Berreskuratu zure BIC boligrafoa birbobinatzeko

Cassette zorroa.

Lehengoan, nire seme-alabek kalean aurkitu zuten zinta baten hari magnetikoa, suelto haizeak zeramala, kasete zahar eta apurtu batetik eutsita doi-doi: ez zekiten zer zen, jostailu estraino eta miresgarri bat kalean. Musika entzuteko sistema ezezagun haren berri eman nien ;-)

Ni ere nostalgiko jartzen naiz hauekin... Eta gogoratzen naiz, ez dakit nola buruan itsatsita geratu zitzaidan 80ko hamarkadako Donostiako talde pseudo-indie edo donostisound baten kantuarekin: c-60, c-60, ya no eres virgen, ya no eres pura... Agian amestu dut, eta ez ziren donostiarrak, baina, Amodio Jauna, otoi, zuk ez badakizu, nork argituko dit ea asmatu dudan ala egia diodan.

txo, baliteke, baina ni urte haietan oraindik adur-zapikin jaten nuen :D

Gogoratzen orain dela gutxi Ingalaterran egindako beste esperimentua ???

Ez bakarrik musika grabatu eta entzuteko, edo modazko zorroak diseinatzeko, "ZX Spectrum" etxe-ordenagailuek programak eta datuak kasete grabagailu arrunt batean grabatzen zituzten.

Lehen modeloek kaseteak aparteko aparailu batean zeukaten. 1986 urtean kaleratu zen ZX Spectrum +2 modeloak karkasan bertan kasete grabagailua zuen eta kasetean grabatzen ziren programak.

Hemen irudia:

Argazkiak.org | ZX Spectrum +2 © cc-by-sa: eneko

Oraindik eros daitezke sarean.

Nik 16, 32 eta 48koak izan nituen, gero Commodore Amiga (nibela,),...

Estetika retro hau eguneroko beste gailu batean: neurriak hartzeko metroa.

Gama-Go etxeak egin eta saltzen du.