Babesaren truke 39 afiliatu entxufatzeko eskatu zion EBk EAJri, Agirreren esanetan
Arabako Ahaldun Nagusia aukeratzeko bozketetan, Ezker Batuak bere hautagaiari eman dio botoa. Horretara, Xabier Agirre jeltzaleak ez du postuan jarraituko, eta Javier de Andres (PP) da gaurtik aurrera Arabako Ahaldun Nagusia, PSEren babesarekin. Ezker Batuaren aurkako hitz gogorrak izan ditu Agirrek, eta epailearengana joatea aztertuko dutela erantzun dute EBtik.
Eguneraketa, ostirala: Agirreren adierazpen gogorrenen bideoa hemen.
Aipu batzuk ekarri ditugu hona:
Lotsagabekeria politikoa da EBk "desberdintasun programatikoak" jartzea desadostasunerako aitzaki gisa.
Iñaki Gerenabarrena, EAJren Araba Buru Batzarraren presidentea:
EAJ ez da lana eskaintzeko agentzia bat.
Ramiro Gonzalez, EAJren bozeramailea Arabako Batzar Nagusietan:
EAJk ez zion inori lanposturik eskainiko, ezta inoren arazo ekonomikoak konponduko. Eta hor bukatu ziren negoziazioak.
Xabier Agirreren hitzak transkribatu ditu Lander Arbelaitzek Argian:
Ezker Batuak eskatu zigun Arriaga Antzokian edo Euskaldunan norbait sartzea. Baita 600.000 euroko kreditu bat ere lortzea, nahiz eta zuek ez garantiarik izan hori lortzeko. Egitan diozu programa ezberdintasuna dela Jose Navas Vital Kutxanko administrazio kontseiluan sartzea? Ezberdintasun programatikoa al da guk gobernatzen bagenuen Ezker Batuko hiru aholkulari sartu behar genituela? Ezberdintasun progrmatikoa al da 2012ko aurrekoentuetan 300.000 euro zuen esku egon behar zirela nahi zenituzten proiektuei dirulaguntzak emateko?
Mertxe Etxezarreta Ezker Batuako ordezkariak esan duenez epailearengana joateko aukera aztertuko dute. Bestalde, Bildu eta PSErekin batera ezkerreko gobernua egiteko proposamena egin du EBk. Bilduko Gorka Ortiz de Gineak berriz, EBri aurpegiratu dio "Europako eskuin ozpinduenari" Gobernura iristeko bidea ireki izana.
Informazio gehiago:
Javier de Andres (PP), Ahaldun Nagusi berria
Bozketa bi aldiz egin behar izan dute: lehen bozketan 25 boto izan ditu Javier de Andres hautagaiak, 24 Xabier Agirre jeltzaleak eta 2 Ezker Batua alderdiko Nerea Galvez hautagaiak. Ahaldun Nagusia lehen bozketan izendatzeko derrigorrezkoa da gehiengo osoa (erdia + 1), eta inork lortu ez duenez, bigarren bozketa egin dute.
Bigarren bozketa horretan lehen bozketako emaitzak errepikatu dira: 25 PPk, 24 EAJk, 2 EBk. Nerea Galvezek Ezker Batuaren botoak lortu ditu, EAJ eta Bildurenak Xabier Agirrek, eta PP eta PSErenak Javier de Andresek.
Erantzunak
Batzar Nagusietako irudietatik pasarte bat igo du batek Youtubera eta horixe itsatsi dugu goian.
Atzo arratsaldeko artikuluan genioen EBk neurri legalak iragarri zituela Agirreren kontra salaketa hauengatik. Iragarpen hori batzarkideena izan zela ematen du. Izatez, EBko koordinatzaileak, Mikel Arana legebiltzarkideak, EBtik kanpo kokatzen ditu bi batzarkideak eta sinesgarritasuna eman die Agirreren salaketei.
Ezker Batuaren baitan bi sektore daude elkarren kontra, iaztik luzatzen ari den krisian. Sektore bat da Mikel Aranaren ingurukoa, eta bestea Javier Madrazo aurreko buruzagiarena.
Mikel Aranak negoziazioa salatzen jarraitu du gaur, eta Javier Madrazo aipatu du espreski, negoziazio mahai horretan Serafin Llamas eta Javier Madrazo egon zirela adierazi du.
Agirrek aipatutako izenen artean Llamas da bat, baina beste bat Julia Madrazo, Javierren arreba. Nerea Galvez, EBko lehen ordezkaria Arabako Batzar Nagusietan, Madrazotarren lehengusina da.
Nerea Galvezek gaur tuiteatu dueanagatik, iradokitzen du berak ez dakiela Xabier Agirrek esan duena egia ala gezurra ote den.
Apur bat harrituta geratzen ari naiz ika-mika honi ematen ari zaion garrantziagatik eta egiten den irakurketagatik. Eta batez ere ezker abertzaletik egiten denagatik (Iñaki Iriondo gaur Garan)
PP edo EAJ artean neuk aukeratu behar izan banu nahiago nukeen EAJ-k Arabako Aldundia eskuratzea. Baina ez eskuratzeak ez dit arazo handirik sortzen. Zera; kontu kosmetikoak aparte (eta hemen sartzen dut EAJk euskararen alde egiten duen sustapen folklorikoa) ez dut desberdintasun handirik ikusten PPk eta EAJk egiten dituzten jarduera politikoetan.
Oroigarri gisa gogoratu beharra dago Araban Bilduk EAJri botoak emateko inolako eskaerarik gabe prest agertu zela, eta Gipuzkoan alderdi guztiei, EAJ barne, beren ordezkapena eman ziela. Bizkaian, berriz, EAJk Bildu baztertu zuen eta Foru Aldundiko mahaietan PSOE eta PPri ordezkapen instituzionala eman zien. Zergatik antzezten dugu Araban desberdin jokatuko zuela? Zergatik irudikatzen dugu EAJ Euskal Herriaren askatasunaren alde zerbait egingo duela Araban beste herrialdetan PSOE eta PPrekin batera aritzen den bitartean?
Gogora dezagun ere aurreko hauteskundetan eta mota guztietako instituzioetan, udaletxeetan, aldundietan edota Eusko Jaurlaritzan ere (Ibarretxearen Lehendakaritza lortzeko, esaterako), EAJk uko egin ziola Batasunarekin negoziatzeari eta jelkideek boterea lortzeko musu-truk eskatu ziotela botoa ezker abertzaleari, erabateko harropuzkeria eta mespretxua ozen adierazita. Zergatik hain errez onartzen dugu desberdin izan dela Izquierda Hundidarekiko negoziazioa? Zergatik ematen diogu sinesgarritasun gehiago EAJri IUri baino? Eta zergatik onartzen dugu hain errez Mikel Aranaren iritzia jakinda barruko borroka ankerrean beste taldean dagoela?
Antzeko polemika gertatu da Extremaduran hango IUk PSOEri botoa ez ematea erabakitzean eta PPri hango gobernua eskuratzeko ahalbidetu diolako. IUren argudio nahiko logikoa da; PSOEk eta PPk politika berberak gauzatzen dituzte. Eta logikoa ikusten dudana Extremaduran, logikoa iruditzen zait Euskal Herrian ere, are gehiago kontutan hartua hemen IUkoek beste alderdi espainolista nahiago izatea beste faktorea izan daitekela.
Kissingerrek bezala, neuk ere nahiago ditut etxeko sasi-kumeak kanpoak baino, baina jakinda EAJren gobernua ez zela PPrena izango den oso bestelakoa.
Beraz, lasai egin lo gau honetan.
Laino:
Badirudi lan postuena, hein batean behintzat, egia dela. Kredituarena ere bai. Kontxi Bilbaok onartu du:
http://www.elcorreo.com/vizcaya/20110708/mas-actualidad/politica/arana-dice-madrazo-quienes-201107081147.html
Agirrek Batzar Nagusien aurrean gezurra esan, tribunaletan bukatzeko arriskuarekin, eta zertarako, EB bezalako txorikaka bati kalte egiteko? Politikari profesionalen hitzean ez dut konfiantza handirik, baina niri Agirreren aserrea ez zait inondik ere antzeztua iruditu.
Arrazoi guztiarekin aserratu da gainera: alderdi batekin negoziatzeko esertzen zara, eta honek, hasteko, ez du ordezkaritza finkorik: aldi bakoitzean koadrila diferente bat egertzen zaizu gauzak eskatzen (hiru talde, eta espontaneo bat: Javier Madrazo, igual?). Zer da hori? Hori ez da alderdi politiko bat, hori putetxe bat da. Honezkero, ez dakit Ezker Batua izeneko koalizio bat esistitzen denik esan daitekeen.
PP eta EAJren diferentziei dagokienez: EAJ eskuinekoa da, kontserbadorea, eta haiek ukatu arren, kolokazio enpresatik zerbait badu. Hortik aparte, Euskal Herriaren eskubideei buruz gutxieneko minimoetan ados jarri izan da gainerako abertzaleekin, eta sektore abertzaleen botuen zati handi bat jaso dute (jendetsuena). Treintaiseisan bezala, eskuinekoak dira, baina demokratak.
PP faxista da. Klerikala, xenofoboa, antieuskalduna, zentralista. Ez da bakarrik autodeterminazio eskubidearen aurkakoa; bere garaian, autonomia estatutuaren kontra ere egon zen.
"Amonamantangorri"ren arabera PP faxista da eta EAJ demokrata. Hmmmmm,.....ez dut nik zalantzatan jarriko deskribapen akademiko hori. Baina eskertzekoa litzateke ekintza errealei buruz hitz egitea eta ez bakoitzak, batzuetan, bere buruari buruz esaten duenaz.
Hain zuzen ere, EAJ demokratek nahiago izan dute PP faxistei eta PSOE galosoei ordezkapena ematea Bizkaiko Foru Aldundiako mahaietan Bildu baztertu dutelarik. Eta hori Bilduk Araban EAJri botoa musu-truk emango ziela iragarri eta gero. Zergatik desberdin jokatuko zuketen Araban aukera izanez gero?
Horri gehitzen badiogu EAJk Aznarren inbestidurari baiezko botoa eman ziola, edota haien aurrekontuak babestu zituela.... edo gaur egun EAJk PSOE bultzatutako erretiro adina luzatzearen alde boto eman duela, edota euskal sindikalgintzarako kaltegarria den negoziazio kolektiboaren erreforma lagundu duela onartzen bere abstentziorekin, edo ZPren aurrekontuak lagundu dituztela, edo............ zenbat kk demokratikoa gehiago aipatu daiteke, eh? Eskerrak Amonamantangorriren arabera EAJ Euskal Herriaren eskubideei buruz gutxieneko minimoetan ados jarri izan da gainerako abertzaleekin bestela ez dakit zer izango zen hau.
Onar dezagun, ni behintzat horrela egiten dut, Kissinger-en printzipioa jarraitzen duela; sasi-kumeak dira, baina gure sasi-kumeak dira eta horregatik nahiago dugula EAJ PP baino Arabako Aldundian. Baina mesedez, ez asma ditzagun umeak lo egiteko ipuinak, politikaz hitz egitean behintzat.
Eta beste berri bat (2011-07-13).
Donostiako udalean EAJk, PPk eta PSOEk bat egin dute Batzordetako lehendakaritzak haien artean banatzeko eta Bilduri zegozkion biak kentzeko.
Antzeko zerbait egin dute Bizkaiko Aldundian. Zergatik uste behar dugu Araban EAJk desberdin jokatuko zuela aukera izatekotan?
Ze bitxia, eh, "Amonamantangorri"? Zure ustezko "demokrata-abertzaleek" itunak egiten PPko "Faxista espainazale" eta galosoekin Bildu baztertzeko, non eta Bilduk guztiei ateak ireki dizkion erakundean !!
Eta ez da azkena izango.
/cache/Udako-Ola-2024_1_small_content.jpeg)
Geroz eta argiago ikusten ari gara: hemen, boterean dabiltzan espainolak ez dira ezker edo eskuinekoak, gure kontrakoak baizik.
Ez dirudi PNV espainiar popularrak baino okerrago ibiliko litzatekeela Araban gizarte zerbitzuetan, kulturgintzan, herrigintzan, herri osasunean, euskara alorrean...
Horren garestia al zatekeen PPri ezezkoa ematea?
Bilduri, PSOErekin batera, gobernu aurrerakoiaren alde egin dezan eskatzea ere...
Joder, eurokomunista-ohi batzuk, nolakoak diran!