Teknologia albisteak

Herri Adminiztrazio, ez bereziki zuzen

Sustatu

2009-09-25 : 12:09

Eusko Jaurlaritzako Justizia eta Herri Administrazio sailak aldizkari elektroniko bat argitaratzeari ekin dio aurtengo irailean: Zuzen. Lehen aleak bi atal nagusi ditu, sailak bezala, Justizia eta Herri Adminiztrazio (sic).

Argazkiak.org | Adminiztrazio © cc-by-sa: sustatu

Aldizkariaren azalpen-lerroa ere bitxia da euskaraz, S eta Z hobeto agertu arren, "Saila" falta da, esango genuke, eta akaso koma bat ere bai (kakotxa gaztelaniaz ere ondo etorriko zitzaion, ikusi irudian):

Informazio Aldizkaria Justizia eta Herri Administrazio.

Justizia sailaren webgunean badaude beste errore batzuk, ohikoak akaso. Portadan ageri den ataletako batek Berrikuntzaren publikoa du izena. Gaztelaniaz ikusita, harrapatu diogu esanahia: Innovación pública.

Erantzunak

Zergapekoa

2009-09-25 : 13:16

Hori ere, gure dirutik, noski...

Herri diruak horrela xahutzea ez da delitua?

Gero barre egiten digute euskaldunoi "si vendría" eta horrelakoak esaten ditugulako espainolez.

Elebakar ez ezik, analfabeto, axolakabe eta karka. (Lehengo lepotik burua, alegia).

Borja

2009-09-25 : 17:44

Honek ez du sortuko, ez, "aprovar" eta bestek adinako zalapartarik... erromatar hauekin jai dugu...

Jsb

2009-10-11 : 16:36

Beste atal bat ere erantsi diote, antza: "Derechos Humanos/ Giza Eskubidea". Atal horretan sartuz gero, "Giza eskubidea (?)" hori, "Giza Ezkubidea" bihurtzen da.