Hondartza ala harrobia?
Astondoko hondartza (Gorliz) harriz josita dago eta administrazioek ez dute jaramonik egiten.
Astondo izeneko hondartza Gorlizko badian dago eta inguruan egin ziren lanen ostean ez da behar bezala garbitu. Hona hemen irudi bat horren lekuko, ospitalea dagoen lekutik mendiraino zabaltzen da "harrobia" hondartza osoa alderik alde hartuz.
Horrenbeste administrazio duen herri honek ez du jakingo errua norena den (udala, diputazioa, jaurlaritza, gobernua ala europa) baina argi dago egoera lotsagarri hau gehiegi luzatzen ari dela.
Erantzunak
Ni herrikoa naiz, eta horrek pasadan urtetik darama horrela. Obretan galdutakoa betetzeko, hainbat lekutatik ekarritako harea erabili omen zuten, eta itsasoak ertza garbitu ahala, goiko geruzak joan eta hondakinez beteta geratu zitzaigun Astondo.
Behin-behinekoa zela eta garbitu zutela esan ziguten, baina uda iritsi eta horra hor panorama. Pasadan neguan ezer gutxi egin zuten itsas-ertzarekin, eta orain uda berriz iritsita, are gutxiago. Ez dakit noren eskumena izango den, baina izan dute garbitzeko denbora. Gozatzeko pasealeku ederra utzi digute; baina, itsas-ertzean ibiltzea, aldiz, oinetarako tormentua da. Gainera,adreiluz, harriz eta abarrez gain, kristalak ere badaude.
Bide batez, txutxu-mutxua: independenteen taldeak sutsu egin zuen proiektuaren kontra, alferrikako diru-gastua zela esanez, eta, gero, hauteskunde-kanpainarako liburuxkan pasealeku berriaren argazkia azalean.
Argazkietarako oso polita, eta zaintzeko??
Itsasgorekin estaliko dira berez harriok. Hile bat barru inguru, itsasaldi biziak izango dira, eta orduan itsasoa hasiko da estaltzen harriok, por zierto harritxuak dira, horiek.
Besterik da garbiketarena,
Garbi eukitzekoaren eskumena, udalaren eskumena da, herriko kale bat dalako, beraz agintean egon izan dan talde independieteen prebisio falta itzela izan da.
Baina orokorrean, nahiko zikinak izaten gara, ohituta ez gaudelako txukun ixtera edo gune irekietan zaborrez betetzen ixten ditugulako dutelako/direlako.
Iazko udan harri horiek bazeuden dagoeneko Astondon, han izan zen edonork esan dezake hori. Eta iaz ere izan ziren marea biziak, baina ez zuten harririk estali, harriek hor diraute aurten ere. Beraz, nik behintzat, zalantzan jartzen dut berez estaliko direnik, hori ezer egin gabe jarraitzeko aitzakia baino etzait iruditzen. Ikusiko dugu oraingo udal agintariek aurrekoek baino hobe egiten duten hala berdin jarraitzen duen hondartzak.
Por zierto, "harritxuak" dira horiek? zer izan behar dute ba, harkaitzak? ez nuke nahi ba horietakoren batek buruan jotzerik (eta hori nahiko burugogorra naizela...)! ;).
Donostiako Ondarretako hondartzan antzeko arazoak azaldu dira azken urteotan. Begiratu Donostiako Hitza-n azaldu den berri hau.
Begitu argazki hau ere.
Pasa den urtean hondar asko eraman zuten Ondarretara, Kontxan egin duten parking berria egiteko atera zutena.
Baina arazoa ez dute konpondu. Begiratu Donostiako Hitza-n azaldu den berri hau .
Itsasoa ez da erraza menderatzen!
Nik uste Gorlizeko arazoa ez dela itsasoak hondarra eramaten duela harriak bistaratuz, baizik eta hondartza hondakinez bete dutela, eta orain hondakin horiek itsasoak estaltzea nahi dutela.
Itsasoa menderatzea oso zaila da, baina gizakion arduragabekeria eta naturarekiko errespetu falta menderatzea ezinezko da.
Astondoko hondartzan (Gorliz) itsasoak harea metatu eta hondakinak ezkutatu ditu.
Abuztuaren 18an idatzitako sarreran salatu nuen administrazioek ez diotela behar bezalako jaramonik egin Astondo hondartzari. Izan ere, bertako lanak amaitu ondoren harriak geratu ziren hondartzan; zehatzago hitz eginez, harriak baino hondakinak geratu ziren hondartzan.
Kontua da abuztu bukaerako mareen indarrak hareak mugitu eta harriak estali dituela. Gauzak horrela arazo bat gutxiago esango du batek baino gehiagok, baina ene ustez zikinkeria alfonbrapean gordetzea bezala da. Hondakinok garbitzea ez da lan handia baldin eta aldez aurretik borondatea balego, ez orain, hondarrez estalita daudela, baina bai garbi daitezke berriro agerian izando direnean eta hori iragartzea erraza da itsasaldiak errepikatu egiten direlako urtez urte.
kontua da errua inoren lepoan botatzea, beste norbaiteri, baina, itsasgorak estaliko dau, bere indarrez.
Ze noiz hasi da kontu hau, Gorlizko oraingo udala ekainaren 11tik aurrera hasi da lanean, oraingo Udal gobernu taldea hasi barri dago lanetan. Aurretik Gorlizko talde independiente marabillosoa izan da udal agintean, obrak Gorlizko Talde independiente bera eta eurekin batera egondako barazki-barazka (PP-IU-EA).
agintean zirela hasi ziran , eta obrak egiteko eskumenduna Euskal Herriko Kostaldean izan arren, Estatuak Kostaldeen mugarteen sailak dauka, Demarcación de costas izeneko atalak, beraz ez dagokio Bizkaiko Foru Aldundiari, ( ezta Gipuzkoako Foru Aldundiari bere lur eremuan tokatuko balitzaio, ), Euskadiko aginteeak berreskuratzeko daukaten eskumen saila, hemendik hiru hilabetarara datozen Gorte nagusietarako haustekundeetan aldarrikatu beharrekoa.