Mondragon Unibertsitateko ikasle talde batek Euskadiko zerbitzu medikoen bilatzaile berri bat sortu dute. Bilatzaile hau web orritik erabil daiteke eta baitan beraiek egindako Android sistema eragilean dabilen aplikazio batetik, mugikorrentzako egina dagoena. Hona Androideko aplikazio horren bideo bat:
Androideko aplikazioaren irudi batzuk:
Informazio gehiago nahi ezkero Jakizu web orrian irakur dezakezue.
Jakizu zergatik euskaldunak omen diren ikasle batzuek ez duten euren aplikazioa euskaraz egingo (agian gure hizkuntzak ez du behar beste kalitate?). Ziur gero gure lagun Patxiren gobernuak euskara nola tratatzen duen salatuko dutela... en fin.
Jakizu zergatik MUn euskarari ez dioten garrantziarik ematen.
Jakizu zergatik hala ere Sustatu bezalako bide euskaldun batean propaganda egitea erabaki duten, instalatzeko pausoak euskaratzen molestatu ere egin gabe... MUn spam-a nola egin erakusten dute?
Eta jakizu zergatik MUn (eta beste lekuetan ere zoritxarrez, uste dut horrela dela) INFORMATIKA ikasi dutenei ez zaien irakasten webgune eta web orri hitzen arteko ezberdintasuna. Imajinatzen, kazetaritzako ikasleak unibertsitatetik EGUNKARI eta ORRIALDE hitzak diferentziatu ezinik irtetea?
Bestela, aplikazioak itxura ona dauka.
Lehengo eta behin, Jakizu taldeko lagunek zoriondu, benetan aplikaizo ederra ein dabielako. Ez da erreza hiruilabete bateko proiektuen hau ataratie.
Bestalde, bastante jodidu dozte aurreko komentario honek ikustiek. Jakizue asignatura berez erderaz dala eta helburue empresa bateko web orria web bilatzaileetan SEO teknikak erabiliz ondo kokatzea dela. Horregatik aplikazioa erderaz dau eta esan, Jakizu empresa imaginario bat dala.
Sartzekotan sartu zaitezie MUko hizkuntza politikaz (pertsonalki esan, eztabaida gogorrak ixen dotezela honi buruz). Jakizuko taldekidiek ezautzen dotaz, jende euskalduna da, eta Informatikan euskara normaltasunez erabilteko lan ein dabena.
Espero dot gauzak apur bat argittu ixena...
Eta gazteleraz den Informatikako ikasgai horretan onartuko al zieten aplikazioa ingelesez egitea?
Gaztelerazko ikasgaiak dituen ikaslea ez da profesional euskalduna izango. Ez behintzat behin ikasketak amaitu ostean ahalegin handia egiten ez badu edo euskaraz lan egiteko aukera izaten ez badu. Gehinez ere euskalduna eta profesionala izango da, baina erdal profesionala.
Zorionak zuri, Iron, Debagoieneko euskara dotorean eta berebiziko trebeziaz laurehun milioi erdaldunen eskubideen alde egiten asmatu duzulako.
Arrazoi duzu denean, gauzak argi daude orain.
Zure lagun euskaldunek egindako lanari esker, aurrerantzean ere espainolez, frantsesez edo ingelesez jardun beharko dugu osasun zerbitzuen bila.
Eskerrik asko denoi,oso maitagarriak zarete Segovia osoan.
Saiatuko naz ulertzen nundik datorren asarre hori. Sustatu moduko webgune eukaldun baten erdaraz dauen aplikazio bat agertzie da kontue.
Baina talde honek ein dabena, etxerako lan bat da. Ez dozuez inoz etxerako lanak erderaz entregau ikastolan eta institutuen? Nik ez dakit nork publikau daben hemen, jun beregana kontu eske.
Badinotzuet MUko hizkuntza politika euskalduntzeko jardun dogule, blog baten ikasle talde bat ironiaz zirikatu biherrien, gauzak biher dien personeri, biher dan lekuen aupegira esanaz.
Gauzak beste era batetara esan daitezkeela uste dot.
Nire kasuan behintzat, Iron, ez da kontua Sustatu moduko web baten erderazko aplikazio bat agertzeagatik, baizik:
1. MUko hizkuntza politikarekin inongo zerikusirik ez duen kontu bategatik, webgunea euskaraz jartzera molestatu ez izana. Ondo dakizu zuk ere hori ez dela MUrengatik, ikasgaia erderaz izan arren. Esango nuke hizkuntza aukeratu ahal izatea exijitu ez badiete ere baloratuko dutela. Badakit aurreko urteetan webguneak euskaraz egin izan direla MUko ikasgai horretarako. Eta ez, ez dute inor zigortu horregatik.
2. Unibertsitateko "etxeko-lan" bat egiterakoan euskara ERE erabiltzea aintzat hartzen ez duten ingeniari euskaldunak baditugu, nola nahi dugu gero diru-kontuak erdian daudenean euskararen aldeko apustua egitea? Erraza da gero Google-ri buruz kexatzea X zerbitzu euskaraz ez duelako, baina zer egiten dugu etxean?
3. Azken hau bada MUren aurkako zerbait: spam egiten irakasten dute, gezurrak esanez, ikasgai honetan. Posizionamenduaren kareta jarri diezaiokezu horri, baina pentsa, hona mezua bidali dute (Jakizu-koek antza), eta ez dute erantzun gehiago. Zergatik? Ez zaielako axola, spam-a egin dute posizionamenduan igotzeko. Eta bai, badakit eurek irakatsi dietena baino ez dutela egin, beraz kritika hau ez doa eurei zuzenduta agian, irakasleari baizik.
Badakit kritikatzeko formak ez direla onak izan, eta sentitzen dut nire aldetik behintzat. Baina MUren hizkuntza politikarekin eurek duten errua estaltzea ere ez zait zuzena iruditzen. Bestela esan dezakegu Patxi Lopezen lana ere zaila dela eta beraz normala dela euskarari ematen dion tratua X arloan.
Azkenik, berriro azpimarratu nahi dut webgune/web orri(alde)ren kontua. Belarriko mina eragiten dit, benetan.
Aupa danoi
Jakizu taldeko kide bat naz eta gauza pare bat komentau gureko nebazan.
Lenengo eta behin webgune hau gazteleraz egotiena asignaturan bertan eskatutako gauza bat zan. Euskaraz bilatzaileetan posizionatzie errazegixe danez gazteleraz eitie eskatu zozkuen. Hori bai, gazteleraz BAKARRIK egotiena GURE "errue" da. Momentu baten erabaki hori hartu zan produktue eiteko denbora gutxi aukin genduleko. 3 hilebete bakarrik aukin genduzen "enpresa" bat sortzeko, enpresaren webgunie eiteko, zerbitzu medikuen batuketa "automatiko" bat sortzeko, web bilatzaile bat garatzeko, android sistema eragileantzako programa bat garatzeko, negozio plan bat sortzeko eta azkenik irakasleei produktua eta enpresan bidegarritasuna "saltzeko".
Halan da be barkamena eskatzie besterik esin dot ein norbait mindute sentitu bada webgune hau euskeraz ez egotiarren.
Ondo iruditu ez jatana kritikatzeko erie izen da. Kritikatzie erreza da, webgunie gazteleraz bakarrik dau, baina eztot irakurri inoren erantzunik bere burue eskaintzen webgune hau euskararatzen laguntzeko. Halan da be lasai, beste kide batekin berbetan egon naz ta esan dozta web bilatzailie gutxienez euskararatzeko asmue daukola.
SPAM kontuena be, eztakit. Bai, guk sortutako webgune bat promozionatzen saiatu gara, baina sustatuko moderatzailiek atzera bota ahal izen zeban berrixe interesgarrixe irudituko ez bajakon. Gainera bilatzailetan gorau agertzeko eztozku balio izen, euskeraz idatzitako berri bat da eta posizionatu biherreko hitzak gazteleraz zien. Ez jata iruditu bez inori nahi ez zeban informazio bat irakurtzen behartu dogunik ezta blog guztixetako komentarixuetan link kutre batzuk jarri doguzenik.
Webgune/weborri kontu horretan inoz enaben planteau atzorarte eta benetan eskertzen dot zuzenketie (nahiz ta esateko era egokixena ez iruditu), enaz oso ona ezta gramatika arluen ezta ortografia arluen bez (fijo akats mordue dauzela textu luze honetan nahiz ta ez egoteko saiakera ein dodan). Egixe esan MU eztozkue irakatsi bi hitz horien ezberdintasune, ez, baina eztogu euskara asignatura moduen aukin inoz informatikan.
Bueno, besterik barik agurtu eingo naz eta berriro barkamena mindu dan jendieri.
Agur
Ba niri belarriko mina eragin didana ondoko esaldi hau da: "Egixe esan MU eztozkue irakatsi bi hitz horien ezberdintasune, ez, baina eztogu euskara asignatura moduen aukin inoz informatikan."
Eta ez naiz Jakizu-ko kideez ari. Zoritxarrez pentsakera orokorregia da "euskara irakasgai" bezala edukita informatikari euskaldunak izango ditugula pentsatzea. Ez da euskara irakasgai bezala behar. Irakasgaiak behar dira euskaraz. Eta, berriz diot, ez dut uste ingelesez egiteko arazorik izango zenutenik. MUuuuuuuuuuuu.
Lopez eta Munillarentzat, aproposa.
Horrela, datorren urtean ere Espainiako monarka zuenera datorrela, ez duzue zertan lotsatu: espainol garbiz ari zarete, horiek bezala.
Espainieraz "Jakizu" horrek zer adierazi nahi duen Espainiako Audiencia Nacionaleko itzultzaileei galdetu beharko diegu, nonbait.
Felicidades, Mondragon! Eta beste horrenbeste Juan Mateo euskaltegiko aStertzaileei ere.