Goian azalduko zaizu direktorioaren erreferentzia osoa. Honelako gauza bat izango da:
/home/luistxo/OmegaT
/home/luistxo/Deskargak/OmegaT
/home/karpetanagusia/OmegaT
hori dakizunean terminal batean egin "cd /home/luistxo/Deskargak/OmegaT" hori baldin bada direktorioa.
> Uste nuen sistema eragile erraz, garbi eta txukun batera iritsi nintzela.
> Baina zalantza handiak ditut orain.
Unity sartu dute eta hasierako urrtasak ez dira oso intuitiboak. Tekla konbinazio hauek oso lagungagrri izan ziren niretzat:
- SUPER (banderatxoa daukana): sakatzen baduzu aplikazioak irekitzeko edo aukeratzeko ezkerreko barra azaltzen da.
- ALT-Tab (biak batera sakatuta) zabalik dauden aplikazioen artean salto egiteko balio dute.
Ezin OmegaT erabili. Ez Gari Araolazak hemen gomendatu zidan bezala (SRT fitxategiak, azpitituluak euskaratzeko), ezta orain Wikipediarako gauza hau egin guran.
Ez dakit nola egin. IXAkoek prestaturiko instrukzioen 7 orrietatik 1. orrian, 2.2 puntura iritsi naiz. Ireki terminala eta "Joan OmegaT katalogora". Terminalari ez dago hori horrela esaterik. Nik esaten diot "Joan OmegaT katalogora" eta ez du egiten kaso.
Garik lantokiko Ubuntuan jarri zuen OmegaT eta han ezagutzen zituen SRT fitxategian. Baina etxean saiatu naizenean ez. Gainera, etxeko Ubuntu zaharkitua daukat, baina ez dakit berritzen, eta jakingo banu ere ez dakit egingo nukeen ze Ubuntu interfaze berriak horribleak dira.
Eta hala ere, Ubuntu, ederto zebilena duela urtebete inguru adibidez, behin eta berriro bere burua berritu nahian, bertsioak eta bertsioak datoz. MS Word-en bertsio beti eguneratu eta inkonpatibleen ildotik balihoazte bezala, baina okerrago oraindik, askoz azkarrago egiten dituztelako. Eta ia guztiek esango dizuten bezala, 2012an dagoen bertsio nagusia 2010ean genuena baino askoz erabilkaitzagoa.
Uste nuen sistema eragile erraz, garbi eta txukun batera iritsi nintzela. Baina zalantza handiak ditut orain.