Teknologia albisteak

Bilduren emaitzen konparazio historikoa

Sustatu

2011-05-27 : 12:05

Bilduk sorpresa eman zuen igandeko hauteskundeetan: emaitza historikoak izan zituen koalizio abertzaleak, eta zenbait hedabidetan Batasunaren 1999ko emaitzak baino hobeak izan direla azpimarratzen dute. Lehen aldiz aurkeztu da Bildu, eta ezin hortaz aurreko urteekin konparatu, baina Ezker Abertzalearen eta EAren bozken batuketak ez du horrenbesterako diferentzia ematen. Taula bat ekarri dugu ikusteko: Ezker Abertzalearen eta EAren botoek, gutxi gora behera, Bilduren emaitza ematen dute.

Taula hori gaztelaniazko artikulu batean aurkitu dugu, Malaprensan. Euskaratu eta hona ekarri dugu; bertan ikus daitezke 1991tik hona EAEko hiru lurraldeetako Foru Hauteskundeetako emaitzak zenbatuta.

Bertan ikusten denez, 1991tik hona bozka abertzaleak izan dira erroldaren %34 eta %38 artean; eta abstentzioak gora-behera, bozken %53 eta %59 artean izan dira abertzaleak. Taula, datuekin, hemen:

	1991	1995	1999	2003	2007	2011
EAJ	293683	315621			320087	333307
EA	123334	120960			69945
EAJ +EA			401965	512645
Aralar				36091		37220
EB/Aralar					88112
Batasuna	172844	160552	228528		28227
Baliogabeak				120676	123687
Bildu						273148
Abertzaleak	589861	597133	630493	669412	630058	643675
Erroldatik %	34,8	34	35	37,1	35,6	37,4
Botoen %	58,9	53,7	53,9	53,5	58,6	58,9

Bertatik ateratako datuekin, kalkulatu dugu bozka abertzaleen ze zati zeukaten EAk eta Ezker Abertzaleak batera, eta hau irten zaigu:

1999an %50,21
1995ean %47,14
1999an eta 2003an EA koalizioan joan zen, EAJrekin batera, eta ezin hortaz kalkulatu.
2007an %39,69
2011an %42,44

Erantzunak

assar

2011-05-27 : 16:11

2011ko datuak osatzearren, EAEn euskal abertzaleek 643.675 boto atera badituzte, espainiar abertzaleek (PSOE+PP+UPyD) 345.106 boto atera dituzte gutxi gora-behera (orain bapatean ez ditut aurkitu Bizkaiko UPyDrenak eta 4.000 apuntatu dizkiet).

Ehunekoetan:
- erroldaren %20,05
- botoen %31,57

Bestalde, uste dut 1991ko EAren botoak eta ezker abertzalearenak batzea ez dela oso errealista. Gogoratzen dudanagatik, 1991n EA beste leku batean zegoen, EAJren esparru ideologikotik hurbilago. 1999an eta 2003an koalizioan ibili baziren, horrek zerbait esan nahi du.

Mikel aizpuru

2011-05-27 : 18:52

Bilduk oso emaitza onak lortu ditu, baina arriskutsua da hauteskunde bakarreko datuak erabiltzea ondorio sakonak ateratzeko. 1986an esaterako EAEn EAJk 240.293 boto zituen,HBk 206.095,EAk 193.197 eta EEk 101.806, botoen %67a, orain aldiz, botoen % 59a baino ez