AP8 eta AP1 autopistetako igoera omen dator Gipuzkoan
Azken egunotan prentsan dabilen zurrumurrua: Gipuzkoako Autopistetako peajea garestitu egingo omen da, Bidegik zor handia duelako. Beste bide batzuk, berriz, doan izaten jarraituko dute. Beti berdinek ordaindu beharko dituzte zorrak? Eneko Astigarragak lerro batzuk idatzi ditu Eibartarrak zerrendan eta guk hona ekarri ditugu CC-by-sa lizentzia erabilita.
Diario Vascon eta Noticias de Gipuzkoan ikusi dut albistea, ez dakit egia den. Dirudienez Bidegiren zorra handia da eta Diputazioan AP8 eta AP1 autopista zatien peaje igotzea pentsatu omen dute. Zati laburretan gehiago igo eta garestituko da.
Hau da, Eibar-Irun eta Eibar-Eskoriatza zatiena igoko da. Aldiz, A-15, N1 edo Donostia inguruko autopista/autobian ibiltzea doakoa izango da, orain arte bezala.
Hau da:
- Usurbilen bizi bazara eta Errenterian lan egiten baduzu, Usurbil-Errenteria autopista doan izango duzu (20 km).
- Tolosan bizi eta Donostian lan egiten baduzu (20 km) autobia doan izango duzu.
- Baina Eibarren bizi bazara eta Itziarko poligonoan lan egiten baduzu (20 km), peaje igoera izango duzu. Elgoibarren bizi eta Zumaian lan egin (20 km) peaje igoera izango duzu. Arrasaten bizi eta Soraluzen lan egin (20 km) peaje igoera izango duzu.
Berriro betiko kontuekin beraz :-(
Ezin dugu ordaindu denok X urtean edo dirua balego denok doan? Ezin da zorra ordaintzeko epea negoziatu eta luzatu? Ordainketa 2032 urtera izan beharrean 2050 urtera izatea adibidez? Berriro gehiago ordaindu behar dugu 30 urte daramagunak peajeak ordaintzen? Donostiako Foru Aldundian ez dago beste ideiarik errepideen finantziaziorako?
Hilabete hasieretan ez da aterako errentagarria Gipuzkoako autopistetan zig-zag egitea.?
Erantzunak
Ez dakit, Eneko Astigarraga, zer prentsa irakurtzen duzun.
Nik leitutakotik, bederen, bestelako ondorioak atera ditut: Gipuzkoako Diputazioan, Bildu ahalegingo da tarte luzeak ewz garestitzeko, tarte motzetan igoera aplikatuz.
Bederatziehun eurokiloko zuloa ere agertu omen da. Orain, auditoria egin eta, emaitzen arabera aplikatu beharko dira neurriak, ezta?
Usurbilen bizi edo Matxinbentan bizi, herritarrarentzat hoberena saririk ez ordaintzea da eta erakundeentzat, aldiz, tasa kobratzea. Baina hortik ez dirudi ondoriozta daitekeela agrabio konparatiborik.
Susmoa baizik ez da nirea ere: Bilduk zerbait egin edo ez eginik, media-talde batzuek eraso behar diote, herritarren kontra doala "frogatzeko".
Eskerrik asko Karlott, gaiaren inguruan informazio bila aritu naiz Interneten (Gipuzkoa.net, Bidegi.net, Berria.info, Gara.net, ...) baina ez dut askorik aurkitu, estekak ematerik bai?
Baina funtsezkoa aspaldiko kontua da: Bidegik edo errepideen eraikitzeak sortzen duen zorra beti berdinok (AP8 eta orain AP1 ingurukoek, erabiltzaile-dependienteak beraz) ordaindu behar dute besteek baino gehiago?
Bestalde, "tarte luzeak ez garestitzeko, tarte motzetan igoera aplikatu" diozu. Zalantza asko ditut horren inguruan: horela izan behar du? Inguruko herrietatuk Mendaroko edo Arrasateko Ospitaletara joateko autopista erabiltzea ggb normala da, adibidez.
Edo, tarte motz guztiak berdinak dira? edo antzerako luzeera izan arren, berdin dira 3 karriletako Orio-Donostia eta errebueltaz betetako Eibar-Itziar 2 karriletako tartea? berdin ordaindu behar bietan?
Nire mezu originalean (eibartarrak zerrendara bidali nuena) esaten nuen bezala, biziki eskertuko nuke informazio gehigarria, eta hasieratik jarri dut zalantzan DV eta NGko albistea, baina momentuz ez dago askoz gehiago.
Eibartarrak zerrendara bota nuen duela pare bat egun handik jaso duzuen mezu hau. Gerora "argitu" edo ñabardurak egin dira gaiaren inguruan.
Baina ez dago oso argi edo garbi asuntua. Posta-zerrenda berean aipatu den bezala Foru Aldundiko webguneetan ez dago informaziorik. Rebeka Uberari irakurri nion: "Ados gaude, baina letra txikia irakurri behar dugu" edo horrelako zeozer gutxi gora behera. Ea ba zein edo nolakoa den letra txiki hori.