ebizi: euskarazko webguneen rankina
Euskaraz interneten zer ikusten dugun hobeto ezagutzeko asmoz ebizi proiektua sortu da. Bertan, nabigatzaileek euskaraz gehien ikusten diren webguneak zeintzuk diren jakin dezakete.
Orain arte ez da gure hizkuntzan dauden webguneen rankinik egon. Cybereuskadi izan zen horrelako rankin bat egin zuen lehena baina hor gaztelera hutsezkoak ere agertzen dira eta ebizin ez.
Rankina egiteko ez da irizpide bakar bat erabili, hiru baizik: Alexa, Page-Rank eta nabigatzaileen bozketak. Alexan gaur egun interneteko webguneen rankin nagusiaren informazioa hartu dugu. Horri Googlek bilaketak ordenatzeko daukan beste irizpide bat gehitu zaio: Page-Rank.
Azkenik, Web 2.0 garai honetan, nola ez, jendearen parte hartzea ere bideratu da, eta bozketen bidez euren iritzia jaso da. Indarrean egon den epe honetan, guztira, 1.200 bozketa inguru jaso dira.
Hiru sistema hauek uztartuz, ebizik rankina osatu du. Berau ikusteko bi era daude: rankin nagusia ala arlokako rankina. Arlokakoan 12 mota bereizi dira eta bataz beste 35 webgune ikus daiteke bakoitzean: Kultura, Kirolak, Instituzioak, Enpresak, Hezkuntza, Aisia-Bidaiak, Hedabideak, Zerbitzuak, Euskara, Politika, Gizartea eta Teknologia.
Zerrenda hau eguneratu egiten da eta, bestetik, erabiltzaileek hemen ez dagoen beste webguneren bat ezagutuz gero horri buruzko informazioa bidal dezakete.
Zerrenda osatzeko hartu den irizpidea euskaraz egotea izan da. Beraz, badaude Euskal Herriko webguneak ez diren batzuk, kanpokoak edo nazioartekoak, baina horiek euskaraz ere badaude, Wikipedia eta Indymedia esaterako.
Bestetik, esan behar da beste rankinetan ez bezala Alexaren rankinerako domeinu bereko webgune guztiek balore berdina dutela, beraz, euskarazko wikipediarako azaltzen den balorea, Wikipediaren balore orokorra da eta gauza bera gertatzen da Indymediarekin edo domeinu beraren azpian ostatzen diren webgune ezberdinekin.
ebizi rankina Mikoleta Euskara Elkartearen eta Bitarlan enpresaren artean garatutako proiektua da.
Erantzunak
Aupa Gari,
Bai, guztiz ados nago zurekin, arrazoia duzu, zaila da irizpide on bat erabiltzea, gu erabiltzen saiatu garen irizpidea izan da euskaraz egotea eta ez euskal webgunea izatea. Beraz, euskal webguneak euskaraz ez daudenak ez dira hor egongo eta bai atzerriko edo nazioarteko webguneak euskaraz daudenak, Indymedia edo BOE bezala. Arazoa da Alexan esaterako ezin direla bereizi bisitak hizkuntzaren arabera, orduan gutxi gorabeherako bisita kopurua da orokorra eta zentzu horretan desorekatua da rangkina euskal webgune euskaldunentzat edo soilik euskaraz dauden webguneentzat.
Baina idei guztiak eta iritzi guztiak oso ondo etorriak dira, azkenean hau euskaldunentzako zerbitzua izan nahi du, ea zein nolako bilakaera duen esperimentuak.
Mila esker, Gari!!
Aupa Ekaitz.
Alexa da baliabide bat Interneten Telebistan audientziak diren bezala, baina nazioarteki, beraz, eta audientzien kasuan bezala guti gorabeherakoa, ez da zehatza, jakina. Alboan agertzen den zenbakia da nazioartekoki webgune horren rangkinga bisita kopuruen arabera, esan bezala, ez da zehatza, estatistikak bezala. Bestetik, parentesien artean dagoen zenbakia da joera eta igo edo jaitsi dituen postuak. Ordenatuta daude txikienetik handienera rangking bat delako, hau da , ez da puntuazio bat, baizik eta kokapen bat, horretik zenbat eta kopuru txikien izan, orduan eta aurrerago rangkingean.
Hau guztia saiatuko gara webgunean azaltzen argiago gelditzeko, hala ere, ea honekin zerbait azaltzea lortu dudan.
Guztiz interesgarria dirudi tresnak, nahiz eta egoeraren menpe ere badagoen.
Eta diozuen bidetik, lehenbailehen egin beharreko zuzenketa bat dago: euskara hutsezko webak neurtu behar ditu, bestela ez du balio izango.
Eta bi, egin beharko luke ahalegina web bakoitzaren bisitaldiak eta bisitari bakarren zifrak ere lortzeko. Egun, aste, hilabete eta urteka. Zoragarria litzateke. Beharra dago. Gu prest laguntzeko. Eta eskerrik asko Mikoletakoei, jakina.
Zuzeuren iruzkina dela eta
Bai, nolabait hasierako asmoa zen Interneten euskaraz egin daitekeen guztia rangkingean sartzea, horregatik ere Indymedia dago edo Wikipedia. Alexaren rangkingean logikoki irabaziko dute agian Wikipediak edo Wikimediak, baina ez bozketetan, esaterako, hor guztiak baldintza berdinekin lehiatzen dute. Baina zaila suertatzen da ere euskarazko Wikipedia hortik kentzea eta balorazioetatik at uztea. Atalka eta banan-banan ere emaitzak ikusi ahal dira konkretatzeko era izan ahal da. Saiatuko gara zuen iritzi guzti horietatik irtenbideak ateratzen, ez dakizue zein nolako laguntza diren eta zenbat eskertzen den.
Bisitaldiak eta bisitari bakarren kopuruen inguruan, gaur zaila da, Alexa-tik (www.alexa.com) aterata daudelako emaitza horiek. Alexak neurketa horiek egiteko bakoitzak bere nabigatzailean instalatu ahal dituen gehigarriak ditu, horregatik neurtu ahal ditu bisitak.
Gure aldetik teknikoki egin ahal dena eta buruan genuena zen ere hori egitea etorkizunean euskararen aldeko neurketa zehatzagoak ere egiteko edo interesa duen webguneetan txertatu ahal izatea kode bat neurketa horiek errazteko. Joango gara hobetzen, oraindik esperimentua bada ere etorkizunean baliabide polita izan ahal dela ere uste dugulako.
Esan bezala, mila esker ekarpenengatik.
Bozketen kontu hori ez zaigu ondo iruditzen. Esate baterako, guk ez genuen boz bat ere hasieran eta orai baten bat badaukagu, geuk hala markatu dugulako. (5). Zertarako balio du horrek baldin eta kontua bada jakitea zenbat euskaldunek darabilen hedabide hau edo hura? Horretarako eskatu egingo diegu gure erabiltzaileei bozaka eman dezaten zuenean... Eta zer? Horrek ez du esan nahi ZuZeun erabiltzaileak gehitzen direnik, baizik eta bozka-txapelketa absurdu batean sartua dela jendea... Ezin al dituzue web baten erabilera berezkoaren datuak neurtu? Horixe da gaia, eta ez dugu uste horretan bozketen kontu hori denik bidea.
Kaixo
Guk planteatu dugun bezala, kontua ez da soilik zenbat euskaldunek erabiltzen duten hedabide bat edo hura, baizik eta beno euskarazko rankin ezberdinak egitea eta bururatu zitzaigun bat bozketen kontua zen, nolabait, beste rankin bat edo jendeari rankin horretan parte hartzeko aukera ematea. Bozketek ez dute isladatzen bisita kopurua, jakina, bozketak, bozketak dira eta bisitak bisitak dira. Delicious.com-en bozketa gehien dituzten loturak ez dira bisitatuenak, bozketa gehien dituztenak besterik ez eta guri iruditu zaigu bide egoki bat jendeak bozkatu ahal izateko gustukoen duen webgune euskalduna eta beraz erabiltzaileen eskura jarri dugu.
Zuk komentatzen duzuna ideia interesgarria da, webgune bakoitzaren berezkoaren datuak neurtu, baina hori teknikoki ez da hain sinplea. Ideia egin dezazun, Googlek ere ezin du. Esaterako neurketa hori egiteko erabiltzen du bere bilatzailetik doazen bisitak edo eskaintzen du kode bat norberak bere webgunean txertatzeko eta horren truke estatistikak eskaintzen ditu. Baina teknikoki ezin dira ezagutu webgune baten bisitak, nolabait webgune edo zerbitzari horretan eskua sartu gabe edo erabiltzaileen nabigatzailean eskua sartu gabe.
Hau da, zuk planteatzen duzunerako irtenbidea neurketa tresna propioa garatzea da, lehen esan dudan bezala, edo webguneetan edo erabiltzaileen nabigatzaileetan txertatuta. Eta arestian esan dudan bezala hori da etorkizunean planteatzen genuena. Baina Mikoleta eta Bitarlanen artean egiten ari gara hau era bolondres batean eta ahal dugun neurrian hobetzen goaz, baina abiadura ez da azkarra izango, "aisialdian" goazelako proiektu hau hobetzen. Ea apurka-apurka hobetzea lortzen dugun.
Egon badago tresna hori, ze ez dugu euskaldunok horrelako zerbait asmatuko, ezta?
Ea, printzipioz interesatzen zaizkigun datuak oso orokorrak dira, audientziak, egunero edo hilero zenbat pertsona sartzen den webgune batean. Pentsatzen dut datu zehatzagoak (keyword-ak, trafikoaren izaera eta abar) bakoitzak bere barrurako gordeko dituela.
Horretarako aukera onena Quantcast dela uste dugu. (Sustaturen datuak Quantcast-en )Ezarri zuen webguneetan Quantcast. Gugandik independientea den erakunde bat da, eta behingoz datuak konparatu ahal izango ditugu.
Edo norbaitek beste zerbitzu hobe bat ezagutzen badu, adostu dezagun.
Aupa Gari,
Mila esker, ez nuen ezagutzen zerbitzu hori. Horrela azkar begiratuta, suposatzen dut izango dela Goolge Analytics antzeko zerbait, hau da, nork bere webgunean txertatu behar du kode bat, neurgailua dena, ezta? Baina kasu honetan, emaitzak publikoak dira eta publikoki partekatu eta irakurri ahal dira, ezta? Eta gainera ez dago Googlen menpe... Gainera, datu asko eskaitzen ditu.
Nik ikusten dudanez, audientziak edo neurtzeko bi filosofia egongo lirateke, webgune bakoitzean neurgailua txertatu, beraz webgune horretara heltzen diren bisita guztiak prozesatu eta zenbatu ahal dira, baina soilik kode txertatzen duten webgunetan, hau Quantcast edo Google Analyticsen filosofia izango litzateke. Bigarren aukera, Alexaren filosofia izango litzateke, nabigatzaileetan txertatzea kontagailua, kasu honetan, nabigatzailearen gehigarria instalatuta duten erabiltzaile guztien bisitak zenbatu daitezke, webgune guztietan, orokorrean. Baina soilik gehigarri hau instalatuta duten erabiltzaileen datuak izango genituzke.
Hau da, nire ikuspuntutik, lehenengo aukera zehatzagoa da eta bigarrena orokorroagoa (webguneei dagokienez, ez erabiltzaileei dagokienez).
Zer iruditzen zaizue zuei?
Gu prest gaude proposamenak txertatzen joateko eta rankin ezberdinak sortzeko, hori bai, denborarekin, jeje.
Bozketa sistema hobetu behar duzue. Kaixo.com bozketa rankinaren lehenengo postuan ipini dut. Mesedez, kendu 80 bozketa.
Zer begiratu/aztertu/jakin nahi da? Zenbat jende dabilen euskara hutsezko webguneetan, oker ez bagaude. Zerk neurtzen du hori? Erabiltzen dituzuenetatik bi neurgailu soberan daude. Botoek ez dute fitsik neurtzen eta oso manipulagariak dira. PageRank delakoak, prestigioa edo dena delakoa neur lezake, baina ez audientzia. Eta gainera, erraza da engainatzeko han hemenka esteka batzuk jarrita... Guk, Sustatuko Araolazaren proposamenari segika, QUANTCAST txertatu dugu jada. Froga egingo dugu, behintzat. Baina zuen EBIZI hori findu egin beharko zenukete baldin eta nahi baduzue har dezagun kontutan. Esker mila.
Zorionak zerbitzu berriagatik!
Eztabaida ez da berria, eta nik neuk interes handia dut gaian. Gogora ekarri nahi dut lehenago izandako jarduna (
Zenbat da asko euskaraz ). Bereziki Luistxoren erantzuna, datu fiskalizatuak izateko "beharraz".
Hala ere, uste dut aurretik beste kontu bat argitu beharko genukeela: Zer da euskal webgune bat? Espainiako unibertsitate baten azpiatal bat, edo BOE bera, euskal webguneak dira?
Ez dago erantzun errazik, uste dut antzerako zalantzak dituztela askok, pentsatu Durangoko Azokan adibidez, zer da euskal liburua eta zer ez?