Euskalgintzaren mapa direktorioa sortu du Kontseiluak

Ikastetxe publioak, herri eskolak edo publifikatutako ikastolak kanpo utzi dituztela salatu du Lezoko Institutuko zuzendariak:

Euskalgintzaren mapa osatzeko deia



Kontseiluak euskalgintzaren mapa direktorioa sortu du, www.euskalgintza.org helbidea duena. Horren bidez, euskararen normalizazioa lortzeko lanean ari diren elkarte eta erakundeen ekintzak eta egituraketa azaldu nahi ditu Kontseiluak, eta beraien arteko harremanak erraztu eta esperientziak trukatzeko lanabesa eskaini. Hori da, hain zuzen ere egitasmo honi Kontseiluak jarri dion helburua. Horretarako, baina, beharrezkoa izango da euskalgintzaren eta baita norbanako euskaltzaleen ekarpena.



Ekimena abiatzeko orduan, aukera desberdinak izan zituen Kontseiluak esku artean. Batetik, tresna bera soilik aurkeztea; hau da, lanabesa aurkeztu, baina inolako informaziorik eman gabe eta bestetik, tresna hori eta etorkizunean izan daitekeenaren lagin bat ematea. Bigarren hau hautatu zuen Kontseiluak eta honela bada, Martin Ugalde Kultur Parkean direktorioa aurkeztu zenean web gunean euskalgintza osatzen duten erakunde batzuen (eta ez guztien) informazioa ere aurkeztu zen. Aurkezpenean bertan bildu ziren lagunek euren herriko informazioa sartzeko parada izan zuten eta askok aukera hori baliatu ere egin zuten.



Lerro hauen bitartez, Kontseiluaren izenean eskerrak eman nahi dizkiet proiektu hau osatzeko informazioa helarazi diguten elkarte eta norbanakoei. Tresna martxan jarri genuenetik asko izan dira egin diren ekarpenak eta horrek tresnaren baliagarritasuna agerian jartzen du. Eta pozgarria da hori Kontseiluarentzat.



Amaitzeko, deia luzatu nahi diot mapa osatzeko informazioa duen orori hori egin dezan. Tresna hau ez baita soilik batzuen tresna. Tresna honek guztion lanabesa izatea du helburu. Elkarri mokoka aritu beharrean, guztiok gure ekarpena egiteko deia luzatu nahi dut. Modu horretan, eta soilik horrela lortuko baitugu euskararen normalizazioan urrats eraginkorrak egitea.

Nik ere euskalgintzan aritzen naizenez webgunea bisitatzeko kuriositatea izan nuen. Eta denok bezala noski, neure ingurukora jo nuen, azken finean hori delako gehien ezagutzen dudana. Beraz Donostian sartu nintzen eta egia da Elkarreko sei "elkarte" topatu nituela eta harritu ninduela, baina harritu ninduen ere Donostiako euskalgintza biltzen duen Euskarak Batzen erakundea beste elkarteen pare agertzea eta, are gehiago, Donostian euskalgintzaren bilgunerik ez dagoela ikusteak, kontuan izanik gainera Euskarak Batzenek Kontseiluarekin lan egin ohi duela eta Zigor Etxeburua etorri izan dela askotan bilera horietara. Beraz berari idatzi nion eta esan zidan horrelakoak guk "konpontzeko" egina zegoela webgunea eta hala izan zen. Euskarak Batzenen izenean kontua sortu eta aldatu nuen. Are gehiago, Irutxuloko Hitza agertzen ez zenez sartzea erabaki nuen, Donostiako euskalgintzarentzat ezinbesteko tresna delako. Pentsatzekoa al da Kontseiluak bere bazkide den EKTren egitura bat (Hitza EKT, Bagera eta gizarte eragileek osatzen dute) kanpoan utziko lukeela? Eta Donostiako Euskal Herrian Euskaraz? Kontseiluaren bazkide izanda eta beste herri askotan egonik ere, Donostiako zenbait auzotan egon arren ez jartzea? Zer izan da ahaztura, iritsi ezina edo nahita egindakoa?



Ez nago ados Lezoko zuzendariak esandakoekin. Egia da webguneak hutsuneak dituela eta handiak gainera (ziur aski "publifikatutako ikastolena" handienetarikoa) baina hutsune horiek gaiztakeriz egin direla esatea... Mapatik ezabatu dituztela esatea... Kontua sortzea besterik ez dago aldaketak egin ahal izateko eta azken aldaketeei begiratu bat ematea nahikoa da ikusteko auzolanean (bakoitzak bere ingurukoan) Euskalgintzaren mapa osatzen ari dela ikusteko. Ea Lezon ahalik eta azkarren osatzen duten.

“Erabiltzaile arruntari, herritar xeheari, euskararen unibertso zabalaren kontzientzia hartzeko aukera emango dio Euskalgintzaren mapak(…) Mendigurenek azaldu duenez, lankidetzan osatutako tresna da aurkeztutakoa. Informazioa bertatik bertara eskuratu du Kontseiluak, herri bakoitzeko euskalgintzak osatuta”. Aurreko hau irakur daiteke aurkezpenaren kronikan. Zein bide ibili duen Xabierrek Donostian hiru Elkar megadenda aurkitzeko Hontza liburudendarekin topau gabe? Aurkezpenean esandakoa ez da zuzena eta, ziurrena, Xabierrek bota zuen egiteko moduaren zehaztasunik ezagutu gabe. Gertatu dena jakinda ez bada zuzentzen, orduan, gezurra izango litzateke, engainua, iruzurra. Saioarena hemen eta Xabierrena aurkezpenean mezu ezberdinak dira.

Mokoka aritzen da mapan agertu ziren datuak jarri zituenak, etengabeki gutxiesten, aldioro baztertzen, matraka berarekin. Ez da harritzekoa pertsona asko, ez bakarrik gogaiturik, nazkatuak egotea.

Lezon, euskalgintzan, lanean ari dira eta primeran; urteetako lanari eutsiz. Ez dute behar ez Eneko ez inor adierazteko zer osatu behar duten ezta zer lehentasunarekin.

Nonbaitetik hasteagatik Lezotik abiatuko naiz. Egia esateko nik Lezoko euskalgintzaz ez daukat ideiarik ere eta ez naiz hortaz harrotzen hortxe ondoan ditudalako. Baina nik uste Euskalgintzaren mapak funtzioren bat baldin badu horixe dela, gure inguru gertukoenaz kanpo zer dagoen ikusi ahal izatea. Horregatik idatzi nuen ea ahalik eta azkarren mapa osatzen zuten, bai Lezon eta baita beste txoko guztietan ere baina inondik inora ere ez diot nik inori esango zein izan behar duen bere lehentasuna, hori bakoitzak erabaki behar du. Dena dela norbaitentzat lehentasuna ez bada mapa horretan azaltzea ez dakit zergatik horrenbesteko kexa ez agertzeagatik (eta ez ezabatua izateagatik, nik dakidala inork ez duelako esaterik izan ezabatua izan denik).

Hontza ez dela azaltzen. Ba arrazoi duzu, beste askok bezainbeste egin dute zerrenda horretan agertu ahal izateko, horregatik nik neuk sortuko det zerrendan egon dadin eta hutsuneak betetzen joateko, daudenik inork ez duelako ukatu.

Ba sartu nintzen webgunera hura aurkeztu zutenean, eta ez nion kasu handiegirik egin, baina orain hobeto begiratu dut, eta hanka barruraino sartu dela iruditzen zait. Ez dakit, BETA handi bat jarrita (beta bertsio bat dela adierazteko) edo Wikipedia bezalako tresna kolaboratibo bat dela esanda hobeto geratuko litzateke. Eta horrela ere, sartutako elkarte eta erakundeen lagina zoritxarrekoa da.

Gasteizen:
http://www.euskalgintza.org/node/83

Nire laguna iaz egon zen AEK-ko euskaltegia agertzen da, baina aurten dagoena ez.

Armentia ikastola pribatua agertzen da, baina Olabide ikastola pribatua ez. Ikastola publikoak ere ez. Eta haurren euskalduntzean gaur egun indar nagusia diren ikastetxe publikoak, zer? Horiek ez dute euskalgintzaren mapan agertu behar ala?

Eta zergatik agertzen da Elkar megadenda? Hara zerbait erostera noan erdietan hartzen nauenak ez daki euskaraz...

Ba arrazoia uste baina sinpleagoa da eta Kontseiluak hala jokatu duela iruditzen zait.



Ikastolak Kontseiluan daude eta mapan ageri dira; Ikastetxe publikoak ez daude Kontseiluan, beraz ez daude mapan, etaberaz, Kontseiluarentzat ez dira euskalgintza. Kontseiluko lehendakaria ez al da Koldo Tellitu, Ikastolen Elkarteko lehendakaria?



Elkar Kontseiluan dago eta Megadendak beraz Euskalgintza dira. Hontza berriz ez da euskalgintza. Eta horrela jarrai dezakegu...



Kontseilua da labela ematen duena, baina gero ez etorri partehartzera zabalik dagoela eta abat. Intentzionalitate eta irizpide garbia daude bertan.

Parte hartzera irekia dago eta hori ukatzen duena gezurretan ari da. Egia izan liteke Kontseiluak bere kideen informazioa sartuta jarri duela martxan egitasmoa, baina zerbait argi geratu bada euskalgintza guztiari mapa osatu eta eguneratua mantentzeko deia egiten zaiola da.



Aurkezpenean informazioa osatu gabe zegoela esan zen, entzun ez zuenak berak jakingo du zergatik ez zuen entzun.



Azkenean zein da arazoa, Kontseilauk ez duela nahi beste eragilerik egotea euskalgintzaren mapan edo beste eragile BATZUK ez dutela inolaz ere egon nahi Kontseiluak sortutako mapa batean?



Gai honetan nik ere ikusi dut fede txarra, baina nondik...