Azkue Fundazio berria, eduki libreen alde
Etzi aurkeztuko da Azkue Fundazioa Bilbon. Bizkaiko Foru Aldundiaren ekimenez, erakunde honen euskararen aldeko ekimenak bideratuko dituen Fundazioa izango da erakunde hau, baina patronatuan beste partaide batzuk ere badira: EHU eta Deustuko Unibertsitatea, Euskaltzaindia eta Bilboko Udala. Fundazioaren egitasmoen artean, euskarazko Wikipediari bultzada ematea baina badirudi hau ez zaiola ondo iruditu baten bati.
Fundazioak ez du argitzen nola egingo den bultzada hori, artikuluak idaztera animatzen du jendea orri horretan, baina, edozein modutan, eduki libreen aldekotzat definitzen du bere burua Fundazioak, eta asmo horrekin bat eginez, webguneko edukiak ere libreak dira, Creative Commons Aitortu Partekatu.
Fundazioaren aurkezpena azaroaren 4an izango da, Bilboko Euskalduna Jauregian, 19.30etan. Aurkezpen hau baino lehenago ere martxan dute jada webgunea, eta azken asteotan Facebook bidez hedapena egiten ere jardun izan dute.
Erantzunak
Kontua da Deiako artikulua guztiz lotsagarria dela. Badirudi Azkue Fundazioa dela orain Wikipedia sortu duena, eta guztiok dakigu hori ez dela horrela.
Baina haruntzago doa, egindako elkarrizketak ez ditu errespetatzen (ez Azkuekoi ez niri eginikoa Wikipediako admin bezala), datuak asmatzen ditu (esaten du 300tapikomila artikulu dituela en:wpk 3.000.000 dituen bitartean; euskarazko wikipedia greziakotik azpira dagoela goian dagoen bitartean...). Gainera badirudi Wikipediako adminak orain Wikiplazakoak direla...
En fin, lotsagarria dena.
Guk WIKIPEDIA sustatu nahi dugu, Wikiplaza egitasmoaren bidez.Ez da garbi gelditu. Sentitzen dugu.
DEIA edizio digitalean jada zuzenduta dago http://www.deia.com/2009/11/02/ocio-y-cultura/todo-el-saber-en-euskera-viaja-por-la-red
Eskerrik asko hobetzen lagundu diguzuen guztioi
Ideia on bat bururatu zait Azkue Fundazioak eduki libreen alde egin dezan.
Webgunearen azpian ageri diren babesle potoloak ikusita (Bizkaiko Foru Aldundia, Bilboko Udala, Euskaltzaindia, Euskal Herriko Unibertsitatea eta Deustuko Unibertsitatea), Azkue Fundazioak eska diezaiela horiei guztiei, eta batez ere Unibertsitateei, beraiek sortzen dituzten material eta testu guztiak lizentzia librea erabiliz aska ditzaten, eta lizentzia hori Wikipediarekin bateragarria izan dadin (CC-BY-SA).
Horrela zuzenean hartu ahal izango genituzke edukiak, adibidez Deustuko Unibertsitateko webgunetik edo EHUk argitaratutako testu liburuetatik, eta Wikipedian txertatu.
Hainbeste eztabaida sortzea onuragarria dela uste dugu. Guk bide berri bati ekin nahi diogu Euskara eta IKTen munduan, baina ez dugu egun batetik bestera lortuko dena aldatzea, nahiz eta erakundeak gure artean izan. Pausoz pauso joango gara eta uste dugu bidea urratsen goazela zentzu onean. Zuon ideiak beti onartuak izango dira eta kontutan hartuko dira ahal diran neurrian. Euskararen alde indarrak batu behar ditugu, ezta?
Nik dakidanera arte oso interesgarria iruditzen zait Azkue Fundazioaren ekimena. Bertako jendearekin harremanetan jarri eta proiektua gertutik ezagutzeko aukera ere izan dut eta borondate onik ez da falta. Wikipediako artikuluak gehitzeko apustua egin dutela? ba fenomeno! Biba zuek!
Benetan sinisten dut erakundeak, gizarte eragileak, norbanakoak... batzen dituzten proiektuetan. Aberatsago ere egiten du elkarlan horrek eta euskarazko komunitatearendako onura baino ez da erakundeek ere ekimen libreetan inbertsioa egitea. Dagokigun kasuan, erakunde batek wikiplazaren bidez egin du pausoa anitza eta librea den wikipedia osatzeko. Zentzu honetan mugimenduak ikusten dihardut Bizkaiko Foru Aldundian, Gipuzkoakoan ere aspalditxo ari dira eduki libreen kontuekin, norbanakoak asko dira eduki libreetan sinisten dutenak, eskola eta ikastola batzuk ere txukun dabiltza, elkarteak... euskarazko wikipedia haziz doa eta horixe komeni zaigu euskaldunoi. Animo!
Zorionak Azkue Fundazioa! Paz de Ziganda ikastolak 2010eko Nafarroa oinez antolatu behar du eta Azkue Fundazioaren ekimen librezaleari esker, material ezin aproposagoa aurkitu dugu Fundazioaren eduki libreen artean. Hain zuzen ere, denon eskura jarri duen Euskararen Kartografia bildumari esker, erakusketa bikaina antolatu behar dugu. Horrela, gure ikastolako ate aurretik, Done Jakue bidea eginez, pasatzen diren erromesei euskara zer den erakutsiko diegu. Mila esker Azkue Fundazioa!
Azkue Fundazioari izena ematen dion Resurreción María de Azkue zenaren 1930. urteko argazkia Creative Commons by-sa, Aitortu-Berdin Partekatu baimenpean eskuragarri bada GureGipuzkoa atarian.
Uste dut Abel ez dela ari Azkue fundazioaz, Deian agertu den
artikulu honetaz
baino.