Loterian jokatzea da euskaldunen Gabonetako ohiturarik hedatuena

11. orrialdea:

Herritarren %65ek diote beren familian Olentzerok ekartzen dituela opariak, %60k Erregeek ekartzen dituztela eta %7k Santa Claus edo Papa Noelek.

85. orrialdea:

Olentzerok eta Erregeek familien erdietara baino gehiagotara ekarri dituzte opariak baina Olentzerok bertakoen familietara eta bereziki bertako gurasoak dituztenetara ekarri ditu eta Erregeek horiei ekarri dizkiete gutxien. Santa Claus edo Papa Noelen opariak batez ere etorkinengana iritsi dira.

Olentzerok opariak ekartzea hedatuago dago Bizkaian eta Gipuzkoan Araban baino.

87. orrialdea:

Lehenengo faktorean, "Olentzero" – "ez Olentzero" bikoteak osatzen duena, "Olentzero" muturrean daude ondokoak: euskaraz oso ongi edo ongi hitz egiten dutenak, batez ere euskal herritar sentitzen direnak, EHAK edo Aralarren jarraitzaileak, Olentzeroren kalejirara joaten direnak, Urtezahar edo Urte Berri egunez mendira igotzen direnak, intxaur-saltsa jaten dutenak, Euskal Herrian jaioak, beraiek eta gurasoak ere, eta Olentzerotan opariak egiten dituztenak. "Olentzeroren" alde horretan kokatzen dira baina ez hain muturrean herri txikietan bizi direnak, bere burua ezkerrekotzat dutenak, gabonetan karakolak jaten dituztenak eta EA edo EAJren jarraitzaileak direnak ere.

Beste muturrean –"ez Olentzero"– kokatzen dira batez ere espainiar edo euskal herritar bezain espainiar sentitzen direnak, immigranteak, PP edo PSE-EEren jarraitzaileak, bere burua eskuinekotzat dutenak, euskaraz ez dakitenak eta Olentzerotan oparirik egiten ez dutenak. Hurrengo taldeak ere "ez Olentzeroren" aldean daude nahiz eta ez hain muturrean egon: ez dutenak bere burua ezker-eskuin ardatzean kokatzen ezta gustukoen duten alderdirik esaten ere, 64 urtetik gorakoak, gabonetan mezatara joaten direnak, ez dutenak inolako gabon oparirik egiten, arabarrak eta hiriburuetan bizi direnak.

Ondorioak:

• Bizkaian eta Gipuzkoan: Olentzero > Erregeak


• Araban: Olentzero = Erregeak


• "Olentzero" taldea: euskaldunak, ezkertiarrak, ez hain ezkertiarrak, EHAK, Aralar, herrietakoak, EA, EAJ.


• "ez Olentzero" taldea: espainiarrak, espainiarrak eta euskaldunak, inmigranteak, PP, PSE-EE, eskuinekoak, ezker-eskuinekoak, erdaldunak, bozkatzen ez dutenak, oparirik egiten ez dutenak, 65 urtetik gorakoak, gabonetan mezetara joaten direnak, arabarrak eta hiritarrak.

Nire ondorioak:

• EAEn gehien ospatzen dena Olentzero da, Erregeak, Santa Claus, Papa Noel eta abarren gainetik.


• Hiru herritarretik bik Olentzero ospatzen dute.


• Askok eta askok, Erregeak eta Olentzero, biak ospatzen dituzte.


• Oso bitxia iruditzen zait datuok interpretatzerakoan, ikerketa honen egileek "Olentzero" - "ez Olentzero" banaketa egin nahi izana.


• Eta are bitxiagoa oraindik, "ez Olentzero" talde horretan, ia era guztietako jendea sartzea. Adibidez arabarrak, naiz eta datuok argi utzi arabar gehienek Olentzero ospatzen dutela (!).


• Banaketa hori egin nahi izanez gero, Olentzero ospatzen ez dutenak biztanleen %35a bakarrrik dela jakinik, logikoagoa izango zen "ez Olentzero" taldean adibidez ondokoak sartzea: inmigranteak, PP bozkatzen dutenak eta PSE-EE bozkatzen dutenetatik, espainiarrak bakarrik sentitzen diren erdaldun hiritarrak.


• Lehendakaritzako Kabinete horrek azken sailkapen hau gogoko ez badu, ez ditzala datuok bihurritu eta "Olentzero" vs. "Ez Olentzero" dikotomia artifiziala sortu.

Erantzun anitzeko galdera horretan euskaldunen artean hedatuagoa dagoen ohitura faltan dagoela iruditzen zait:

• "lagunekin (eta familiarekin) zanpa-zanpa jan eta edanda ibiltzea".

Erantzunen artean aukera hori, edo antzerakoa, gehituz gero, seguru portzentaia altuagoak lortuko lituzkeela.

Eta txorrada hauetan xahutzen dute gure dirua?!!!!, Prospekzio Soziologikoen Kabineteko kideren bat harrapatuz gero... uzkiko prospekzioa egingo diot, kaguento!