ETB4 kiroletara dedikatuko omen da eta 2010an da irekitzekoa

Ez zait inola ere erabaki zuzena iruditzen. Lehendik ere nahiko tarte eskaintzen zaio kirolari (kirol jakin batzuei batez ere) kate tematiko bat egiteko beharrik gabe. ETB1en kirol emankizunek duten pisu itzela arintzeko balitz, sikiera. Baina orduan lehen kateko ordu luzeak nola bete?



Nik uste ETB4 egitekotan kate ausart bat egin behar dela. Kulturalki aurreratua, dokumental zorrotzak (gizarte eta politika arazoak jorratzeko adibidez, ez Afrikako sabanako euliak nola ugaltzen diren ikusteko), jatorrizko bertsioan emandako filmeak (independenteei tarte zabala eskainiz), euskal kultur produkzioak (antzerkia, dantza, ikuskizunak, musika) bere tartea izanik. Orain arteko bezalako kateak egiteko, onena diru hori aurreztea eta beste zerbait probetxagarrirako erabiltzea.

Xabier, zuk aipatzen duzun kate ausart hori, teorian ETB3 izan beharko litzateke. Eta neurri apalean bada ere hala dela uste dut.



ETB4ri buruz... TelePelota (ETB1) kirolez askatzeko balio badu ez dago gaizki.

Lost In TV-ri ekoiztetxe esan diogu mezu originalean, baina zuzendu beharra dago: Factoría Crossmediak Interneterako ekoitzitako web produktu bat da Lost in TV. EITBrako, berriz, Nickdutnik ekoizten du Factoria Crossmediak.

Zuzenketa bi:
Ekoiztetxearen izena Factoria Crossmedia da.

Albiste honetan, bestalde, 2010. urteari eskainitako paragrafoan, nahastu egin dituzue ETB3 eta ETB4.

Eskerrik asko Xuriken: lehen okerraren berri beste bide batetik ere esan digute, eta zeuk baino segundu batzuk lehenago berridatzi dugu zuzenago. Bigarrena ere zuzendu dugu orain.

Nire iritzia.



ETB-en apostua: Kate merkeena egin. Nola lortu, kostu txikiena. Kazetari bat mikroan jarri eta kanpo irudia erosi, merke merke, dauden kirol emanaldi piloak daudela eta... Cubierto el expediente.



Azkenean, partiduen erdia Teledeportekoak izango dira... hortarako, hobe RTVE-n duala behartu, espainia osoan euskara/katalana/galiziarra/balentziarra zabaltzeko. Hori bai izango litzatekeela aurrerapausua.



>>>jatorrizko bertsioan emandako filmeak (independenteei tarte zabala eskainiz),

Niretzat, emanaldi guztiak dualean beharko lukete. Hortaz gainera, bikoiztu gabeko material minoritario/artistiko/alternatiboa EAJB-ean emango balitz (Euskaraz azpititulatutako jatorrizko bertsioa), nire onarpen osoa.



>>>ETB4ri buruz... TelePelota (ETB1) kirolez askatzeko balio badu ez dago gaizki.

ETB3 ume/gazte izanda, ETB1 marrazkietaz askatzeko itxaropena galdua duk nik jada, beraz...

Unai: arrazoi ematen dizut ETB3k badituela aipatutako osagai batzuk eta programa interesgarriak (dokumentalak, kultura saioak...) emititzen dituela. Euskaraz egitea ere zinez baloratzekoa da. Baina programazio gehiena umeentzako marrazki bizidunek osatzen dute, beraz ETB1en fotokopia gehiago dirudi (batzuetan, ez beti) beste ezer baino. Horregatik ez zait iruditzen ETB3ri buruz lehendabizi entzun nuenean sortu zitzaizkidan espektatibak bete direnik.



ETBk (bere osotasunean) programa interesgarriak dituela aitortzen dut (ETB2ren azken aldiko "aldaketak" gorabehera) baina apostu bat egitea gustatuko litzaidake: atzerriko pelikula eta telesailak jatorrizko bertsioan (azpitituluekin, hala behar izanez gero) emititzea, Europako puntarengo telebistetan egin ohi duten bezala, dena euskarara edo gaztelaniara bikoiztuta jarri beharrean. Horretarako aukera ona izango litzateke ETB4. Orain arte gehiegizko emisioa duten kirol programen ordez, zerbait berria jarri beharko litzateke, ez kate berri bat sortu Albacete eta Murciaren arteko partidu super-interesgarria ikusteko larunbat gauetan.

Gure euskal telebista porrot bat da. Nik ez dut ulertzen ETB3 gazteentzat izanik zergaitik jarraitzen dute marrazki bizidunak orduro ematen ETB1ten. Mihiluzerekin asmatu dute. ETB nire esku egongo balitz gauza asko aldatuko nituzke: Marrazki bizidunak, kirolak, eta animalizkoen dokumentalak ETB3ra, zergatik ETB ez zen egon Bilbo Zaharra Forumneko hitzaldiak grabatzen gero emititzeko?, telebista kalera aterako nuke, kaleko arazoak azalerazteko.



Albistegian erdaraz aritzen direnak itzulpena egingo nuke beti edo bestela idatziz zer esaten duen. Ez gaur egun bezala gazteleraz hitz egiten dutenei ez diete itzultzen. Lotsa ematen du. Konponbidea badago.

Joxe, ados nago esaten duzunarekin azken puntuan izan ezik.



ETB1 eta Euskadi Irratia jarraitzen dugun ia guztiok gazteleraz ere badakigu. Eta ZPk, Basagoitik edo Maradonak hitz egiten badute beraien ahotsa zuzenean entzun nahi dut, ez itzulita.



Ez dut uste audio korte motzak sartzea kaltegarria denik.

ETB4 kiroletako katea izango dela ETBren zuzendariak berak, Miguel Angel Idigorasek, esan zuen joan den astean, telebista-ekozileekin egindako topaketa batean.

ETBren lau kateak hitz gutxitan definitu zituen, eta esan zuen:

• ETB1ek huts egin duela, ikusleak galdu eta galdu ari dela, eta ondo aztertu behar dutela zer egin, barkaezina izango litzatekeela ikusle euskaldunoi ganorazko zerbait ez eskaintzea.


• ETB2k erreferentziazko katea izan behar du hemengo ikusleentzat. Informazioa, gaurkotasuna eta entretenimendua izango ditu ardatz.


• ETB3 kate tematikoa izango da, batik bat haur eta gazteentzat.


• ETB4 kiroletako kate tematikoa izango da.

Hizkuntzei dagokionez, aipatu zuen ETB3 euskaraz izango dela. ETB4-z ez zuen ezer esan.

Kezkatuta atera ginen handik, izan ere, ez dirudi ETB1entzako eredurik dutenik buruan. Baina informazioak, gaurkotasunak eta entretenimenduak ETB2-rentzat balio badu, zergatik ez ETB1-entzat? Ikusle berezi-bereziak ote gara, bada, euskal hiztunak?

EITBk berak atzo baieztatu zuen, oraingoz kirolen ideia tematikoa dutela ETB4rentzat. Horren bideragarritasuna ikertzeko azterketa enkargatuko dute.

Eta ikerketa horrez gainera, beste bat ere bultzatuko dute, albiste berean kontatzen dutenez: "Euskaraz euskarri ezberdinetan, irratian, telebistan eta Interneten eskaintzen dituen edukiei buruzko ikerketa egingo du."