Ezagutza eza vs. errespetu eza
Azken egunotan Portugaleteko herritar ugarik jaso dugu ondoren aurkezten dugun bideo hau gure posta elektronikoan. Hainbat dira Facebook eta antzeko sareen bidez irakurritako erreakzioak... baina, batez ere, eta ezeren gainetik, niri LOTSA sortarazten dit bideo honek. Edo bideoak baino, bertan entzuten den elkarrizketak.
Onartu dezaket, nahiz eta zerbitzu publiko batean egonda ezin dudan ulertu, euskararik ez jakitea, ulertu dezaket, momentu zehatz batean, telefonoz deitzzen duen horri, arren, erderaz hitz egiteko eskatzea, eta ulertu ditzaket (nahiz konpartitu ez), hainbat eta hainbat gauza, baina ezin dut ulertu telefonoa hartzen duten emakume horien jarrera. Batak ez du ulertzen eta galdetu beharrean, saiatu beharrean, euskaraz dakien nonor inguruan duen begiratu beharrean, zuzenean nahi duen telefonora pasatzen du, beste bati pasatzen dio "marroia", eta bigarrenak, hezkuntza arloan lan egiten duen horrek, Portugaleteko hezkuntza zentru gehienak euskaldunak direla kontutan hartuta gainera, ez du ezta sikieran saiakera bat egiten, eta hori erabiltzen duen tonuan sartu gabe...
Euskara ez ezagutzeak ez du derrigor euskararekiko jarrera desatsegin hori euki behar izatea suposatzen.
Gutatuko litzaidake jakitea Portugaleteko udalak inolako arreta deitzerik edo egin dien sikieran bi funtzionari hauei.
Hemen bideoa Vimeon.
Erantzunak
Bakarrik esango dizuet urtarrilaren 27an zela onartzekoa Portugaleteko Udala herrirako EBPN; Euskararen Aholku Batzordea osatua dago eta dagoeneko hiru bilera egin ditu. Bideoko datuak ez dakit noizkoak diren, baina emaiegun aukera bat norabidea alda dezaten. Nik ditudan azken datuen arabera, aurreikusten den egoerak ez du itxura txarrik.
Udalak nolabiateko aldaketa egin dezake planteamenduetan, alegia, euskararekiko herrian edo instituzioan dagoen jarrera hori aldatzeko urratsak emate hortan, baina ez dezagun ahaztu bi emakume hauek funtzionariak direla, eta hauek bezala beste hamaika, eta nahiz eta bapatean Euskara Biziberritzeko plana onartu, uste duzu zuk, Aitor, emakume hauek bere eguneroko jardunean ezberdin arituko direla?
Ikusiko dugu inoiz funtzionariak kontratatzeko prozesurik ekitekotan zenbateko garrantzia ematen dioten euskarari...
Hala ere, pozteko modukoa da behintzat urratsak ematen hasi izana...
"Portugalete" asko daude Euskal Herrian. Erdaldun inposatzaile asko eta asko oraindik ere instituzio publiko askotan, eta zer esanik ez arlo pribatuan.
Euskaldun asko eta askoren jarrera otsana dute lagun, baina. Hori ere esan behar da.
Halakoen aurrean salaketara jo beharra dago, bestela ez gara euren hankapetik sekula irtengo.
INSUMISIOA aspaldi asmatu zen.
Aitor, komentatzen duzu norabidea alda dezaten aukera eman behar diegula, baina udal honek sekula ez du erakutsi norabidea aldatzeko asmorik, bere hitzetan inoiz ez dugu inongo autokritikarik topatu. Hau da, alkateak EBPNren diseinuaren kontratazioa publikoki iragarri zuenean (euskaltzale agertu nahian baina erdara hutsean), "III Plan de euskaldunización" delakoan aurkitzen garela eta Portuko Udala euskara arloan legearen aurretik dagoela esan zigun; Aholku Batzordean, alkateak ere, Udaletxeko sail guztietan euskaraz egitea bermaturik dagoela esan zuen,...hau guztia, bideo hau entzun baino lehen, Portuko edozein euskaldunak badaki gezur handia dela eta arduradun politiko jakin batzuek Portun euskara arloan dugun atzerapenaren ardura dute.
Honetaz gain, eta garrantzitsuena, abian jarriko den Planaren emaitzak, alkateak azaltzen dituenak bezain ikusezinak izango al dira?
Nik esango nuke izenburuan "vs." baino "+" jarri beharko litzatekeela. Euskaltegira berehala!